Connect with us

KPT+

មនុស្សស្រីរឹងមាំនឹងមិនអត់ទ្រាំចំពោះទង្វើស្នេហាដែលមាន៧យ៉ាងនេះទេ

បានផុស

នៅ

ស្ត្រីរឹងមាំហើយឯករាជ្យនឹងមិនដែលខ្លាចចាកចេញពីមនុស្សប្រុសនោះទេ ប្រសិនបើនាងឃើញថា អ្នកមិនធ្វើល្អចំពោះនាង។ ដើម្បីកុំឲ្យនាងដេញចេញទាន់  អ្នកជាបុរសក៏អាចចាកចេញពីនាងបានដែរ បើដឹងខ្លួនថាប្រកាន់ចំណុចទាំងប៉ុន្មានខាងក្រោមនេះ ៖

១. ព្យាយាមគ្រប់គ្រងនាង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីឯករាជ្យមិនត្រូវការឲ្យអ្នកបញ្ជារនាងឆ្វេងស្ដាំទេ។ ប្រសិនបើគិតថា អ្នកមានអំណាចនិងចង់គ្រប់គ្រងនាង នោះអ្នកយល់ខុសហើយ។ សូមប្រាប់ទៅចុះថា នាងអាចមើលឃើញល្បិចរបស់អ្នកបានយ៉ាងច្បាស់។ ដូច្នេះបើកំពុងមានបំណងមិនល្អ អ្នកក៏អាចបោះបង់មុនពេលដែលព្យាយាមធ្វើវាចេញមក។ នាងនឹងបោះបង់ចោលអ្នកលឿនជាងអ្វីដែលអ្នកបានគិតទៅទៀត បើអ្នកមានគំនិតបែបនេះ។

២. មិនគាំទ្រក្ដីសុបិនរបស់នាង

ក្នុងនាមជាស្ត្រីរឹងមាំម្នាក់នាងមានគោលដៅនិងក្តីសុបិនជាច្រើន។ នាងមានមហិច្ឆតា ហើយនាងតែងតែចង់ដើរតាមអ្វីដែលនាងចង់បាន។ ប្រសិនបើអ្នកមកបន្ថែមទម្ងន់ ឬបាំងផ្លូវដែលនាងចង់បាន នាងនឹងដើរចេញពីអ្នក គ្មានស្រណោះឡើយ។ នាងមិនខ្លាចបោះបង់ទំនាក់ទំនងដែលមានមនុស្សសម្ដែងការមិនពេញចិត្តនឹងក្តីសុបិនរបស់នាងទេ។

៣. កុហកនាង

ភាពមិនស្មោះត្រង់និងការបោកបញ្ឆោតនៅក្នុងទំនាក់ទំនងជាមួយនាងនឹងត្រូវកាត់ផ្ដាច់ បើអ្នកហ៊ានកុហក។ នាងមិនដែលចង់ភ្ជាប់ខ្លួនទៅនឹងបុរសដែលក្បត់ វៀចវេរនឹងនាងឡើយ។ ដូច្នេះប្រសិនបើគិតថា អ្នកអាចកុហកនាងដើម្បីឱ្យខ្លួនរួចផុតពីបញ្ហា អ្នកនឹងមានរឿងមួយទៀតកើតឡើង នោះគឺចប់ជាមួយនាង។

៤. មានលេសច្រើន

នៅពេលណាធ្វើខុសក្នុងស្នេហា រឿងបន្ទាប់របស់អ្នក គឺទទួលខុសត្រូវលើវា។ នាងនឹងមិនអត់ឱននឹងបុរសម្នាក់ ដែលបដិសេធមិនទទួលខុសត្រូវចំពោះសកម្មភាពរបស់គេឡើយ។ ប្រសិនបើធ្វើខុស ហើយចេះបន្ទាបខ្លួននិងសុំទោស នោះអាចជារឿងល្អ។ ប៉ុន្តែបើព្យាយាមដោះសារ បដិសេធការសុំទោស ហើយមានលេសមិនចេះអស់ ប្រាកដណាស់អ្នកមិនអាចបន្តជាមួយនាងទៀតទេ។ សូមកុំគិតថា នាងមើលមិនដឹងថា   អ្នកកុហកឲ្យសោះ។

៥. គ្មានមនោសញ្ចេតនាច្បាស់លាស់

នាងមិនដែលចង់មានទំនាក់ទំនងជាមួយមនុស្សគនោះទេ។ ជាការពិតប្រសិនបើនៅជាមួយនាង នោះអ្នកពិតជាត្រូវនិយាយអ្វីដែលចេញពីបេះដូង។ វាមានន័យថា អ្នកត្រូវតែមានភាពក្លាហានគ្រប់គ្រាន់ ដើម្បីប្រាប់នាងឱ្យច្បាស់ពីអារម្មណ៍របស់ខ្លួន។ ប្រសិនបើស្ងៀមៗ ស្ងាត់ៗជ្រុលពេក  ឬឆេវឆាវខ្លាំងពេក នាងក៏នឹងគ្មានអារម្មណ៍ចំពោះអ្នកដែរ។

 ៦. មិនដែលស្ដាប់នាងនិយាយ

ការប្រាស្រ័យទាក់ទង ជាចំណុចសំខាន់នៃទំនាក់ទំនងស្នេហា។ កុំគិតថាការប្រាស្រ័យទាក់ទងគ្រាន់តែ និយាយគ្នាគ្រប់ពេល។ មិនគួរគិតតែពីនិយាយច្រើនតែម្នាក់ឯងនោះទេ អ្នកគួរដើរតួជាអ្នកស្តាប់ដ៏ល្អផងដែរ។ គ្មាននរណាគេចូលចិត្តអង្គុយស្ដាប់យើងគ្រប់រឿង និងគ្រប់ពេលឡើយ! ដូច្នេះពេលនាងនិយាយអ្នកស្ដាប់ ហើយពេលអ្នកនិយាយ នាងស្ដាប់អ្នកវិញម្ដង។

៧. មិនគោរពឲ្យតម្លៃនាង

ជាការពិតក្នុងនាមជាស្ត្រីម្នាក់ នាងតែងតែប្រកាន់ខ្ជាប់នូវសេចក្តីថ្លៃថ្នូររបស់ខ្លួន ដើម្បីទទួលបានការគោរព។ ត្រង់នេះមានន័យថា នាងនឹងមិនអត់ឱនចំពោះការមិនគោរពណាមួយដែលអ្នកមើលរំលងឡើយ។ ប្រសិនបើចង់រក្សានាងក្នុងជីវិត អ្នកត្រូវគោរពនាងជានិច្ច ព្រោះថាអ្នកណាៗក៏មានតម្លៃរបស់ខ្លួនដែលគួរទទួលការគោរពដែរ។ វារឿងជាសាមញ្ញប៉ុណ្ណោះ គ្រាន់តែគោរពឲ្យតម្លៃនារីម្នាក់៕

ប្រែសម្រួល៖ សន្យា

ចុចអាន៖ ពេល​ក្លាយ​ជា​អ្នក​ម្ដាយ មនុស្ស​ស្រី​ក្លាយ​ជា​អស្ចារ្យ​ដោយ​សកម្មភាព​អស់​ទាំងនេះ

ចុចអាន៖ ផែនការ​នីមួយៗ​នៃ​ជីវិត អាច​ជោគជ័យ​ លុះ​ណា​អនុវត្ត​តាម​របៀប​ខាងក្រោម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥១ នាទី មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៥៣ នាទី មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម២ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ៤ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

Sokha Hotels

ព័ត៌មានពេញនិយម