KPT+
ទទួលបានទេចំពោះ តម្លៃម្ហូប និងកន្លែងអង្គុយ នៅរមណីយដ្ឋានឆាយខ្ពស់ បច្ចុប្បន្ន?
ទឹកធ្លាក់ ឆាយខ្ពស់ ជារមណីយដ្ឋានធម្មជាតិមួយកន្លែងដ៏ទាក់ទាញ ក្នុងចំណោមតំបន់អេកូទេសចរណ៍ជាច្រើនទៀត នៅតំបន់សហគមន៍ទេសចរណ៍ធម្មជាតិជីផាត។ ទីនេះ ក៏មានអាហារដ្ឋាន ផ្ដល់សេវាម្ហូបអាហារ និងកន្លែងអង្គុយ ជូនភ្ញៀវទេសចរហូបបាយជុំគ្រួសារ ឬមិត្តភក្ដិ ក្រុមការងារ។
បន្ទាប់ពីស្ថានភាពវិបត្តិកូវីដ-១៩ បានស្រាកស្រាន្ត ភ្ញៀវទេសចរបានបន្ត សម្រុកទៅកម្សាន្តទីនោះឥតដាច់ ពិសេសថ្ងៃចុងសប្ដាហ៍។ ពេលនេះ សូមមកដឹងតម្លៃសេវាម្ហូបអាហារ និងកន្លែងអង្គុយញ៉ាំបាយ បច្ចុប្បន្ននៅ រមណីដ្ឋាន ឆាយខ្ពស់ តើលោកអ្នកអាចទទួលបាន ឬទេ?
អ្នកស្រី វ៉ាន់ នោ ម្ចាស់អាហារដ្ឋាន ទឹកធ្លាក់ ឆាយខ្ពស់ បានឱ្យដឹងថា ថ្វីដ្បិតតំបន់នេះ មានតែអាហារដ្ឋានរបស់អ្នកស្រីតែមួយកន្លែងពិតមែន តែអ្នកស្រីមិនលក់កាត់ ឬកោរភ្ញៀវឡើយ ដោយម្ហូបមួយចានមានតម្លៃចាប់ពី ២០ ០០០ រៀល ឬ ២៥ ០០០ រៀលឡើងទៅ ទៅតាមប្រភេទសាច់ និងទំហំចាន។
ម្ចាស់អាហារដ្ឋានរូបនេះ បានឱ្យដឹងបន្ថែមថា ចំពោះប្រភេទសាច់ មានដូចជា ត្រី មាន់ កង្កែប បង្កង ក្ដាម ជាដើម សុទ្ធតែយកពីតំបន់ផ្ទាល់ ពោលគឺមិនមែនសត្វចិញ្ចឹមពីកសិដ្ឋាន ឬចូលពីប្រទេសជិតខាង ដែលធ្វើឱ្យភ្ញៀវបារម្ភពីរសជាតិ និងគុណភាពសាច់នោះទេ។ ចំពោះ មាន់ស្រែ ទម្ងន់ ១គីឡូក្រាម តម្លៃ ១,៦ ម៉ឺនរៀល ក្ដាមថ្មល្អ ១គីឡូក្រាម ៨ម៉ឺនរៀល បង្កងធំ ១គីឡូក្រាម ១៣ម៉ឺនរៀល ដោយផ្ដល់សេវាធ្វើម្ហូបជូនមិនគិតថ្លៃបន្ថែមឡើយ។
ចំពោះកន្លែងអង្គុយហូបបាយ មិនគិតថ្លៃទេ បើភ្ញៀវជាវបាយម្ហូបនៅពីអាហារដ្ឋានផ្ទាល់ ឬភ្ញៀវយកបាយម្ហូបខ្លួនឯងខ្លះ និងជាវបន្ថែមខ្លះ គឺមិនគិតថ្លៃជួលទេ។ ប៉ុន្តែបើភ្ញៀវមិនជាវម្ហូបទេ ឬភ្ញៀវយកបាយម្ហូបខ្លួនឯងទាំងអស់ និងថ្ងៃបុណ្យទានធំៗដែលមានទេសចរមកកម្សាន្តច្រើន គឺគិតថ្លៃ ១កន្លែង តម្លៃ ៤ម៉ឺនរៀល ចំណែកកន្លែងធំ តម្លៃ ៦ម៉ឺនរៀល។
គួរបញ្ជាក់ថា ទឹកធ្លាក់ ឆាយខ្ពស់ មានទីតាំងស្ថិតនៅ ឃុំជីផាត ស្រុកថ្មបាំង ខេត្តកោះកុង និងមានចម្ងាយប្រហែល ១២៣ គីឡូមែត្រ ពីរង្វង់មូល ខេត្តកោះកុង។ ទីតាំងទឹកធ្លាក់នេះ ស្ថិតនៅចន្លោះគីឡូម៉ែត្រ ៤៥-៤៦ នៃកំណាត់ផ្លូវជាតិលេខ៤៨ ក្នុងភូមិព្រលានឃុំអណ្តូងទឹក ស្រុកបុទុមសាគរ រួចបត់ស្តាំ (បើមកពីភ្នំពេញ) ចូលតាមផ្លូវក្រាលគ្រួសក្រហម ចំងាយ ២៥ គីឡូម៉ែត្រ៕
អត្ថបទ៖ ច័ន្ទ វីរៈ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង