KPT+
៧ យ៉ាងដែលអ្នកមានមិនសូវធ្វើ តែអ្នកក្រតែងខ្ជះខ្ជាយនឹងរឿងទាំងនោះ
គ្នាយើងមានដែរឆ្ងល់អត់ ថាតើហេតុអ្វីក៏ចេះតែក្រទៅៗ ចំណែកអ្នកមានវិញ ចេះតែមានទៅៗ។ ជារឿងសាមញ្ញ អ្នកមានមិនសូវចាយទៅលើរបស់ឥតប្រយោជន៍ច្រើនឡើយ ស្របពេលអ្នកក្រភាគច្រើន តែងចាយទៅលើវត្ថុមានតម្លៃ ដូចជាអាវ គ្រឿងអលង្ការ និងនាឡិកាថ្លៃៗទុកបង្អួតគ្នា ។ អ្នកខ្លះសន្សំលុយអស់ច្រើនឆ្នាំ ឬក៏ខ្ចីប្រាក់គេដើម្បីទិញរបស់ទាំងនេះមកលម្អខ្លួនប្រាណក៏មាន។
កុំខាតពេលយូរ មកមើលចំណុចខ្លះៗ ក្រែងមានយើងនៅក្នុងនេះដែរ។
១. ពាក់មាសជ្រែកខ្លួន
ជាទូទៅ ស្ត្រីភេទចូលចិត្តភាពទាន់សម័យ ដូចជាពាក់គ្រឿងអលង្ការឬមាសនៅពេលចូលរួមកម្មវិធីផ្សេងៗ អ្នកខ្លះពាក់ដល់ទៅគ្រឿងអលង្ការធំៗសឹងជ្រែកខ្លួន។ ប៉ុន្តែសម្រាប់អ្នកដែលមានស្ថានភាពហិរញ្ញវត្ថុអត់ស្ថិរភាព ហើយជ្រួលជ្រើមទៅទិញមាសតាមគេនោះ គឺគិតខុសហើយ។ មានគំនិតមួយទៀត គ្រឿងអលង្ការឬមាសគឺជាគ្រឿងលម្អ បង្ហាញភាពហ៊ឺហាស៊ីវិល័យនិងអនុភាពរបស់ខ្លួន នោះហើយជាមូលហេតុដែលក្មេងស្រីក្រីក្រចូលចិត្តពាក់គ្រឿងអលង្ការទាំងនោះដើម្បីបង្អួតគ្នា។
២. ចាយលើសម្លៀកបំពាក់និងស្បែកជើងពីម៉ាកថ្លៃ ៗ
ជឿអត់ថាអ្នកមានទ្រព្យសម្បត្តិស្តុកស្តម្ភ គេព្រងើយកន្តើយចំពោះសម្លៀកបំពាក់ម៉ាកល្បីៗ ពួកគេចូលចិត្តស្លៀកខោខោវប៊យនិងអាវយឺតសាមញ្ញ។ នៅក្នុងបទសម្ភាសន៍មួយ Bill Gates បាននិយាយថា នាឡិកាដៃដែលគាត់ពាក់មានតម្លៃ ១០ ដុល្លារ ទោះបីជាគាត់អាចមានលទ្ធភាពទិញនាឡិការាប់លានពីម៉ាកល្បីៗក៏ដោយ។ ជំនួសឱ្យការដើរទិញឥវ៉ាន់ គួរព្យាយាមស្វែងរកការសប្បាយដែលផ្ដល់ឲ្យនូវជីវិតនៅសុភមង្គលវិញ។
៣. វះកាត់កែសម្ផស្ស
វះកាត់កែសម្ផស្សមានប្រជាប្រិយភាពនៅទូទាំងពិភពលោក មនុស្សគ្រប់គ្នាចង់មានរាងកាយល្អឥតខ្ចោះ។ សព្វថ្ងៃនេះតារាល្បីៗនិងអ្នកមានពេញនិយមការវះកាត់កែសម្ផស្ស ដើម្បីបំបាត់ស្នាមជ្រួញ។ ដូចគ្នាដែរក្មេងស្រីជាច្រើនដើម្បីចង់ឡូយឆាយត្រូវសន្សំប្រាក់វះកាត់បបូរមាត់ និងសុដន់ ក៏ដូចជាកែកុនកន្លែងផ្សេងទៀតដែលអាចជួយឱ្យមើលទៅក្មេងជាងវ័យ។
៤. អាវរោម
អ្នកមានទ្រព្យស្តុកស្តម្ភ តែងបដិសេធមិនពាក់អាវរោម ព្រោះពួកគេជឿជាក់ថាវាមិនសមហេតុផលទេក្នុងការពាក់។ ប៉ុន្តែអាវរោមនៅតែត្រូវបានគេចាត់ទុកថាជារបស់ប្រណីត និងជាសូចនាករនៃស្ថានភាពសង្គមសម្រាប់ក្មេងស្រីខ្លះ។ នេះជាហេតុផលដែលពួកនាងហ៊ានចំណាយលុយ ដើម្បីទិញវាមកហ៊ឺហា។
៥. ទិញសំបុត្រយន្តហោះ Business Class
ស្ថាបនិក IKEA លោក Ingvar Kamprad មិនដែលទិញសំបុត្រយន្តហោះកន្លែងប្រណីតឡើយ និយោជិករបស់ក្រុមហ៊ុន IKEA ទាំងអស់ ទោះបីពួកគេមានឋានៈថ្នាក់ខ្ពស់ តែពួកគេតែងស្នាក់នៅសណ្ឋាគារតម្លៃថោក។ ចំណែកមនុស្សដែលមានប្រាក់ចំណូលមធ្យម តែងចំណាយលើការធ្វើដំណើរហួសហេតុ។
៦. ឧបករណ៍ប្រើប្រាស់ក្នុងផ្ទះ
អ្នកមានមិនសូវទិញឧបករណ៍ប្រើប្រាស់ក្នុងផ្ទះច្រើនឡើយ បើម៉ូឌែលមុនដែលបានទិញនៅតែដំណើរការល្អពួកគេមិនចាំបាច់ទិញថ្មីទេ។ មនុស្សដែលមានប្រាក់ចំណូលទាប ឬប្រាក់កម្ចីពីធនាគារណាមួយ តែងយកទៅទិញឧបករណ៍ប្រើប្រាស់ក្នុងផ្ទះនិងឧបករណ៍ផ្សេងៗ។ អ្នកខ្លះប្រើឧបករណ៍ទំនើបទាំងនេះតែមួយឬពីរដង ក្រោយមកដាក់លើធ្នើរដេកសម្លឹងមើល។
៧. រថយន្តប្រណីត
អ្នកមានមិនទិញរថយន្តថ្មីទេ បើឡានផ្ទាល់ខ្លួនមានដំណើរការល្អ មើលតែ Mark Zuckerberg ស្ថាបនិកហ្វេបុកចុះ បើកតែរថយន្តម៉ាក Volkswagen ដដែលៗ។ ទោះយ៉ាងណា មនុស្សជាច្រើននៅជុំវិញពិភពលោកប្រើរថយន្តថ្លៃ ៗ ដើម្បីលើកកម្ពស់ និងចង់ឲ្យគេគោរពខ្លួនឯង តែធាតុពិតពួកគេគ្រាន់តែយកប្រាក់កម្ចីទៅទិញរថយន្តតែប៉ុណ្តោះ។
រៀបរាប់មកច្រើនយ៉ាងនេះ សង្ឃឹមថាគ្នាយើងគួរដឹងចំណុចខ្លះដែរហើយ! ល្មមឈប់ចំណាយលុយលើរបស់ដែលឥតប្រយោជន៍ ឬដើម្បីចង់បង្អួតគ្នាបង្ហាញភាពហ៊ឺហាទៀតទៅ។ ភាពហ៊ឺហា មិនមែនសំដៅដល់ការចំណាយអួតគ្នាឡើយ ចង់មានត្រូវខំរក ខំសន្សំ កុំចាំតែមើលបំណាំគេ ហើយអាងពេបមាត់បង្ហាញទឹកមុខច្រណែនគេ ៕
ប្រែសម្រួល៖ សាង ស្រីល័ក្ខ
ចុចអាន៖ វីរបុរសរបស់ STARBUCKS ៖ «មានជំនឿ១០០ភាគរយសិន សឹមចាប់ផ្ដើមអាជីវកម្ម»
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល