Connect with us

KPT+

តិចនិក ១២ យ៉ាង ព្យាបាលដក់ក្រោមភ្នែកយ៉ាងមានប្រសិទ្ធភាព

បានផុស

នៅ

ដក់ក្រោមភ្នែក នឹងធ្វើផ្ទៃមុខកាន់តែឆាប់ជ្រួញខ្លាំង ប្រសិនបើយើងធ្វើការព្យាបាលមិនបានត្រឹមត្រូវ។ លើសពីនេះ បច្ចុប្បន្ន មិនខ្វះទេផលិតផលព្យាបាលស្លក់ដក់ក្រោមភ្នែក គ្រាន់តែវាមិនសូវមានប្រសិទ្ធិភាព។

ជាមួយគ្នានេះដែរ អ្នកក៏ត្រូវដឹងភ្នែកដក់ មិនអាចព្យាបាលដោយផលិតផលទាំងស្រុងនោះទេ វាត្រូវការការថែទាំផ្សេងៗដើម្បីផ្គួបគ្នា ទើបយើងអាចឃើញផលពិតប្រាកដ។ មុននឹងដឹងអំពីវិធីព្យាបាល អ្នកគួរដឹងអំពីមូលហេតុនាំឲ្យមានដក់ក្រោមភ្នែកជាមុនសិនដូចជា៖

_ អាឡ័កស៊ី

_ អស់កម្លាំងរ៉ាំរ៉ៃ

_ បញ្ហាពណ៌ស្បែក

_ ទទួលផលប៉ះពាល់ពីព្រះអាទិត្យ

_ ចាស់តាមអាយុជាដើម។

ចំណែកឯវិធីព្យាបាលដក់ក្រោមភ្នែកមានដូចខាងក្រោមនេះ៖

១. ស្អំថង់តែ

សារជាតិកាហ្វេអ៊ីន ជួយប្រឆាំងអុកស៊ីតកម្ម បង្កើនលំហូរឈាមនៅក្នុងស្បែក ​ការពារស្បែក​ពី​កាំរស្មីយូវី និង​​ការពារភាពចាស់ជាងវ័យ។ របៀបធ្វើ៖ ដាក់ថង់តែឆុង៣ទៅ៥នាទី រួចដាក់ថង់នោះចូលក្នុងទូទឹកកក២០នាទី ចាំច្របាច់ទឹកតែចេញសឹមយកមកដាក់ភ្នែកពី១៥ទៅ៣០នាទីជាការស្រេច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. ស្អំរបស់ត្រជាក់

អ្នកអាចប្រើជាស្លាបព្រាក្លាសេ ត្រសក់ក្លាសេ ក្រណាត់ត្រជាក់ ឬបន្លែត្រជាក់ផ្សេងៗមកស្អំដើម្បីបង្កើនលំហូរឈាម ប៉ុន្តែសូមប្រយ័ត្ន កុំប្រើត្រជាក់ពេកខ្លាចរលាកស្បែក។

៣. ផឹកទឹកគ្រប់គ្រាន់

អ្នកជំនាញណែនាំយើងឲ្យផឹកទឹកមួយថ្ងៃ ១៣កែវ សម្រាប់មនុស្សប្រុស និង ៩កែវសម្រាប់មនុស្សស្រី។

៤. ប្រើប្រាស់ Retinol

ការប្រើប្រាស់នេះ គឺសម្រាប់តែមនុស្សធំវ័យលើស២០ឆ្នាំតែប៉ុណ្ណោះ។ ចំណែកក្មេងៗដែលជាយុវវ័យក្រោមអាយុនេះ គឺមិនមែនចេះតែប្រើបាននោះទេ។

៥. ប្រើផលិតផលសម្រាប់ភ្នែក

ទោះបីវាមិនជួយទាំងស្រុងទៅលើបញ្ហារបស់អ្នក យ៉ាងណាប្រសើរជាងមិនប្រើដែរ។

៦. លាបឡេការពារកម្ដៅថ្ងៃ និងពាក់វែនតាខ្មៅ

កាំរស្មីពីព្រះអាទិត្យផ្ដល់ផលប៉ះពាល់យ៉ាងខ្លាំងចំពោះស្បែកនិងភ្នែករបស់អ្នក វាធ្វើឲ្យភ្នែកខ្មៅដក់ស្លក់ សូម្បីតែបបូរមាត់ក៏ខ្មៅដែរ។

៧. លាងជម្រះគ្រឿងសម្អាងពីមុខឲ្យបានស្អាត

អ្នកគួរតែអនុវត្តន៍ការលាងសម្អាតមុខពីរតង់ ជាមួយទឹកជូតឬក្រមួនលាងមុខ។

៨. គេងគ្រប់គ្រាន់

អ្នកខ្លះអាចនឹងពិបាកធ្វើចំណុចនេះ ប៉ុន្តែអ្នកត្រូវតែព្យាយាមគេងឲ្យគ្រប់គ្រាន់ ហើយមិនអាចគេងសងពេលថ្ងៃឡើយ។

៩. ទទួលទានសារធាតុខូឡាជែនពីអាហារ

វ័យកាន់តែច្រើនខូឡាជែននឹងថយចុះនាំឲ្យភ្នែកដក់ខ្មៅ អ្នកគួរប្រើប្រាស់ខូឡាជែន និងវីតាមីនស៊ីដែលជួយបង្កើនខូឡាជែនផងទើបមានប្រសិទ្ធិភាព។

១០. ញ៉ាំអាហារមានជាតិដែកគ្រប់គ្រាន់

ដូចជា សាច់ក្រហម គ្រឿងសមុទ្រ បន្លែបៃតង ត្រកួនជាដើម សុទ្ធតែល្អសម្រាប់ឈាមរបស់អ្នក។

១១. កាត់បន្ថយរបស់ប្រៃ

ជាតិប្រៃធ្វើឲ្យភ្នែករបស់អ្នកហើម សូមពិនិត្យអាហារឲ្យត្រឹមត្រូវចាំទទួលទាន។

១២. ឈប់ផឹកស្រា និងជក់បារី

ស្រា និងបារី បំផ្លាញជាតិទឹកនៅក្នុងខ្លួនរបស់មនុស្ស បំផ្លាញខូឡាជែនដែលជារបស់សំខាន់ៗសម្រាប់សម្រស់ ទើបការប្រើប្រាស់វាត្រូវគេហាម។

ខណៈបញ្ហារបស់អ្នកនៅតែមិនប្រសើរឡើង មានន័យថា ដល់ពេលអ្នកទៅពេទ្យធ្វើសេវាកម្មហើយទើបទប់ឈ្នះ ព្រោះវិធីខាងលើសម្រាប់តែអ្នកដក់មធ្យមតែប៉ុណ្ណោះ៕

ប្រែសម្រួលដោយ៖ វារី

ចុចអាន៖ស្រីៗនិយមតរោមភ្នែក ត្រូវដឹងពីផលប៉ះពាល់ និងការបង្កគ្រោះថ្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម