KPT+

ជំនឿរន្ធត់ៗ ៨ រឿង នៅកូរ៉េខាងត្បូង គេនិយាយតៗគ្នាថា ជាការពិតដ៏គួរឲ្យខ្លាច

បានផុស

៣ years មុន

នៅ

ថ្ងៃពុធ ២០ កក្កដា ២០២២

ដោយ

ប្រទេសណាក៏មានរឿងព្រេងនិទានពីពពួកអមនុស្សដែរ បូករួមទាំងប្រទេសកម្ពុជាយើងផង គឺមានដូចជាខ្មោចដើមចេកជ្វា អាប ព្រាយ ធ្មប់ជាដើម។ ចំណែកឯកូរ៉េខាងត្បូងក៏ដូចគ្នា ពួកគេមានរឿងរន្ធត់ៗជាច្រើនដែលគេនិយាយតៗគ្នាហើយនាំគ្នាមានជំនឿថា វាជារឿងពិតកើតឡើងនៅក្នុងប្រទេសខ្លួន។ រឿងដ៏គួរឲ្យខ្លាចខាងក្រោមនេះនឹងធ្វើឲ្យយើងព្រឺសម្បុរខ្ញាកៗ៖

១. នារីរយះមាត់ (The Slit-Mouthed Woman)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងអំពីនារីនេះបានឲ្យដឹងថា ក្មេងៗណាដើរតែលតោលយប់ឡើងម្នាក់ឯង អាចនឹងមានឱកាសជួបនាងណាស់។ នាងពាក់ម៉ាស់ឃើញតែភ្នែក រួចនាងនឹងសួរក្មេងនោះថា “ឯងគិតថាខ្ញុំស្អាតទេ?” បើក្មេងថាមិនស្អាត នាងនឹងសម្លាប់គាត់ ប៉ុន្តែបើថាស្អាត នាងនឹងបើកម៉ាស់ចេញហើយសួរសំណួរដដែលម្ដងទៀត បើក្មេងនៅតែថាស្អាត នាងនឹងធ្វើឲ្យរយះមាត់ដូចគ្នា ប៉ុន្តែបើថាអត់នៅតែស្លាប់ដដែល។

២. ត្រាំទឹកជាមួយគ្រាប់ល្ង (The Sesame Seed Bath)

នារីម្នាក់សម្រេចចិត្តត្រាំនៅក្នុងអាងអស់ជាច្រើនម៉ោងជាមួយគ្រាប់ល្ង បន្ទាប់ពីគេប្រាប់ថាល្អសម្រាប់ស្បែក ហេតុតែម្ដាយបាត់កូនស្រីយូរពេក ស្រាប់តែទៅរកមើលប្រទះឃើញនាងនៅក្នុងអាងទឹកកំពុងឆ្កឹះគ្រាប់ល្ងចេញពីស្បែក ដោយប្រើឈើចាក់ធ្មេញ រហូតធ្វឲ្យចេញឈាម ព្រោះតែគ្រាប់ល្ងនោះវាជាប់ស្បែកបេះមិនចេញ។

៣. ឃាតកនៅក្នុងជណ្ដើរយន្ត (The Elevator Murderer)

យោងតាមដំណើររឿង ហារូកូក្មេងស្រី១៩ឆ្នាំម្នាក់ កំពុងប្រើជណ្ដើរយន្តឡើងផ្ទះរបស់នាងនៅជាន់ទី១៤ ពេលនោះទ្វារជណ្ដើរយន្តជិតបិទទៅហើយ ស្រាប់តែមានបុរសសង្ហាម្នាក់លូកដៃមកកុំឲ្យទ្វារបិទ ហើយចូលមកឈរជិតនាងមែនទែន រួចប្រាប់នាងថាគាត់រស់នៅជាន់ទី១៣ ហើយចុចប៊ូតុងជាន់ទី១៣ទៅ ប៉ុន្តែពេលដល់ជាន់១៣បុរសនោះដើរចេញទៅនិយាយថា “ជួបគ្នានៅខាងលើ” គាត់សើចដូចមនុស្សឆ្កួត ថែមទាំងកាន់កាំបិតនៅនឹងដៃទៀតផង មិនថាហារូកូចុចប៊ូតុងអ្វីទេជណ្ដើរយន្តមិនឈប់សោះ ទីបំផុតនាងក៏ត្រូវគេសម្លាប់ទៅ។ ជនជាតិកូរ៉េជឿជាក់ថា នេះជារឿងពិត ទើបជណ្ដើរយន្តឥលូវមានប៊ូតុងបញ្ឈប់។

៤. ឆ្កែមុខមនុស្ស (Human-faced Dog)

កាលពីឆ្នាំ ១៩៧០ មនុស្សជាច្រើនបានជុំគ្នាចែករំលែកពីរឿងព្រឺសម្បុរមួយគឺពួកគេធ្លាប់ឮសម្លេងមនុស្សនិយាយពេលដើរពេលយប់ ប៉ុន្តែមិនឃើញមាននរណាម្នាក់ឡើយរហូតដល់មួយសន្ទុះងាកទៅម្ដងទៀតទើបឃើញឆ្កែមួយមានក្បាលមនុស្ស។ ពួកគេជឿថាវាជាមនុស្សមានបាបទើបកើតមកបែបនេះ។

៥. នារីភ្នែកប្រហោង (The Hollow-eyed Woman)

យោងតាមភាគខាងកើតទីក្រុងសេអ៊ូល រឿងនេះគេនិយាយពីផ្លូវមួយហៅថា ចាយូរ៉ូ ដែលល្បីថាមានគ្រោះថ្នាក់ជាញឹកញាប់។ អ្នកបើកបរខ្លះបង្ហើបថាគាត់ឃើញនារីម្នាក់ឈរនៅម្ខាងផ្លូវ នាងពាក់វែនតាខ្មៅ ប៉ុន្តែដល់ពេលមើលជិតទើបដឹងថានោះមិនមែនជាវែនតាទេ តែបែរជាប្រហោងភ្នែក គ្មានគ្រាប់ភ្នែកទៅវិញ។

៦. សុបិនលួចព្រលឹង (Soul Stealing Dreams)

រឿងនេះជារឿងព្រេងមានអាយុកាលយូរណាស់មកហើយ ការសុបិនឃើញមនុស្សជាទីស្រលាញ់(ស្លាប់ហើយ)ជាប្រផ្នូលអាក្រក់ ជាពិសេសពេលឃើញពួកគេឈរក្បែរទឹក ហើយហើយហៅអ្នកទៅក្បែរ បើអ្នកឱបគាត់ៗនឹងលួចព្រលឹងអ្នកតែម្ដង។

៧. ខ្មោចបរិសុទ្ធ (Virgin Ghosts)

រឿងខ្មោចនេះពេញនិយមណាស់នៅកូរ៉េខាងត្បូង គេជឿថា នាងមានសក់ខ្មៅវែងអន្លាយបាំងមុខដ៏គួរឲ្យខ្លាចរបស់នាង ជាទូទៅបើមានមួយនៅក្បែរអ្នកសីតុណ្ណភាពនឹងត្រជាក់ខុសធម្មតា។

៨. ម៉ាស់មុខធ្វើពីកន្លាត (Cockroach Facial Mask)

ប្រជាជនកូរ៉េនិយាយតៗគ្នាថា មានក្មេងប្រុសម្នាក់គាត់មានបញ្ហាមុខមុនធ្ងន់ធ្ងរណាស់ មិនដឹងជាចេះមកពីណាទេក្មេងប្រុសនោះចាប់ផ្ដើមយកកន្លាតមកដាក់លើខ្នើយមុនចូលគេង លុះព្រឹកឡើងមុនក៏បាត់អស់រលីង ហើយកន្លាតក៏បាត់។ គាត់ទៅសាលាទាំងសប្បាយរីករាយ មិនយូរមិនឆាប់ទើបដឹងថាកន្លាតពងដាក់ក្នុងរន្ធញើសឡើងពេញ៕

ប្រែសម្រួល៖ វារី

ចុចអាន៖ពូជសុនខ ១០ ប្រភេទ មានរូបរាងស្រស់ស្អាត និងវ៉ៃឆ្លាតខ្លាំង