KPT+
បច្ចេកទេសដាំដំឡូងមីទទួលបានផលល្អ
ដំឡូងមី ជាដំណាំមួយប្រភេទដែលសំខាន់ក្នុងវិស័យកសិកម្មនៅប្រទេសកម្ពុជា ព្រមទាំងជួយផ្តល់ជាទីផ្សារការងារឱ្យប្រជាជនខ្មែររាប់ម៉ឺននាក់ផងដែរ។ ដំឡូងមី មានពូជបី គឺពូជអាចហូបមើម ពូជសម្រាប់យកម្សៅ និងពូជសម្រាប់ដាំលម្អ។
ប្រជាជននៅកម្ពុជាភាគច្រើន និយមចូលចិត្តដាំដំណាំមួយនេះណាស់ ព្រោះជាដំណាំងាយស្រួលដាំ អាចលូតលាស់ និងអត់ធន់ជាមួយនឹងរដូវក្តៅបាន។ ដំឡូងមី ត្រូវការលូតលាស់ពីសីតុណ្ហភាពចន្លោះពី ២៥ ទៅ ២៩អង្សាសេ ហើយអាចអត់ធន់នឹងអាកាសធាតុក្តៅពីចន្លោះ ១៦ ទៅ ៣៨អង្សាសេ។ ប៉ុន្តែ ក្នុងករណីដែលអាកាសធាតុត្រជាក់ក្រោម ១៦អង្សាសេ ធ្វើឱ្យមើមរបស់វាយឺតយ៉ាវក្នុងការលូតលាស់។
ខាងក្រោមនេះគឺជាដំណាក់កាល និងបច្ចេកទេសក្នុងការដាំដំឡូងមីដែលទទួលបានផលល្អប្រសើរ៖
-ការរៀបចំដីសម្រាប់ដាំ
ចំពោះការដាំដំឡូងមី ត្រូវមានការភ្ជួររាស់ដីឱ្យបានផុស និងស្មើសាច់ល្អ ប្រហែល ២០ ឬ ៣០ សង់ទីម៉ែត្រ ក្រោយមកទៀតត្រូវរើសស្មៅចេញឱ្យស្អាត ហើយទុកឱ្យដីដែលភ្ជួរហើយនោះស្ងួតបានល្អ។
បន្ទាប់មក អ្នកត្រូវកាប់ដីដែលភ្ជួររួចហើយនោះជារណ្តៅទំហំកន្លះម៉ែត្របួនជ្រុង ដោយមានជម្រៅកន្លះម៉ែត្រ រួចហើយ អ្នកត្រូវលាយជីកំប៉ុស ឬ ជីធម្មជាតិច្របល់ជាមួយដីបាតរណ្តៅ។ បន្ទាប់មក យកដើមដំឡូងមី កាប់ខ្លីៗកប់ទៅក្នុងដីមាន៣របៀប។ របៀបទី១ កប់ក្នុងដីរៀងបញ្ឈរត្រង់ របៀបទី២ រៀងបញ្ឆិត និងចុងក្រោយរៀងទ្រេត កប់ក្នុងដីតែម្តង។
វិធីមួយទៀត អ្នកអាចលើកដីដែលភ្ជួហើយជារង ទទឹង១ម៉ែត្រ កម្រាស់ ២០ ទៅ៣០ សង់ទីម៉ែត្រ។ រួចហើយកាប់ជារណ្តៅតូចៗនៅលើរង រួចដាំដើមដំឡូងមីដូចរបៀបទី១បានដូចគ្នា។ ក្រោយពីដាំរួច ត្រូវស្រោចទឹករហូតដល់ដំឡូងមីដុះពន្លក ប៉ុន្តែ ដំណាំនេះមិនត្រូវការទឹកច្រើនពេកឡើយ។
-ការដាក់ជី
ដំឡូងមី ជាប្រភេទដំណាំដែលត្រូវការជាតិប៉ូតាស្យូមច្រើន បង្កើតជាតិម្សៅទៅមើមច្រើន ដូច្នេះ ប្រសិនជាដាក់ជីច្រើនពេក ធ្វើឱ្យដើមរបស់វាលូតលាស់បានល្អ ប៉ុន្តែមើមដំឡូងទៅជាស្រាល ហើយផលក៏ថយចុះ។ ដូច្នេះ ជីដែលល្អសម្រាប់ដំឡូងមី គឺជាប្រភេទជីធម្មជាតិ ដូចជាលាមកសត្វ ល្អខ្លាំងសម្រាប់ដំណាំមួយនេះ។ កម្រិតជីធម្មជាតិត្រូវប្រើ ៦ ទៅ ៧តោន ក្នុងមួយហិកតា ចំពោះជីគីមីគឺអាចដាក់ក្នុងកម្រិតសមស្រប សម្រាប់ដាក់ក្នុងបាតដី។
-ការមើលថែដំណាំ
ក្រោយពីដាំរួច អ្នកត្រូវមើលថាដំណាំឱ្យបានល្អ ដូចជាសម្អាតស្មៅដែលដុះនៅលើដំណាំ ឬ ជិតនោះ (៣ខែក្រោយពេលដាំ) រួចជ្រោយដីនៅគល់របស់វាជាញឹកញាប់។ មិនតែប៉ុណ្ណោះ អ្នកមិនគួរមើលរំលងចំពោះសត្វល្អិតណាដែលបំផ្លាញ ឬ ស៊ីដំណាំបានឡើយ អ្នកត្រូវពិនិត្យមើលដំណាំជាញឹកញាប់ ក្រែងមានសត្វល្អិតស៊ីដំណាំ។
យ៉ាងណាមិញ ដំណាំដំឡូងមី អាចដាំបានទាំងរដូវប្រាំង និងរដូវវស្សា។ ចំពោះរដូវវស្សាដាំបានចាប់ពីខែឧសភា ដល់ខែមិថុនា។ នារដូវប្រាំង អាចដាំបានចាប់ពីខែវិចិ្ឆកា ដល់ខែធ្នូ៕
ដោយ៖ អុន ស្រីមាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ