KPT+

មូលហេតុ ៦ យ៉ាងដែលត្រូវប្រយ័ត្នចំពោះកាតឥណទាន (CREDIT CARD)

បានផុស

៦ years មុន

នៅ

ថ្ងៃពុធ ៦ មករា ២០២១

ដោយ

កាតឥណទាននាពេលបច្ចុប្បន្នពេញនិយមប្រើប្រាស់នៅគ្រប់ទីកន្លែង។ ប៉ុន្តែបើអ្នកមិននៅទាន់បានប្រើវាទេ អ្នកគួរស្វែងយល់ពីគុណវិបត្តិខ្លះៗនៃកាតនេះ ដើម្បីការពារខ្លួនពីបញ្ហាហិរញ្ញវត្ថុលើការប្រើប្រាស់ដែលមិនត្រឹមត្រូវ។

១. ចាយវាយមិនចេះទប់ចិត្ត

មិនមានការគ្រប់គ្រងខ្លួនឯងក្នុងការចាយលុយអាចធ្វើឲ្យអ្នកបាត់បង់សុវត្ថិភាពហិរញ្ញវត្ថុ។ អ្វីដែលអាក្រក់បំផុតនោះគឺចរិតមិនចេះអត់ធ្មត់ចំពោះការទិញខ្ជះខ្ជាយនៅពេលមានលុយក្នុងដៃអាចជះឥទ្ធិពលអវិជ្ជមានដល់ផ្នែកផ្សេងទៀតនៃជីវិតរបស់អ្នក។ ដូច្នេះកាតឥណទានជាមធ្យោបាយមួយដែលធ្វើឲ្យអ្នកចាយវាយតាមអំពើចិត្តរហូតអស់លុយដោយមិនដឹងខ្លួន។

២. មិនមានលុយនៅក្នុងដៃ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាតឥណទានមិនមែនអាចចាយវាយនៅគ្រប់ទីផ្សារឡើយ។ ពេលយើងចង់ផឹកកាហ្វេតាមផ្លូវ ឬពេលអ្នកចង់ញ៉ាំអាហារនៅហាងតូចៗ ឬពេលយើងចង់ទិញសៀវភៅតែមួយក្បាលពីរក្បាល ទាំងនេះសុទ្ធតែមិនអាចយកកាតមកប្រើឡើយ។ បើចង់បានអ្វី ឬត្រូវការអ្វី យើងចាំបាច់ទាល់តែរៀបផែនការណ៍ជាមុនសិន។ វាពិតជាគួរឲ្យធុញដែលសូម្បីរបស់បន្តិចបន្តួចក៏យើងពិបាកទិញដែរ។

៣. អាត្រាការប្រាក់ខ្ពស់

ជាក់ស្ដែង អត្រាការប្រាក់កាតឥណទានគឺខ្ពស់ដែលនាំឲ្យការទិញទំនិញរបស់អ្នកថ្លៃជាងធម្មតា។ ដោយសារការទូទាត់តាមកាតឥណទានត្រូវបង់សេវាក្រុមហ៊ុនមួយតង់ទៀត រីឯការបង់ជាសាច់ប្រាក់ វាថ្លៃដូចទូទៅ។

៤. ពិន្ទុឥណទានចុះទាប

ប្រសិនបើសមតុល្យប្រាក់ក្នុងកាតឥណទានមិនបានបង់ ពិន្ទុឥណទានរបស់អ្នកនឹងថយចុះ ហើយអ្នកនឹងត្រូវគេដំឡើងអត្រាការប្រាក់លើប័ណ្ណធានារ៉ាប់រង។ ពិន្ទុឥណទានចុះទាបអាចបង្កើតបញ្ហាផ្សេងទៀតផងដែរ។ នៅស្រុកគេ និយោជកខ្លះនឹងត្រួតពិនិត្យឥណទានលើអ្នកដាក់ពាក្យសុំការងារ ហើយគេប្រហែលជាមិនជួលអ្នកទេ ប្រសិនបើពិន្ទុរបស់អ្នកទាបពេក។ ក្រៅពីនោះ ពិន្ទុឥណទានរបស់អ្នកគឺមានសារៈសំខាន់ខ្លាំងនៅពេលទិញផ្ទះ ឬកែលម្អគេហដ្ឋាន ព្រោះវានឹងកំណត់អត្រាការប្រាក់លើប្រាក់កម្ចីទិញផ្ទះ ថាតើអ្នកមានសិទ្ធិទទួលបានប្រាក់កម្ចីទិញផ្ទះមុនគេដែរទេ។

៥. បង្កហានិភ័យក្នុងជីវិតគូ

ការសិក្សាបង្ហាញថា គូស្វាមីភរិយានិងគ្រួសារឈ្លោះគ្នាភាគច្រើនបណ្ដាលមកពីបញ្ហាលុយកាក់ច្រើនជាងបញ្ហាផ្សេង។ ជាលទ្ធផលគូស្នេហ៍ ឬស្វាមីភរិយាខ្លះ លែងលះគ្នា ឬរត់ចោលគ្នា ព្រោះសម្អាងមានកាតឥណទាននៅក្នុងដៃ។

៦. នាំឲ្យមានការចំណាយកាន់តែច្រើន

មនុស្សមិនតិចទេចំណាយប្រាក់កាន់តែច្រើនដោយទិញរបស់របរដែលមិនចាំបាច់ឬថ្លៃពេកនៅពេលពួកគេអាចបង់ប្រាក់ជាមួយកាតឥណទានជំនួសឱ្យសាច់ប្រាក់។ ដោយសារការបញ្ជារទិញតាមកាតនេះ មិនមានក្រដាសវិក័យប័ត្របង់ប្រាក់ វាចេះតែធ្វើឲ្យអ្នកចាយលុយដោយមិនដឹងមុខ។ ចំពោះចំណាយបែបនេះ វាអាចបង្ករជាបញ្ហាផ្លូវចិត្តបាន ដោយសានៅពេលត្រួតពិនិត្យគណនីម្ដងៗលុយសល់កាន់តែតិច ហើយជួនកាលអាចជាប់បំណុលគេថែមទៀតផង៕

ប្រែសម្រួល៖ សន្យា

ប្រភព៖ Investopedia

ចុចអាន៖ទទួលទានរបស់ទំាងនេះ ស្បែកភ្លឺរលោងនិងមានសំណើមស្មើលាបឡេ

ចុចអាន៖ទោះបីឥណ្ឌាខ្លាំង តែក៏មិនអាចក្លាយជាស្តេចសេដ្ឋកិច្ចពិភពលោក ព្រោះហេតុផលទំាងនេះ