ការសិក្សាមួយរកឃើញថា ពេលគេលាបប្រេងអូលីវទៅលើសត្វកណ្ដុរដែលនៅក្រោមកាំរស្មីអ៊ុលត្រាស្វាយអាចបង្កទៅជាមហារីក ប្រេងអូលីវនោះមានសមត្ថភាពសម្លាប់កោសិកាមហារីក។ ចំណែកអត្ថប្រយោជន៍ប្រេងអូលីវចំពោះស្បែកមនុស្សក៏ល្អមិនចាញ់កណ្ដុរប៉ុន្មានដែរដូចជា៖

១. សម្បូរវីតាមីន 

យោងតាមក្រុមប្រឹក្សាអូលីវអន្តរជាតិ ប្រេងអូលីវមានវីតាមីនជាច្រើន រួមមាន A, D, និង K និងវីតាមីន E។

២. ប្រឆាំងអុកស៉ីតកម្ម 

ប្រេងអូលីវជួយការពារឬបញ្ច្រាសការខូចខាតពីវិទ្យុសកម្មអ៊ុលត្រាស្វាយដែលបង្កមហារីក មកពីវាមានកំហាប់ខ្ពស់នៃសារធាតុម្យ៉ាងហៅថា squalene ដែលជាសារធាតុប្រឆាំងអុកស៉ីតកម្ម។

៣. ផ្ដល់សំណើម និងសម្លាប់បាក់តេរី 

សម្រាប់អ្នកមានស្បែកមុខងាយឡើងមុន ការប្រើប្រាស់សាប៊ូផ្សំពីប្រេងអូលីវគឺជាជម្រើសល្អបំផុត។

របៀបប្រើ

យើងអាចប្រើវាតាមរយៈផលិតផលកែច្នៃមួយចំនួនដូចជា សាប៊ូ សាប៊ូដុសខ្លួន និងឡេជាដើម។ ម្យ៉ាងទៀត យើងក៏អាចលាបវាទទេបានដែរ ដើម្បីផ្ដល់សំណើមនិងជួសជុលស្បែកពីការខូចខាតដោយសារពន្លឺព្រះអាទិត្យ។

សូមបញ្ជាក់ដែរថាទោះបីជាប្រេងអូលីវមានអត្ថប្រយោជន៍ល្អៗយ៉ាងណាក៏ដោយ មិនមែនគ្រប់គ្នាសុទ្ធតែប្រើត្រូវទេ ជាពិសេសស្បែកអ្នកងាយប្រតិកម្ម ឬអាឡ័កស៉ីជាមួយប្រេងអូលីវ។ ក្នុងរណីចង់ប្រើប្រាស់ប្រេងអូលីវនៅលើស្បែក អ្នកគប្បីរកទិញប្រេងដែលល្អមានម៉ាកត្រឹមត្រូវ តម្លៃនិងគុណភាពគួរឲ្យទុកចិត្តផងទើបជាការប្រសើរ៕

ប្រែសម្រួលដោយ៖ វារី

ចុចអាន៖ ហាមដាច់ខាតកុំឲ្យវត្ថុទាំង ១៥ នេះប៉ះស្បែកមុខឲ្យសោះ

ចុចអាន៖ បើមិនចង់ចាស់ជាងវ័យ កុំទម្លាប់ធ្វើសកម្មភាពបែបនេះ