ទានក្រអូប ១០ ក្លិន ជាសំណព្វចិត្តបុគ្គលល្បីលំដាប់ពិភពលោក

បុគ្គលល្បីប្រាកដជាមានក្លិនក្រអូបជាប់កាយរាល់ពេលហើយ ចុះទម្រាំតែក្នុងផ្ទះដែលពួកគេនៅរាល់ថ្ងៃមានក្លិនល្អយ៉ាងណាទៅ ។ ខាងក្រោមនេះជាទានក្រអូបសំណព្វចិត្តបុគ្គលល្បីៗ ១០ ក្លិន ៖

១. ទាន Jo Malone Orange Blossom

ជាទានសំណព្វព្រះហឫទ័យព្រះនាង Kate Middleton ដល់ថ្នាក់ទ្រង់បញ្ជាគេឲ្យរើបចំដាក់ទានគ្រប់កន្លែងនៃកម្មវិធីរៀបអភិសេកឆ្នាំ ២០១១ ។

២. ទាន Diptyque Baies

សម្រាប់ព្រះនាង Meghan Markle វិញទ្រង់សព្វព្រះហឫទ័យជាមួយទាន Diptyque Baies ជាងគេ នេះជាក្លិននៃពិធីរៀបអភិសេករបស់ទ្រង់ជាមួយព្រះអង្គម្ចាស់ Harry ក្នុងឆ្នាំ ២០១៨ ។ ក្រៅពីព្រះនាង Meghan មានលោក LeBron James លោក John Mayer អ្នកស្រី Victoria Beckham និងកំពូលតារាចម្រៀង Beyonce ក៏ពេញចិត្តនឹងទានម៉ាកនេះដែរ ។

៣. ទាន Le Labo Santal 26

តារាចម្រៀង Jennifer Lopez, Taylor Swift និងតារាសម្ដែង Blake Lively ស្រលាញ់ក្លិន Santal 26 ណាស់ បើតាមប្រភពគួរឲ្យទុកចិត្តបានឲ្យដឹងថាផ្ទះ Taylor Swift ដុតទាននេះសឹងតែគ្រប់កន្លែង ។

៤. ទាន Byredo Tree House

ទាននេះក៏ជាសំណព្វចិត្តរបស់ Taylor Swift ដែរ នាងថែមទាំងច្រៀងពីវាក្នុងបទ “New Year’s Day” ទៀតផង ។

៥. ទាន Kai Skylight 

ជាក្លិនដែលទទួលបានការគាំទ្រពី Oprah Winfrey, Sharon Stone, Naomi Watts, Anna Camp និង Tommy Lee។

៦. ទាន Tocca Cleopatra

Kate Moss, Cindy Crawford, Halle Berry និង Julianne Moore សុទ្ធតែជាប់ចិត្តនឹងក្លិនទាន Tocca Cleopatra ដូចគ្នា ។

៧. ទាន Archipelago Botanicals Black Forest

តារាចម្រៀង Rihanna ដែលគ្រប់គ្នាល្បីថានាងជាទេពធីតានៃក្លិនក្រអូបចូលចិត្តទាន Archipelago Botanicals Black Forest សូម្បីតែ Diamonds World Tour ឆ្នាំ ២០១៣ នាងតម្រូវឲ្យដុតវាគ្រប់កន្លែងផ្លាស់ខោអាវរបស់នាងតែម្ដង ។

៨. ទាន Lafco New York Beach House

តារាចម្រៀង Courtney Love បាននិយាយថា នាងស្រលាញ់ក្លិននេះខ្លាំងណាស់ ទោះបីវាមិនថ្លៃខ្លាំងក៏ដោយ ។

៩. ទាន Capri Blue Volcano 

ជាទានដែលដុតនៅក្នុងផ្ទះ Nicky Hilton និង Lana Condor ជះក្លិនផ្លែឈើស្រស់ស្រាយធ្វើឲ្យអារម្មណ៍ល្អ កាត់បន្ថយស្ត្រេសមិនជិនណាយ ។

១០. ទាន Voluspa Mokara 

Selena Gomez និយាយថា “ខ្ញុំចង់ដុតវារាល់រាត្រី ព្រោះវាធ្វើឲ្យខ្ញុំមានអារម្មណ៍ល្អ” នាងបន្តទៀតថា​ “ខ្ញុំដុតវាក្នុងបន្ទប់ព្យាណូ និងពេលខ្ញុំផាត់មុខជាដើម” ។

សម្រាប់អ្នកចង់សាកក្លិនទានទាំង ១០ អាចធ្វើការស្រាវជ្រាវនៅក្នុងគេហទំព័ររបស់ម៉ាកទានផ្ទាល់ដើម្បីរបស់ពិត ៕

ប្រែសម្រួល ៖ វារី

ចុចអាន ៖ កំពូលទឹកអប់ ១០ ក្លិន ជាប្រេនរបស់តារាល្បីៗ ដែលលក់ដាច់បំផុត

ចុចអាន ៖ ប្រមូលយីហោ​ទឹកអប់ថ្លៃកប់ពពកទាំង ១០ លើលោក​