ទឹកអប់ ៨ ម៉ាក ដែលស្ត្រីល្បីៗលើលោកប្រើ គ្មានការឧបត្ថម្ភ

តារាជាច្រើនទទួលបានការឧបត្ថម្ភពីម៉ាកល្បីៗដើម្បីផ្សព្វផ្សាយផលិតផលដូចជាទឹកអប់ជាដើម ។ ប៉ុន្តែទឹកអប់ ៨ ម៉ាកនេះ ត្រូវស្ត្រីល្បីៗជ្រើសរើស ទោះគ្មានបានប្រាក់កម្រៃក៏ដោយ ៖

១. Histoires de Parfums 1969 តម្លៃ ២០៦.២០ ដុល្លារ

អ្នកស្រី Angelina Jolie ពេញចិត្តទឹកអប់ Histoires de Parfums 1969 ដែលអាចប្រើបានទាំងបុរសនិងនារី ហើយមានក្លិនស្រដៀងសូកូឡានិងកាហ្វេផងដែរ ។

២. Dior Hypnotic Poison EDP តម្លៃ ១២០ ដុល្លារ

Dior Hypnotic Poison EDP ជាទឹកអប់ក្លិនវ៉ាន់នីឡា សំណព្វចិត្តរបស់តារាចម្រៀង Adele តាំងពីនៅក្មេង ។ មកទល់ពេលនេះ Dior Hypnotic Poison តែងមានវត្តមាននៅលើតុសម្អាងរបស់ Adele ជានិច្ច ។

៣. Ex Nihilo Fleur Narcotique EDP តម្លៃ ២២២.២៥ ដុល្លារ

Hailey Bieber ភរិយា Justin Bieber ឬជាម្ចាស់ប្រេន Rhode ចូលចិត្តក្លិនទឹកអប់ Ex Nihilo Fleur Narcotique EDP ព្រោះវាមានក្លិនផ្លែឈើដូចជា ផ្លែប៉េស្ត ផ្លែគូលែន និងក្រូចសើច ។

៤. Chanel Les Exclusifs de Chanel Gardénia តម្លៃ ២៤៦.៩៥ ដុល្លារ

ទឹកអប់ម៉ាក Chanel នេះមានក្លិនផ្កា និងវ៉ាន់នីឡា ធ្វើឲ្យតារាសម្ដែងស្រីអាមេរិក Emma Stone ស្រលាញ់ខ្លាំងដល់ថ្នាក់បាញ់មុនចូលគេងតែម្ដង ។

៥. Dior Diorissimo EDT តម្លៃ ១៤០.៧៦ ដុល្លារ

មហាជនជាច្រើនកំពុងតែចង់ដឹងថា កំពូលតារាម៉ូដែល Naomi Campbell ប្រើទឹកអ្វីដែលស័ក្ដិសមជាមួយរូបសម្បត្តិរបស់នាង ។ ទឹកអប់នោះគឺ Dior Diorissimo EDT ក្លិនផ្កា ។

៦. Penhaligon’s Bluebell EDT តម្លៃ ១៥៤.៣៤ ដុល្លារ

ព្រះនាង Diana ជានិមិត្តរូបនៃនារីរាប់លាននាក់មកពីជុំវិញពិភពលោក ទ្រង់ត្រូវគេដឹងថាមានទឹកអប់ជាច្រើនម៉ាក ហើយម៉ាកដែលទ្រង់សព្វព្រះរាជហឫទ័យបំផុតគឺ Penhaligon’s Bluebell EDT ។

៧. Vilhelm Parfumerie Room Service EDP តម្លៃ ២២៨.៤៣ ដុល្លារ

ភរិយា David Beckham ធ្លាប់ប្រកាសដាក់ Instagram ថាខ្លួនពិតជាពេញចិត្តក្លិនរបស់ Vilhelm Parfumerie Room Service EDP ពិតៗ ។

៨. Kilian Love, Don’t Be Shy EDP តម្លៃ ២៤០.៧៨ ដុល្លារ

តារាល្បីជាច្រើនបានផ្ទុះការសរសើរចំពោះក្លិនខ្លួន Rihanna ថានាងក្រអូបខ្លាំង គួរឲ្យចង់នៅក្បែរជាងគេបំផុត តាមពិត ​Riri ប្រើ Kilian Love សោះ ៕

ប្រែសម្រួល ៖ វារី

ចុចអាន ៖ អ្នកផាត់មុខឲ្យតារាម៉ូដែលលំដាប់ពិភពលោក Gigi Hadid ទម្លាយក្លិនទឹកអប់ប្រចាំខ្លួនរបស់នាង

ចុចអាន ៖ កំពូលទឹកអប់ ១០ ក្លិន ជាប្រេនរបស់តារាល្បីៗ ដែលលក់ដាច់បំផុត