មកដឹងតម្លៃ ទឹកអប់សំណព្វចិត្តមិត្តស្រី Ronaldo

Georgina Rodriguez មិត្តស្រី Ronaldo ត្រូវគេសង្កេតឃើញថា មានរសនិយម ស៊ីវិល័យ និងសម្រស់ស្រស់ស្អាត ចំណែកសម្ភារប្រើប្រាស់ក៏មានតម្លៃថ្លៃៗ និងម៉ាកល្បីៗផងដែរ ។ សូម្បីទឹកអប់ដែល Georgina ពេញចិត្តបំផុតក៏ជាម៉ាកល្បី តម្លៃខ្ពស់ ស័ក្ដិសមនឹងរូបសម្បត្តិរបស់នាងដូចគ្នា ។

ទឹកអប់នោះគឺជា “Ambassador de Gisada” វាត្រូវដាក់លក់ដំបូងក្នុងឆ្នាំ ២០២១ ហើយថែមទាំងជាទឹកអប់ដ៏ប្រណីតដែលចរាចរណ៍ក្នុងទីផ្សារមិនចាញ់ Chanel Dior នោះឡើយ ។ Ambassador de Gisada មានតម្លៃ ១៥០.៧៥ ដុល្លារ សម្រាប់ចំណុះ ១០០ មីលីលីត្រ និងតម្លៃ ១១៣.០៧ ដុល្លារ សម្រាប់ចំណុះ ៥០ មីលីលីត្រ ។

ទឹកអប់ Ambassador de Gisada មានលាយក្លិនផ្លែឈើ ផ្កាវាយអូឡេត ប៊្លូបឺរី ក្រូច ម្រេចពណ៌ផ្កាឈូក ផ្កាម្លិះ ផ្កាម្លិះ-ក្រូច ផ្កា Freesia និង ឈើ cashmere ។ រីឯក្លិនដើមរបស់វាមាន Vetiver (រុក្ខជាតិឡាទីន) វ៉ានីឡា Sandal wood និង Musk ជាដើម ។

គួរបន្ថែមថា យីហោ Gisada បានចាប់ផ្ដើមដំបូងនៅក្នុងទីក្រុង Zurich ប្រទេសស្វីស ឆ្នាំ ២០១៣ ដែលជាក្តីស្រមៃរបស់បងប្អូន ២ នាក់ ។ ពួកគេចង់បង្ហាញពីចំណង់ចំណូលចិត្តរបស់ខ្លួនចំពោះទឹកអប់ដោយសហការជាមួយអ្នកផលិតទឹកអប់ល្បីៗដែលមានចក្ខុវិស័យច្បាស់លាស់ ទើបបង្កើតចេញជាទឹកអប់ម៉ាក Gisada នេះឡើង ៕

ប្រែសម្រួល ៖ វារី

ចុចអាន ៖ ទឹកអប់ ៨ ម៉ាក ដែលស្ត្រីល្បីៗលើលោកប្រើ គ្មានការឧបត្ថម្ភ