បុរសជនជាតិហ្សកហ្ស៊ីប្រមូលថ្នាំដុញធ្មេញរសជាតិប្លែកៗ ទុកបំបែកកំណត់ត្រាពិភពលោក

ទន្តពេទ្យហ្សកហ្ស៊ីម្នាក់ជាប់កំណត់ត្រាពិភពលោក Guinness សម្រាប់ការប្រមូលថ្នាំដុសធ្មេញទុកចំនួន ២ ០៣៧ ទីបដែលមានរសជាតិប្លែកៗដូចជាវ៉ាសាប៊ី និងស្រាវីស្គីជាដើម ។

លោក Val Kolpakov និយាយថា ការប្រមូលថ្នាំដុសធ្មេញរបស់គាត់បានមកពីប្រទេសនានារួមមានប្រទេសជប៉ុន កូរ៉េ ចិន ឥណ្ឌា និងរុស្ស៊ី ។

Kolpakov បានប្រាប់ Guinness World Records ថា “ខ្ញុំបានចាប់ផ្តើមការប្រមូលថ្នាំដុះធ្មេញក្នុងឆ្នាំ ២០០១ ដើម្បីស្វែងយល់បន្ថែមអំពីថ្នាំដុសធ្មេញដែលមាននៅលើទីផ្សារ ក្នុងនាមជាទន្តបណ្ឌិត ។ មិនយូរប៉ុន្មាន ខ្ញុំគិតថានេះជាចំណង់ចំណូលចិត្តដ៏គួរឱ្យចាប់អារម្មណ៍ ហើយព្យាយាមប្រមូលថ្នាំដុសធ្មេញពីប្រទេសផ្សេងៗ ។”

នៅពេទ្យធ្មេញរបស់ Kolpakov មានដាក់តាំងថ្នាំដុះធ្មេញជាច្រើន ក្នុងនោះមានរសជាតិវីស្គីដែល​ផលិត​ដោយ​លោក Don Poynter ក្នុង​ទសវត្សរ៍​ឆ្នាំ ១៩៥០ មាន​ជាតិ​អាកុល ៣ ភាគរយប៉ុណ្ណោះ ។ ចំណែកឯថ្នាំដុសធ្មេញដែលមានរសជាតិវ៉ាសាប៊ី គាត់មិនមានគម្រោងសាកល្បងវាទេ ៕

ប្រែសម្រួល៖ វារី

ប្រភព៖ UPI

ចុចអាន៖ មកដឹងពីរឿងវេជ្ជសាស្ត្រគួរឱ្យចាប់អារម្មណ៍ទាំង ៥ ក្នុងកំណត់ត្រាពិភពលោក Guinness