ស្វែងយល់ពីលោហធាតុដ៏មានតម្លៃ ប្លាទីន

ប្លាទីនមានតម្លៃទាបជាងមាស​ តែពេញនិយមជាង មិនថានៅអាស៊ីយើង ឬពិភពលោកទាំងមូល ភាគច្រើន​ប្លាទីនត្រូវបានមើលឃើញ​ប្រណីត រឹងមាំ​និងសក្ដិសមជាអល្លង្ការជាប់រាងកាយជាងមាសទឹកដប់។

ប៉ុន្តែ តើអ្នកអាន បានដឹងអ្វីខ្លះអំពីប្លាទីន?

តោះ! មកស្វែងយល់ជាមួយកម្ពុជាថ្មី!

-ប្លាទីនជាធាតុគីមីដែលមាននិមិត្តសញ្ញា Pt និងលេខអាតូម ៧៨ ។

-ជាឈ្មោះយកមកពីពាក្យអេស្ប៉ាញ ‘platina’ ដែលមានន័យថា “ប្រាក់តិចតួច” ។

-ត្បិតតែប្លាទីនពិបាកបំលែងបន្តិច​ តែអាចផែបាន។ ជាលោហៈមានពណ៌ស-ប្រផេះភ្លឺចាំង។ ផ្លាទីនជាលោហធាតុដ៏កម្រនិងត្រូវបានគេចាត់ទុកជាវត្ថុមានតម្លៃមួយ។

-ប្លាទីនត្រូវបានលើកឡើងដំបូងនៅក្នុងសំណេររបស់អ្នកប្រាជ្ញអ៊ីតាលីលោក Julius Caesar Scaliger ក្នុងឆ្នាំ ១៥៥៧។ លោកបានពិពណ៌នាអំពីផ្លាទីនថា វាជាលោហៈដ៏ថ្លៃមួយ មិនទាន់មានអ្នកស្គាល់ និងត្រូវបានគេរកឃើញនៅជិតប្រទេសម៉ិកស៊ិក។ លោហៈនេះគ្មានភ្លើងឬវត្ថុបុរាណណាមួយរបស់អេស៉្បាញអាចរំលាយបាននៅឡើយ។

-ប្លាទីនរលាយនៅកម្ដៅ ១,៧៦៨.៤ អង្សាសេ និងពុះនៅកម្រិត ៣,៨២៥ អង្សាសេ។

-ស្រទាប់រ៉ែផ្លាទីនកម្រនិងពិបាករកណាស់! ក្នុងនោះ ៨០% នៃរ៉ែផ្លាទីនពិភពលោកបានមកពីអាហ្វ្រិកខាងត្បូង និងមួយចំនួនទៀតត្រូវបានគេជីកយកពីភ្នំអ៊ុយរ៉ាល់ ប្រទេសរុស្ស៊ី។

-ផ្លាទីនជិតពាក់កណ្តាលត្រូវបានប្រើដើម្បីបំលែងកាតាលីករ ដែលជាឧបករណ៍គ្រប់គ្រងការបំភាយយានយន្តដែលមានគ្រោះថ្នាក់។

– ប្លាទីនធន់ទៅនឹងការពុកផុយ ច្រែះ ក៏ដូចជាកម្មរស្មីព្រះអាទិត្យ។ វាត្រូវាបានគេប្រើច្នៃធ្វើជាគ្រឿងអលង្ការច្រើនបំផុតទី ២ បន្ទាប់ពីមាស។

-យីហោរនាឡិកាល្បីៗដូចជា Vacheron Constantin, Patek Philippe និង Rolex សុទ្ធតែប្រើផ្លាទីនសម្រាប់ផលិតស៊េរីនាឡិការបស់ខ្លួន។

-ដោយសារប្លាទីនជាលោហៈកម្រ វាត្រូវបានគេផ្សារភ្ជាប់ជាមួយទ្រព្យសម្បត្តិ តម្លៃ និងវិស័យពាណិជ្ជកម្ម។ ក្នុងនោះផ្លាទីនក៏ត្រូវបានប្រើជាពានរង្វាន់ផងដែរ។ ពានរង្វាន់ផ្លាទីនជាញឹកញាប់ប្រើប្រគល់ឲ្យការលក់អាល់ប៊ុមចម្រៀងដែលវាមានតម្លៃជាង ពានរង្វាន់មាស ពានរង្វាន់ប្រាក់ និងពានរង្វាន់សំរិទ្ធ ប៉ុន្តែទាបជាង ពានរង្វាន់ពេជ្រ ។

-ប្លាទីនត្រូវបានប្រើក្នុងផ្នែកផ្សេងទៀតរួមមាន ឧបករណ៍ចាប់សញ្ញាអុកស៊ីសែន ឌុយតភ្លើង ស្លាបចក្រយានយន្ត និងស្រោបធ្មេញជាដើម។

-នៅក្នុងអាចម៍ផ្កាយនិងនៅលើព្រះចន្ទមានភាគរយផ្លាទីនខ្ពស់ជាងនៅលើផែនដី៕

ប្រែសម្រួល៖ សន្យា

ប្រភព៖ Science Kids

ចុចអាន៖សញ្ញា​ទាំង ៧ ដែល​អ្នក​កំពុង​ដើរ​តាម​គន្លង​របស់​មហា​សេដ្ឋី

ចុចអាន៖វីធី​ងាយ​ៗ ៧ យ៉ាង​​សន្សំប្រាក់​បាន​រហ័ស​ចំ​គោលដៅ