តម្លៃមាសបានធ្លាក់ចុះកាលពីថ្ងៃពុធ (ខែមេសា ២៤) ដោយសារតែភាពធូរស្រាលនៃជម្លោះនៅ​មជ្ឈិមបូព៌ា​ណៈពេលដែលអ្នកវិនិយោគរង់ចាំទិន្នន័យសេដ្ឋកិច្ចសំខាន់ៗរបស់សហរដ្ឋអាមេរិក ដែលអាចបង្ហាញពន្លឺបន្ថែមទៀតលើពេលវេលានៃការកាត់បន្ថយអត្រាការប្រាក់របស់ធនាគារកណ្តាលអាមេរិក។ នេះបើយោងតាមសារព័ត៌មាន The Buisness Times។

មាសគីឡូបានធ្លាក់ចុះ ០,១ ភាគរយមកជាង ២ ៣២០ ដុល្លារ ក្នុងមួយអោន​ដោយបានធ្លាក់ចុះទាបបំផុតចាប់តាំងពីថ្ងៃទី ៥ ខែមេសា ។ ចំពោះតម្លៃចាប់ពីខែមីនាដល់ខែមេសារបស់ Bullion បានជំរុញឱ្យ​កើនឡើងជិត ៤០០ ដុល្លារដល់កម្រិតខ្ពស់ក្នុងតម្លៃជាង ២ ៤៣១ដុល្លារកាលពីថ្ងៃទី ១២ខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃមាសនាពេលអនាគត​របស់​អាមេរិក​បាន​ធ្លាក់​ចុះ ០,៤ ភាគរយមក​នៅ​​ ២ ៣៣៤ ដុល្លារ​ក្នុង​មួយ​អោន

ភាពភ័យខ្លាចនៃជម្លោះក្នុងតំបន់​នៅមជ្ឈិមបូព៌ាបានធូរស្រាល បន្ទាប់ពីអ៊ីរ៉ង់បាននិយាយថាខ្លួនមិនមានផែនការសងសឹកបន្ទាប់ពីការវាយប្រហារដោយយន្តហោះគ្មានមនុស្សបើករបស់អ៊ីស្រាអែលកន្លងមកនោះទេ។

ការកត់សម្គាល់ថ្មីៗពីមន្ត្រីធនាគារកណ្តាលអាមេរិកបានណែនាំថាមិនមានភាពបន្ទាន់ណាមួយក្នុងការកាត់បន្ថយអត្រាការប្រាក់នោះទេ។ ឥឡូវនេះពាណិជ្ជកររំពឹងថាការកាត់បន្ថយអត្រាការប្រាក់របស់ធនាគារកណ្តាលអាមេរិកជាលើកដំបូងនឹងមកទំនងជានឹងធ្វើឡើងនៅក្នុងខែកញ្ញាខាងមុខនេះ។

អត្រាការប្រាក់ខ្ពស់កាត់បន្ថយការទាក់ទាញនៃការកាន់កាប់មាស​

សកម្មភាពអាជីវកម្មរបស់សហរដ្ឋអាមេរិកបានមានភាពប្រសើរឡើងនៅក្នុងខែមេសា ខណៈពេលដែលអត្រាអតិផរណាបានធូរស្រាលបន្តិច បើទោះបីជាតម្លៃវត្ថុធាតុដើមបានកើនឡើង។ ធនាគារកណ្តាលអាមេរិកស្វែងរកសញ្ញាថាតើសេដ្ឋកិច្ចកំពុងធ្លាក់ចុះ​នឹងជួយកាត់បន្ថយអតិផរណាបន្ថែមទៀត។

ទីផ្សារកំពុងរង់ចាំទិន្នន័យការចំណាយលើការប្រើប្រាស់ផ្ទាល់ខ្លួនក្នុងខែមីនា ដែលជារង្វាស់អតិផរណា​របស់ធនាគារកណ្តាលអាមេរិកនៅចុងសប្តាហ៍នេះ ដើម្បីបញ្ជាក់បន្ថែមទៀតអំពីគន្លងនៃគោលនយោបាយរូបិយវត្ថុ។

លោក Joachim Nagel ប្រធានធនាគារ Bundesbank បាននិយាយថា ធនាគារកណ្តាលអ៊ឺរ៉ុបត្រូវតែជឿជាក់ថា អតិផរណាកំពុងត្រលប់ទៅគោលដៅ ២ ភាគរយរបស់ខ្លួនវិញមុនពេលកាត់បន្ថយអត្រាការប្រាក់។

ចំពោះតម្លៃប្រាក់គីឡូ បានធ្លាក់ចុះ ០,១ ភាគរយ មកនៅក្នុងតម្លៃជាង ២៧,២៤ដុល្លារក្នុងមួយអោន ផ្លាទីនបានកើនឡើង ០,៣ ភាគរយមកនៅជាង ៩១០ដុល្លារ ៕