ព័ត៌មានអន្ដរជាតិ

លោក ត្រាំ ព្រមានវាយប្រហារអ៊ីរ៉ង់ឱ្យខ្លាំងក្លា ជាការតបស្នងនៃការពលីរបស់យោធាអាមេរិក

បានផុស

២ ម៉ោង មុន

នៅ

ថ្ងៃចន្ទ ២០ កក្កដា ២០២៦

ដោយ

ក្រោយការវាយប្រហាររបស់អ៊ីរ៉ង់លើប្រទេសនានាក្នុងមជ្ឈិមបូព៌ា បណ្តាលឱ្យមានទាហានអាមេរិកស្លាប់និងរបួស ប្រធានាធិបតីសហរដ្ឋអាមេរិក លោក ដូណាល់ ត្រាំ បានលើកឡើងថា ការវាយប្រហារយោធាចុងក្រោយបំផុតលើអ៊ីរ៉ង់ កំពុងត្រូវបានអនុវត្ត ដើម្បីជាការគោរពដល់សមាជិកយោធាអាមេរិកដែលត្រូវបានសម្លាប់ក្នុងរយៈពេលប៉ុន្មានថ្ងៃថ្មីៗនេះ។ នេះបើយោងតាមការចុះផ្សាយរបស់សារព័ត៌មាន TRT World នៅថ្ងៃទី២០ ខែកក្កដា ឆ្នាំ២០២៦ ។

ប្រធានាធិបតីអាមេរិក លោក ដូណាល់ ត្រាំ។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ត្រាំ ប្រាប់អ្នកយកព័ត៌មានថា៖ « យើងបានវាយប្រហារពួកគេយ៉ាងខ្លាំងម្តងទៀតនៅយប់នេះ ហើយយើងនឹងធ្វើដូច្នេះ ដើម្បីជាកិត្តិយសដល់អ្នកស្នេហាជាតិដ៏អស្ចារ្យ ប្រហែលជា ៣នាក់! ហ្នឹងហើយប្រហែលជា ៣នាក់»។

លោក ត្រាំ បានប្រាប់អ្នកយកព័ត៌មាន ពេលលោកបានវិលត្រឡប់ទៅកាន់ទីក្រុងវ៉ាស៊ីនតោនវិញ បន្ទាប់ពីការប្រកួតវគ្គផ្តាច់ព្រ័ត្រនៃព្រឹត្តិការណ៍បាល់ទាត់ពិភពលោក (World Cup) ដោយបន្ថែមថា៖ « យើងនឹងវាយប្រហារអ៊ីរ៉ង់ម្តងទៀតនៅយប់នេះ ដើម្បីជាកិត្តិយសដល់ទាហានអាមេរិក! កងកម្លាំងអាមេរិកបានវាយប្រហារយ៉ាងខ្លាំងលើអ៊ីរ៉ង់នៅយប់នេះ»។

លោក ត្រាំ បន្ថែមថា៖ « យើងមានអារម្មណ៍មិនល្អខ្លាំង ពេលសួរអំពីការស្លាប់របស់យោធា! អ្នកស្លាប់បានប្រយុទ្ធ ដើម្បីកុំឱ្យអ៊ីរ៉ង់អាចមានអាវុធនុយក្លេអ៊ែរ»។

គួរបញ្ជាក់ថា បញ្ជាការកណ្តាលសហរដ្ឋអាមេរិក(CENTCOM) បានប្រកាសកាលពីថ្ងៃអាទិត្យថា ខ្លួនបានចាប់ផ្តើមការវាយប្រហារថ្មីមួយប្រឆាំងនឹងអ៊ីរ៉ង់ ដោយចាប់ផ្តើមនៅម៉ោង ៧យប់ ដែលជាយប់ទី៩ នៃប្រតិបត្តិការយោធាជាប់ៗគ្នា។

CENTCOM បន្ថែមថា ការវាយប្រហារទាំងនោះ មានគោលបំណងធ្វើឱ្យចុះខ្សោយនូវសមត្ថភាពយោធាអ៊ីរ៉ង់បន្ថែមទៀត ប្រើ ដើម្បីកំណត់គោលដៅលើការដឹកជញ្ជូនពាណិជ្ជកម្ម និងនាវិកស៊ីវិល ឆ្លងកាត់ច្រកសមុទ្រ Hormuz ៕

សម្រួល៖ ណឺ មិនា