KPT+

ការស្រាវជ្រាវរកឃើញថា ជីវិតវ័យចំណាស់មានសុភមង្គលជាងកាលនៅក្មេង

បានផុស

៣ years មុន

នៅ

ថ្ងៃព្រហស្បតិ៍ ១១ មីនា ២០២១

ដោយ

គេច្រើនតែនិយាយថា មនុស្សចាស់គឺជាក្រុមមនុស្សដែលពិបាកចិត្តជាងគេ ព្រោះពួកគាត់បានឆ្លងកាត់នូវរឿងរ៉ាវឈឺចាប់ ទាំងល្អនិងអាក្រក់មករួមគ្នា។ ប៉ុន្តែអ្នកស្រាវជ្រាវបែរជានិយាយថា ក្រុមមនុស្សចាស់គឺមានភាពរីករាយនិងសុភមង្គលច្រើនជាងក្រុមមនុស្សវ័យក្មេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើមានមូលហេតុអ្វីទៅ អាចបណ្ដាលឲ្យមនុស្សចាស់មានភាពរីករាយជាងក្មេងៗ?

លោក Alan D. Castel មកពីសាកលវិទ្យាល័យកាលីហ្វ័រញ៉ា បាននិយាយនៅក្នុងសៀវភៅរបស់លោកដែលមានចំណងជើងថា “ Better With Ag ” ដែលមានន័យថា ” ចិត្តវិទ្យានៃភាពជរាជោគជ័យ ” ។

នៅក្នុងការសិក្សាដែលបានធ្វើឡើងកាលពីឆ្នាំ ២០០៦ លោកបានដកស្រង់សំដីមនុស្សមួយក្រុមដែលមានអាយុពី ៣០ ឆ្នាំ ទៅ ៧០ ឆ្នាំ ដោយបានសួរថាតើក្រុមអាយុមួយណាដែលមានអារម្មណ៍រីករាយជាង។
នៅក្នុងសៀវភៅនោះបានចោទជាសំណួរសួរអំពីថា តើពួកគេមានអារម្មណ៍សប្បាយរីករាយយ៉ាងណា នៅពេលឈានដល់អាយុប៉ុណ្ណេះ។ មនុស្សខ្ទង់វ័យ ៧០ ឆ្នាំ រាយការណ៍ថា ពួកគេមានសុភមង្គកើនឡើងកាន់តែច្រើន។

តាមអ្វីដែលគ្រប់គ្នាធ្លាប់បានដឹង ភាពចាស់ជាពេលវេលាដែលសម្បូររឿងទុក្ខព្រួយ ភ័យខ្លាច និងសោកស្ដាយជាច្រើន ប៉ុន្តែផ្ទុយទៅវិញ វ័យនេះក៏ជាវ័យអាចរក្សាបាននូវភាពស្ងប់ស្ងាត់ ការដឹងគុណ និងការស្កប់ស្កល់ផងដែរ។

ដោយឡែកក្រុមអ្នកស្រាវជ្រាវមកពីវិស័យផ្សេងគ្នា ក៏បានរកឃើញបែបនេះដូចគ្នា លើបាតុភូតភាពចាស់ដ៏រីករាយ ដែលពួកគេសន្មតថា មានរឿងជាច្រើនកប់នៅទីនោះ ៖ មនុស្សវ័យចំណាស់ក្លាយជាអ្នកជំនាញខាង “ ទ្រឹស្ដីគ្រប់គ្រងអប់រំកូនចៅ” ឬ “ ផ្ដល់យោបល់ក្នុងន័យស្ថាបនា” ។ និយាយឱ្យសាមញ្ញ មនុស្សចាស់តែងគិតថា ពួកគាត់នឹងស្លាប់ ប៉ុន្តែក្នុងពេលនេះ ពួកគាត់មានកូននិងចៅៗនៅជុំវិញខ្លួន មុនដង្ហើមចុងក្រោយ។

ងាកមកមើលក្មេងៗយុវវ័យ ឬក្រុមមនុស្សវ័យកណ្ដាលវិញ ការពេញចិត្តលើជីវិតនឹងសុភមង្គលពួកគេហាក់ដូចជាដើរលើផ្លូវរាងអក្សរ U ដែលមានកំពូលភ្នំខ្ពស់បំផុត ក្នុងវ័យកុមារភាព ខណៈពិភពលោកប្រៀបបានក្បួនដ៏ធំមួយសម្រាប់ពួកគេ។ លុះដល់ពួកគេមានវ័យចំណាស់ ពួកគេបានឆ្លងគ្រប់ផ្លូវរាប់រយនោះរួចទៅហើយ ដោយគ្រាន់តែបកមកមើលអតីតកាល រួចញញឹមរីករាយ។

ការសិក្សាក៏បានបញ្ជាក់បន្ថែមថា បាតុភូតរាងអក្សរ U មានវប្បធម៌ខុសៗគ្នា សម្ពាធពីការទទួលខុសត្រូវដ៏ធំបំផុត ការចិញ្ចឹមកូន បង់ថ្លៃសិក្សា និងបង់រំលស់ផ្ទះជាដើម។ បន្ទាប់តស៊ូដើម្បីធ្វើឱ្យដៃគូ ឬកូនៗទទួលបានជោគជ័យ ថ្ងៃដែលពួកគាត់ព្រមទទួលយក ក៏បានក្លាយជាអំណោយពេលាចាស់ទៅ។

ជីវិតអាចជាខ្សែនៃព្យុះកំបុតត្បូង ដែលមកពិសោធន៍លើជីវិតទាំងរឿងល្អនិងរឿងអាក្រក់។ នៅពេលដែលចាស់ៗបានឆ្លងកាត់ដំណើរការល្អក់កករនោះរួចមក ជីវិតពួកគាត់នឹងប្រែស្រស់ថ្លាដល់ដង្ហើមចុងក្រោយ៕

ប្រែសម្រួល៖ សាង ស្រីល័ក្ខ

ប្រភព៖ iheartintelligence

ចុចអាន៖ អ្នកវិទ្យាសាស្ត្របកស្រាយអាថ៌កំបាំងក្នុងការរស់នៅមានសុភមង្គលពេលវ័យចំណាស់

ចុចអាន៖ នៅក្មេងមានមិត្តល្អច្រើន ជួយកាត់បន្ថយជំងឺភ្លេចភ្លាំងពេលដល់វ័យចំណាស់

Related Topics:សុខភាពផ្លូវចិត្ត