KPT+

សម័យកូវីដ ចេះវិធីទាំងនេះទើបជួយពង្រឹងប្រព័ន្ធភាពស៊ាំបានល្អ

បានផុស

៥ years មុន

នៅ

ថ្ងៃសុក្រ ១៩ មីនា ២០២១

ដោយ

Sonya

អំឡុងពេលវីរុស COVID-19 កំពុងរាតត្បាត ការថែរក្សាអនាម័យ និងសុខភាពឲ្យបានរឹងមាំល្អ គឺជារឿងសំខាន់។ តើត្រូវធ្វើដូចម្តេចខ្លះដើម្បីពង្រឹងប្រព័ន្ធភាពស៊ាំ និងមានសុខភាពល្អ?។ យើងនៅតែអាចរក្សារាងកាយ សុខភាពយើងឲ្យបានល្អ និងមានអនាម័យដោយការលាងសម្អាតដៃ របបអាហារ ហាត់ប្រាណ សមាធិ គ្រប់គ្រងភាពតានតឹង និងគេងឲ្យបានគ្រប់គ្រាន់។ ត្រូវចាំថាអ្នកមានជំងឺប្រចាំកាយ ឬសុខភាពមិនល្អគឺប្រឈមនឹងហានិភ័យខ្ពស់បើសិនជាឆ្លងវីរុស COVID-19។ ដើម្បីឲ្យរាងកាយយើងរឹងមាំ និងមានសុខភាពល្អគួរអនុវត្តវិធីទាំងនេះ។

១. របបអាហារ

Premium Photo | Asian woman eating fruit in the kitchen

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារធាតុចិញ្ចឹមសំខាន់ៗសម្រាប់ជំនួយដល់ប្រព័ន្ធភាពស៊ាំក្នុងការប្រឆាំងនឹងបាក់តេរី និងវីរុសមាន៖

Beta-carotene: រាងកាយនឹងបំលែងសារធាតុនេះជាវីតាមីន A ដែលជាសារធាតុសំខាន់សម្រាប់ប្រព័ន្ធភាពស៊ាំក្នុងការប្រឆាំងនឹងជាតិពុល និងមេរោគឈ្លានពានផ្សេងទៀត។ ផ្លែឈើ និងបន្លែមានសារធាតុ Beta-caroteneមានដំឡូងជ្វា ការ៉ុត ផ្លែស្វាយ ស្ពៃពួយឡេង ផ្កាខាត់ណាខៀវ និងផ្លែត្រសក់ផ្អែម។
វីតាមីន C៖ វីតាមីននេះជួយរាងកាយក្នុងការកំណត់ថាតើការពារបែបណាដែលរាងកាយត្រូវការ។ យើងអាចទទួលបានវីតាមីន C ពីអាហារទាំងនេះរួមមានផ្លែក្រូច ក្រូចថ្លុង គីវី ស្ត្របឺរី ម្ទេសប្លោកក្រហមនិងបៃតង ផ្កាខាត់ណាខៀវ ស្ពៃក្ដោប និងផ្កាខាត់ណា។
វីតាមីន D៖ ការខ្វះវីតាមីន D អាចធ្វើឲ្យប្រព័ន្ធភាពស៊ាំចុះខ្សោយ និងមានហានិភ័យនៃជំងឺផ្លូវដង្ហើមបង្កដោយវីរុស។ ប្រភពវីតាមីន D មានត្រីសាល់ម៉ុន ត្រីសាឌីន ស៊ុត ទឹកដោះគោ ផលិតផលធ្វើពីទឹកដោះគោ តៅហ៊ូ និងផ្សិត។
ស័ង្កសី៖ ស័ង្កសីជួយកោសិកាក្នុងប្រព័ន្ធភាពស៊ាំឲ្យលូតលាស់ និងមានភាពខុសគ្នា។ អាហារមានជាតិស័ង្កសីមានសណ្ដែក chickpeas lentils តៅហ៊ូ cereals គ្រាប់ធញ្ញជាតិ អយស្ទើរ ក្តាម បង្កង សាច់គោ សាច់ជ្រូក និងយាអ៊ួ។
ប្រូតេអ៊ីន៖ ប្រូតេអ៊ីនសំខាន់សម្រាប់ការបង្កើតកោសិកាប្រព័ន្ធភាពស៊ាំ និងអង់ទីករ រួមទាំងជួយប្រព័ន្ធភាពស៊ាំក្នុងការដំណើរការទៀតផង។ ប្រូតេអ៊ីនអាចបានពីសាច់សត្វ និងបន្លែរួមមានសាច់ត្រី សាច់មាន់ សាច់គោ ទឹកដោះគោ យ៉ាអួ៊ ស៊ុត គ្រាប់ធញ្ញជាតិ និងសណ្ដែក។
Prebiotics៖ Probiotics និងPrebiotics ជួយទ្រទ្រង់ប្រព័ន្ធភាពស៊ាំ។ ប្រភពរបស់Probiotics មានយ៉ាអួ៊ ឈីស និងគីមឈី។ រីឯ Prebiotics មានក្នុងគ្រាប់ធញ្ញជាតិ (whole grains) ផ្លែចេក ខ្ទឹមបារាំង ខ្ទឹមស ស្លឹកខ្ទឹម និងសណ្ដែក។
ជាតិទឹក៖ អ្វីដែលសំខាន់គឺផឹកទឹកឲ្យបានគ្រប់គ្រាន់។ ស្ត្រីគួរផឹកឲ្យបាន ២,៧លីត្រក្នុងមួយថ្ងៃ និងបុរសគួរផឹក៣,៧លីត្រក្នុងមួយថ្ងៃ។ យើងក៏អាចញ៉ាំអាហារដែលសំបូរជាតិទឹកដូចជាផ្លែឈើ បន្លែ និងស៊ុបដែរ។

២. ការហាត់ប្រាណ

Premium Photo | Asian women resting after play yoga and exercise at home

ការហាត់ប្រាណជាប្រចាំជាវិធីល្អដែលជួយគ្រប់គ្រងភាពតានតឹង និងពង្រឹងប្រព័ន្ធភាពស៊ាំ។ ការស្រាវជ្រាវបានបង្ហាញអ្នកហាត់ប្រាណជាប្រចាំមានហានិភ័យក្នុងការឆ្លងជំងឺទាបជាងអ្នកមិនហាត់ប្រាណ។ ម៉្យាងទៀតការធ្វើលំហាត់ប្រាណអាចកាត់បន្ថយហានិភ័យជំងឺរ៉ាំរ៉ៃដែលអាចធ្វើឲ្យប្រព័ន្ធភាពស៊ាំចុះខ្សោយរួមមានជំងឺបេះដូង ជំងឺទឹកនោមផ្អែម និងជំងឺធាត់។ យើងអាចហាត់ប្រាណនៅផ្ទះ ដូចជាធ្វើយ៉ូហ្គាជាដើម។

៣. ការធ្វើសមាធិ

Premium Photo | Asian couples do yoga exercises at home together during covid-19 and social distancing. concept of keeping healthy. copy space

ការសិក្សាបានលើកឡើងថាការធ្វើសមាធិអាចជួយឲ្យប្រព័ន្ធភាពស៊ាំដំណើរការបានយ៉ាងល្អ។ ស្ថានភាពតានតឹងក្នុងអំឡុងពេលវីរុស COVID-19កំពុងរាតត្បាតអាចនឹងផ្តល់ផលអវិជ្ជមានដល់ប្រព័ន្ធភាពស៊ាំ ប៉ុន្តែការសមាធិអាចជួយឲ្យយើងឆ្លើយតបនឹងស្ថានភាពតានតឹងនេះបានប្រសើរឡើង។ ដើម្បីចាប់ផ្តើមសមាធិ គ្រាន់តែយើងផ្ដោតអារម្មណ៍ទៅលើដង្ហើមរបស់យើង ហើយការអង្គុយត្រង់ខ្នងអាចជួយបាន។ ប្រសិនជាយើងមានអារម្មណ៍មិនមូល ចេះតែមានគំនិតផ្សេងមករំខាន យើងអាចត្រលប់ទៅផ្ដោតលើដង្ហើមរបស់យើងជាថ្មីវិញ។ ការសិក្សាភាគច្រើនបង្ហាញថាយើងត្រូវអនុវត្តយ៉ាងតិច ១០នាទីក្នុងមួយថ្ងៃរយៈពេល៨ទៅ១០សប្ដាហ៍ដើម្បីទទួលបានអត្ថប្រយោជន៍។ នៅពេលសមាធិ យើងគួរជ្រើសរើសពេល និងរយៈពេលសម្រាប់សមាធិឲ្យដូចគ្នា រួមទាំងទីកន្លែងដែរ។

៤. ការគ្រប់គ្រងភាពតានតឹង

Free Photo | Asian family enjoy their free time relax together at home. lifestyle mom and daughter using laptop watch movie on internet, dad watch tv in living room in modern home .

ភាពតានតឹងផ្លូវចិត្តរយៈពេលយូរអាចមានផលអវិជ្ជមានដល់ប្រព័ន្ធភាពស៊ាំដោយបន្ថយសមត្ថភាពរាងកាយប្រឆាំងនឹងវីរុស និងបាក់តេរី។ បន្ថែមពីនេះ ពេលស្ថិតនៅក្នុងស្ថានភាពតានតឹង មនុស្សភាគច្រើនតែងផឹកស្រា ជក់បារី ញ៉ាំអាហារមិនល្អ និងគេងមិនគ្រប់គ្រាន់ដែលទាំងនេះសុទ្ធតែប៉ះពាល់ដល់ប្រព័ន្ធភាពស៊ាំ។

ដើម្បីសម្រួលដល់ភាពតានតឹងក្នុងចិត្ត យើងត្រូវដឹងថាភាពតានតឹង និងការថប់បារម្ភគឺជារឿងធម្មតា និងស្វែងរកវិធីសម្រួលដែលមានសុខភាពល្អ និងមានសុវត្ថិភាពសម្រាប់ខ្លួនយើង។ ការរក្សាទំនាក់ទំនងជាមួយមិត្តភកិ្តអាចជួយដល់យើងបាន។ ដោយឡែកអ្នកដែលមានភាពតានតឹង និងថប់បារម្ភខ្ពស់គួរកាត់បន្ថយការប្រើប្រាស់បណ្ដាញសង្គម និងអានព័ត៌មានដែលធ្វើឲ្យយើងកាន់តែមានភាពតានតឹង និងថប់បារម្ភ។

៥. គេងឲ្យបានគ្រប់គ្រាន់

Premium Photo | A beautiful asian woman sleeping in a white cozy bed at home

ការគេងមិនគ្រប់គ្រាន់ក៏អាចប៉ះពាល់ដល់ប្រព័ន្ធភាពស៊ាំដែរ។ ដើម្បីពង្រឹងប្រព័ន្ធភាពស៊ាំ National Sleep Foundation ណែនាំឲ្យគេង៧ទៅ៨ម៉ោងក្នុងមួយយប់។ ប៉ុន្តែបើយើងពិបាកក្នុងការគេង ឬមិនអាចគេងគ្រប់ចំនួនម៉ោងដែលបានណែនាំទេ យើងអាចបំពេញបានដោយការគេងថ្ងៃ។ យើងអាចគេងនៅពេលព្រឹក និងពេលថ្ងៃដោយមិនឲ្យលើស៣០នាទីបាន។ ការធ្វើបែបនេះអាចជួយកាត់បន្ថយភាពតានតឹង និងផលប៉ះពាល់អវិជ្ជមានបណ្ដាលមកពីការគេងមិនគ្រប់គ្រាន់ទៅលើប្រព័ន្ធភាពស៊ាំបាន។ ប្រសិនជាយើងមិនអាចគេងពេលព្រឹក និងពេលថ្ងៃបានយើងអាចគេង២០នាទីនៅម៉ោងអាហារថ្ងៃត្រង់ ឬមុននឹងញ៉ាំអាហារពេលល្ងាចបាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកកំពុងធ្វើចត្តាឡីស័ក គួរអនុវត្តគោលការណ៍ណែនាំទាំងនេះ ការពារខ្លួនឆ្លងកូវីដ

ចុចអាន៖ ការសិក្សា៖ អ្នកជំងឺកូវីដជាងពាក់កណ្តាលរងជំងឺធ្លាក់ទឹកចិត្តជាច្រើនខែ