ព័ត៌មានជាតិ

រយៈពេល៤ថ្ងៃមានមានសហជីព និងកម្មកររោងចក្រជិត៣ម៉ឺននាក់ស្ម័គ្រចិត្តចាក់វ៉ាក់សាំងស៊ីណូវ៉ាក់

បានផុស

៥ years មុន

នៅ

ថ្ងៃសៅរ៍ ១០ មេសា ២០២១

ដោយ

ភ្នំពេញ ៖ រយៈពេល៤ថ្ងៃនេះក្រុមការងារអនុគណៈកម្មការចំពោះកិច្ចសម្រាប់ចាក់វ៉ាក់សាំងកូវីដ១៩ ជូនដល់កម្មករ និយោជិត បានចាក់វ៉ាក់សាំងការពារជំងឺកូវីដ១៩ ស៊ីណូវ៉ាក់ ដល់កម្មករនិយោជិត និងអង្គការវិជ្ជាជីវៈបានចំនួន២៧៨៤៥នាក់ ក្នុងចំណោមអ្នកស្ម័គ្រចិត្តចំនួន២៨៩៣៣នាក់ ក្នុងនោះមានជនបរទេសចំនួន១៦០៦នាក់។

តាមរបាយការណ៍របស់អនុគណៈកម្មការចំពោះកិច្ចសម្រាប់ចាក់វ៉ាក់សាំងកូវីដ១៩ ជូនដល់កម្មករ និយោជិតដែលទើបចេញផ្សាយនៅមុននេះបន្តិចបានឲ្យដឹងថា ក្នុងចំណោមអ្នកស្ម័គ្រចិត្តចាក់វ៉ាក់សាំងជិត៣ម៉ឺននាក់នោះ ក្នុងនោះមានអ្នកដែលបានចាក់វ៉ាក់សាំងចំនួន២៧៨៤៥នាក់ក្នុងនោះជនបរទេសចំនួន១៥៨៦នាក់ និង អ្នកដែលគ្រូពេទ្យមិនអាចចាក់បានចំនួន១០៨៨នាក់ ជនបរទេសចំនួន២០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមអ្នកចាក់ចំនួនអ្នកស្ម័គ្រចិត្តជិត៣ម៉ឺននាក់នោះចាក់នៅថ្ងៃទី៧មេសាមានចំនួន៣៨៤៩ នាក់ក្នុងចំណោមអ្នកស្ម័គ្រចិត្តចាក់ចំនួន ៣៩៤២ ដែលមានជនបរទេសចំនួន ៧០ នាក់ផងដែរអ្នកដែលគ្រូពេទ្យមិនអាចចាក់បានចំនួន៩៣នាក់។

ចំណែកនៅថ្ងៃទី៨មេសានេះមានអ្នកស្ម័គ្រចិត្តចាក់វ៉ាក់សាំងចំនួន៥១៧៧នាក់ក្នុងនោះមានជនបរទេសចំនួន២៧៨នាក់។អ្នកចាក់បានចំនួន៥០២៩នាក់និងអ្នកមិនអាចចាក់បានចំនួន១៤៨នាក់។

ថ្ងៃទី៩មេសាចាក់បានចំនួន៨៩៨៤នាក់ក្នុងនោះជនបរទេសចំនួន៥៣៥នាក់ក្នុងចំណោមអ្នកស្ម័គ្រចិត្តចាក់សរុបចំនួន៩៣៩៩នាក់ ជនបរទេសចំនួន៥៥៥នាក់និងគ្រូពេទ្យមិនអនុញ្ញាតឲ្យចាក់ចំនួន៤១៥នាក់ជនបរទេសចំនួន២០នាក់។

ថ្ងៃទី១០មេសានេះ មានអ្នកចាក់បានចំនួន៩៩៨៣នាក់ ក្នុងនោះជនបរទេសចំនួន៧០៣នាក់ក្នុងចំណោមអ្នកចាក់សរុបចំនួន១០៤១៥នាក់និងគ្រូពេទ្យមិនអាចចាក់បានចំនួន៤៣២នាក់។

លោក ហេង សួរ រដ្ឋលេខាធិការក្រសួងការងារ និងជាប្រធានអនុគណៈកម្មការចំពោះកិច្ចចាក់វ៉ាក់សាំងកូវីដ១៩ ឲ្យកម្មករបានឲ្យដឹង ថាការចាក់វ៉ាក់សាំងទៅលើកម្មករនិងយោជិតនេះនឹងគ្របដណ្តប់កម្មករប្រមាណ៧ម៉ឺននាក់ក្នុងនោះនៅតំបន់សេដ្ឋកិច្ចភ្នំពេញមានប្រមាណ៣ម៉ឺននាក់ តំបន់វឌ្ឍនៈ១ ប្រមាណ១ម៉ឺននាក់និងតាមរោងចក្រផ្សេងៗទៀតនៅខណ្ឌឬស្សីកែវនិងខណ្ឌកំបូល ខណៈបច្ចុប្បន្នក្រសួងមានវ៉ាក់សាំងស៊ីណូវ៉ាក់ក្នុងដៃប្រមាណ២០ម៉ឺសដូសសម្រាប់ចាក់ជូនកម្មករ៕

ដោយ ៖ សំអឿន