ព័ត៌មានជាតិ

រយៈពេល ៣ ខែចុងក្រោយនេះភ្ញៀវបរទេសថយចុះ ស្របពេលហ្វូងសត្វស្លាបតំបន់អេកូទេសចរណ៍ព្រែកទាល់កើនឡើង

បានផុស

៦ ខែ មុន

នៅ

ថ្ងៃចន្ទ ២៧ តុលា ២០២៥

ដោយ

គិតត្រឹមរយៈពេល ៣ ខែ ចុងក្រោយនេះ គេសង្កេតឃើញកំណើនភ្ញៀវបរទេសថយចុះ ស្របពេលហ្វូងសត្វស្លាបគ្រប់ប្រភេទនៅតំបន់អេកូទេសចរណ៍ព្រែកទាល់កើនឡើងយ៉ាងសម្បូរបែប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការកត់សម្គាល់ពីមន្ត្រីមន្ទីរទេសចរណ៍ខេត្ត បានឱ្យដឹងថា កន្លងមកមានភ្ញៀវបរទេសមកទស្សនាហ្វូងសត្វស្លាបច្រើនជាងឆ្នាំកន្លងទៅ ហើយភ្ញៀវទេសចរអន្តរជាតិភាគច្រើន តែងតែគយគន់ និងផ្តិតយករូបភាពហ្វូងសត្វដែលកំពុងហោះហើរទាំងហ្វូងនៅលើផ្ទៃទឹក។

លោក យន់ ណៃ ជាអ្នកគ្រប់គ្រងតំបន់អេកូទេសចរណ៍ព្រែកទាល់ បានឲ្យដឹងថា ភ្ញៀវទេសចរដែលមានបំណងមកទស្សនាកម្សាន្តនៅតំបន់ព្រែកទាល់ អាចធ្វើដំណើរចេញពីទឹកដីខេត្តសៀមរាបក៏បាន ធ្វើដំណើរចេញពីទឹកដីខេត្តបាត់ដំបងក៏បាន តាមរយៈមធ្យោបាយកាណូតដែលមន្ទីរបានរៀបចំ។

លោកបន្តថា ក្នុងរយៈពេល ៣ខែ ចុងក្រោយនេះ ចំនួនភ្ញៀវទេសចរអន្តរជាតិបានថយចុះ ខណៈចំនួនភ្ញៀវក្នុងស្រុកបានកើនឡើង ដើម្បីគយគន់ហ្វូងសត្វស្លាបដែលបានកើនឡើងច្រើនដោយមិនអាចគណនាបាន។ លោករំពឹងថា ភ្ញៀវអន្តរជាតិនឹងមានសន្ទុះឡើងវិញ ក្រោយស្ថានភាពបានធូរស្រាលឡើងវិញ។

សម្រាប់លោក តុន ណៃ “នៅរយៈពេលចុងក្រោយនេះ ខ្ញុំសង្កេតឃើញថា តាំងពីប្រទេសថៃបានបង្ករបញ្ហាជាមួយកម្ពុជា ភ្ញៀវទេសចរបរទេសដែលខ្ញុំធ្លាប់ដឹកជញ្ជូនទៅទស្សនាហ្វូងសត្វ គឺនៅមានចំនួនតិចតួចណាស់ តែចំនួនភ្ញៀវនៅក្នុងភូមិស្រុកមានការកើនឡើង តែបើស្ថានភាពបានប្រសើឡើងវិញ ខ្ញុំសង្ឃឹមថា ភ្ញៀវបរទេសនឹងកើនឡើងវិញ”។

តំបន់”អេកូទេសចរណ៍ព្រែកទាល់”ត្រូវបានគេចាត់ទុកថាជាជំរុំសត្វស្លាបគ្រប់ប្រភេទដ៏ធំនៅលើផ្ទៃបឹងទន្លេសាបក្នុងទឹកដីឃុំកោះជីវាំង ស្រុកឯកភ្នំ ខេត្តបាត់ដំបង ដែលបានគ្រប់គ្រង និងអភិរក្សដោយមន្ត្រីបរិស្ថានខេត្ត ខណៈការកើនឡើងនៃហ្វូងសត្វស្លាបក្នុងឆ្នាំនេះ បានកើនឡើងច្រើនដែលមិនអាចគណនាបាន៕

អត្ថបទ÷សៅ សារិទ្ធ