ព័ត៌មានជាតិ
ដឹងលទ្ធផលវិជ្ជមានកូវីដ១៩ ស្ត្រីម្នាក់រត់ទៅចង ក សម្លាប់ខ្លួន
ក្រោយពីទទួលដំណឹងពីគ្រូពេទ្យថា លទ្ធផលតេស្ដរកជំងឺកូវីដ១៩របស់ខ្លួនមានវិជ្ជកូវីដ១៩ និងឃើញរថយន្ដរបស់ក្រុមគ្រូពេទ្យទៅយកដល់ផ្ទះទៀតនោះ ស្ត្រីម្នាក់ប៊ិះនឹងចង ក សម្លាប់ខ្លួន តែត្រូវបានកម្លាំងអាជ្ញាធរ និងក្រុមគ្រូពេទ្យនិយាយលួងលោម ទើបស្ត្រីរូបនេះព្រមឡើងរថយន្ដសង្គ្រោះទៅព្យាបាល។
ករណីនេះបានកើតឡើងកាលពីល្ងាចថ្ងៃទី១២ ខែមេសា ឆ្នាំ២០២១ ស្ថិតនៅភូមិព្រៃក្រឡាខាងកើត ឃុំទូកមាសខាងលិច ស្រុកបន្ទាយមាស ខេត្តកំពត។
សមត្ថកិច្ចវបានឲ្យដឹងថា ស្ត្រីរូបនេះមានឈ្មោះ នេត សារឹម អាយុ៥០ឆ្នាំ រស់នៅភូមិ ឃុំកើតហេតុ។
សមត្ថកិច្ចបានបញ្ជាក់ថា ស្ត្រីដែលមានវិជ្ជកូវីដ១៩នេះ រួមជាមួយប្ដីទើបត្រឡប់មកពីរកស៊ីនៅប្រទេសថៃ និងបានទៅធ្វើចត្តាឡីស័កនៅវិទ្យាល័យ ព្រះរាជសំភា នៅជើងភ្នំ កកេះ ក្នុងក្រុងកំពត ដោយតេស្ដលទ្ធផលលើកទី១នៅថ្ងៃទី២៨ ខែមីនា ហើយលទ្ធផលគឺ អវិជ្ជមាន ទាំង២នាក់ប្ដីប្រពន្ធ។
ដោយទទួលលទ្ធផល អវិជ្ជមាន ក្រុមគ្រូពេទ្យក៏អនុញាត្តឲ្យពួកគាត់ត្រឡប់ទៅធ្វើចត្តាឡីស័កនៅផ្ទះ និងរងចាំធ្វើតេស្តលើកទី២នៅថ្ងៃទី១០ ខែមេសា ឆ្នាំ២០២១។
ប្រភពបានបន្តថា នៅល្ងាចថ្ងៃទី១២ ខែមេសានេះ មន្ត្រីសុខាភិបាលបានជូនដំណឹងដល់អាជ្ញាធរ និងសាម៉ីខ្លួន ស្ដីពីលទ្ធផលវិជ្ជមានកូវីដ១៩របស់ស្ត្រីឈ្មោះ នេត សារឹម ដើម្បីដាក់ខ្លួនដាច់ដោយឡែក ចៀសវាង ខ្លាចឆ្លងដល់ប្ដីទៀត តែក្រោយពីដឹងថាខ្លួនមានវិជ្ជមានជំងឺកូវិដ១៩ ស្រាប់តែស្ត្រីរូបនោះ ធ្វើសកម្មភាពបម្រុងចង ក សម្លាប់ខ្លួន តែត្រូវបានកម្លាំងអាជ្ញាធរ និងក្រុមគ្រូពេទ្យ និយាយលួងលោម ទើបស្ងប់ចិត្ត។
នៅព្រឹកថ្ងៃទី១៣ ខែមេសា ស្ត្រីរូបនេះត្រូវបានរថយន្ដរបស់ក្រុមគ្រូពេទ្យមកទទួលយកទៅព្យាបាលនៅមន្ទីរពេទ្យ បង្អែក កំពង់ត្រាច ដើម្បីព្យាបាលជំងឺកូវីដ១៩ ៕
អត្ថបទ ៖ សុខុម
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ