ព័ត៌មានជាតិ
សម្តេចតេជោ ចេញបទបញ្ជា ហាមផ្តាច់ការចរាចរក្នុងរាជធានី និងក្រុងតាខ្មៅ មិនឱ្យចាកចេញពីផ្ទះ
សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅរសៀលថ្ងៃទី១៦ ខែមេសា ឆ្នាំ២០២១ បានផ្ញើសារជាសំឡេង ដោយចេញបទបញ្ជាជាថ្មីទៀត ហាមផ្តាច់ការចរាចរក្នុងរាជធានីភ្នំពេញ និងក្រុងតាខ្មៅ រយៈពេល១៤ថ្ងៃ មិនឱ្យចាកចេញពីផ្ទះ ឬភូមិ និងឆ្លងខេត្ត។
សម្ដេចតេជោបានមានប្រសាសន៍ថា បន្ទាប់ពីការបិទរាជធានីភ្នំពេញ និងទីក្រុងតាខ្មៅ ខេត្តកណ្ដាល គឺនៅតែឃើញមានចរាចរណ៍មនុស្សនៅបន្តមានទៀត ដូចនេះសម្ដេចសូមបញ្ជាទៅអាជ្ញាធរគ្រប់ជាន់ថ្នាក់ដើម្បីបញ្ជាក់សារជាថ្មីម្ដងទៀត សម្រាប់ប្រជាពលរដ្ឋពេលនេះ នៅផ្ទះណាគឺនៅផ្ទះនោះ នៅភូមិណាគឺនៅភូមិនោះ នៅស្រុកណាគឺនៅស្រុកនោះ នៅទីកន្លែងណាគឺនៅទីកន្លែងនោះ ក្នុងរយៈពេល១៤ថ្ងៃ ដោយសម្ដេចបានសំណូមពរឱ្យប្រជាពលរដ្ឋទ្រាំបន្តិចក្នុងការមិនផ្លាស់ទីទៅណាបែបនេះ។
សម្ដេចក៏បានបញ្ជាក់ទៀតថា ប្រសិនជាការបិទរយៈពេល១៤ថ្ងៃនេះ នៅតែមានការបំពាន ហើយសភាពការនៃការឆ្លងមេរោគកូវីដ-១៩ក្នុងសហគមន៍មិនថតចុះ សម្ដេចអាចនឹងអូសបន្លាយនៃការបិទរាជធានីភ្នំពេញ ទីក្រុងតាខ្មៅ ខេត្តកណ្ដាល និងអាចទៅដល់បិទខេត្តមួយចំនួនទៀត តាមការចាំបាច់។
ស្តាប់ប្រសាសន៍សម្តេច៖
សម្ដេចមានលើកឡើងថា ប្រសិនគ្មានកិច្ចសហការពីសំណាក់ប្រជាពលរដ្ឋទេ ហើយបើគ្មានការអនុវត្តដ៏ម៉ឺងម៉ាត់ពីស្ថាប័នមានសមត្ថកិច្ច ជាពិសេសពីនគរបាល និងអាវុធហត្ថ ក៏ដូចជាអាជ្ញាធរគ្រប់ថ្នាក់ទេ នោះនឹងពិបាកក្នុងការទទួលបានជោគជ័យ។
សម្តេចតេជោបានបញ្ជាដាច់ខាតមិនឱ្យប្រជាពលរដ្ឋចេញ ឬចូលរាជធានីភ្នំពេញវិញទេ ដើម្បីបញ្ជៀសការចម្លងមេរោគពីភ្នំពេញទៅខេត្ត និងពីខេត្តចូលមកភ្នំពេញ។ សម្ដេចបានលើកករណីជាក់ស្ដែងថា មានមនុស្សមួយចំនួនដែលបានចាកចេញពីភ្នំពេញទៅខេត្ត មានខេត្តព្រៃវែង និងក្រចេះជាដើម គឺបានតេស្ដឃើញវិជ្ជមានកូវីដ១៩ នៅខេត្តតែម្ដង៕
អត្ថបទ៖ ច័ន្ទវីរៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត