ព័ត៌មានជាតិ
ខេត្តចំនួន ២១ បញ្ចប់ការវាស់វែងដីធ្លី ខណៈនៅសល់ប្រមាណ ៥ ម៉ឺនក្បាលដី ជំរុញបញ្ចប់ទូទាំងប្រទេស
ខេត្តចំនួន ២១ បានបញ្ចប់ការវាស់វែងដីធ្លី ខណៈនៅសល់ប្រមាណ ៥ ម៉ឺនក្បាលដីទៀត កំពុងជំរុញនីតិវិធីបញ្ចប់ការវាស់វែងទូទាំងប្រទេសនៅពេលខាងមុខ។ នេះបើតាមរបាយការណ៍បូកសរុបលទ្ធផលការងារប្រចាំឆ្នាំ ២០២៥ របស់ក្រសួងរៀបចំដែនដី នគរូបនីយកម្ម និងសំណង់។
លទ្ធផលនៃការអនុវត្តយុទ្ធនាការចុះបញ្ជីដីធ្លីបង្ហើយ ក្នុងឆ្នាំ២០២៥ បានវាស់វែងបញ្ចប់បានចំនួន ១ ៤៣៥ ១៩៨ ក្បាលដីស្មើ ៩៥% នៃផែនការ ហើយនៅសល់ចំនួន ៥២ ៧៥៣ ក្បាលដីទៀត នៅមិនទាន់វាស់វែងបញ្ចប់ដែលមាននៅក្នុងខេត្តរតនគិរី កោះកុង កំពត និងរាជធានីភ្នំពេញ។
ក្រៅពីជំរុញនីតីវីធីដើម្បីបញ្ចប់ការចុះបញ្ជីដីធ្លីជូនប្រជាពលរដ្ឋ ក្នុងរបាយការណ៍បញ្ជាក់ថា រហូតដល់ឆ្នាំ ២០២៥ អាជ្ញាធរបានចេញបណ្ណកម្មសិទ្ធិដីធ្លីជូនពលរដ្ឋបានចំនួន ៨ ៨៩២ ០០៧ បណ្ណ ក្នុងនោះបញ្ចប់ចេញបណ្ណជំហានទី ១ បានចំនួន ៧ លានក្បាលដី ស្មើនឹង ១០០% នៃផែនការ និងកំពុងអនុវត្តការចេញបណ្ណជំហានទី២ ចំនួន ១ ៨៩២ ០០៧ បណ្ណ ស្មើ ៣៧,៨៤% នៃដីប៉ាន់ស្មានចំនួន ៥ លានក្បាលដី។
ពាក់ព័ន្ធការន្លឿនដោះស្រាយវិវាទដីធ្លី ក្រសួងបានបង្កើតយន្តការចំនួន ៣ ដែលក្នុងនោះមានអាជ្ញាធរជាតិដោះស្រាយទំនាស់ដីធ្លី គណៈកម្មការសុរិយោដី និងក្រុមការងារប្រតិបត្តិការក្នុងរាជធានីខេត្តគោលដៅចំនួន ២៥ ដើម្បីសហការជាមួយអាជ្ញាធរមានសមត្ថកិច្ច រកដំណោះស្រាយចំពោះករណីវិវាទដែលនៅសេសសល់ ដើម្បីបិទបញ្ចប់ភាពចម្រូងចម្រាសក្នុងសង្គម បង្កើតបរិយាកាសគ្មានជម្លោះ ពង្រឹងសុវត្ថិភាពនៃការកាន់កាប់ដី បង្កើតភាពសុខដុមរមនាក្នុងសង្គម ឈានទៅអភិវឌ្ឍន៍សេដ្ឋកិច្ចនិងសង្គមកិច្ចនៅតាមមូលដ្ឋាន។
គិតពីចាប់ផ្តើមអនុវត្តដល់ឆ្នាំ២០២៥ ក្រសួងទទួលបានពាក្យបណ្ដឹងសរុបចំនួន ១៦ ៣៦៤ ករណី ក្នុងនោះដោះស្រាយបញ្ចប់នីតិវិធីចំនួន ១៦ ២៨២ ករណី និងកំពុងដោះស្រាយចំនួន ៨២ ករណី៕
រដ្ឋាភិបាលតាមរយៈក្រសួងរៀបចំដែនដី បានកំណត់យកការចុះបញ្ជីដីបង្ហើយ ដើម្បីបញ្ចប់ការងារវាស់វែងដីធ្លីនៅកម្ពុជា កែសម្រួលភាពមិនច្បាស់លាស់ កាត់បន្ថយជម្លោះលើព្រំដី ដើម្បីផ្តល់សុវត្ថិភាពផ្លូវច្បាប់និងសន្តិភាពផ្លូវចិត្តក្នុងការកាន់កាប់អចលនវត្ថុរបស់ ប្រជាពលរដ្ឋ លើកកម្ពស់តម្លៃសេដ្ឋកិច្ចនៃអចលនទ្រព្យ បង្កើតនូវបរិយាកាសគ្មានវិវាទ ឈានទៅកសាងសង្គម កម្ពុជាជាភូមិឋានក្សេមក្សាន្ត។
ទន្ទឹមនេះ ក្រសួងក៏បាននិងកំពុងបន្តអភិវឌ្ឍប្រព័ន្ធព័ត៌មានសុរិយោដីទំនើប ដើម្បីគ្រប់គ្រងនិងផ្តល់សេវាសុរិយោដីតាមប្រព័ន្ធអេឡិចត្រូនិក ជាពិសេសការចុះបញ្ជីបន្ត ដើម្បីឈានទៅសម្រេចបាននូវទស្សនាទាន “សេវាគាប់ចិត្ត” ជូនប្រជាពលរដ្ឋ និងពង្រីកបាននូវមូលដ្ឋានពន្ធពាក់ព័ន្ធនឹងអចលនទ្រព្យកាន់តែធំថែមទៀត៕
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ