ព័ត៌មានជាតិ
អាជ្ញាធរក្រុងខេមរភូមិន្ទ ណែនាំដល់ម្ចាស់ទីតាំងអាជីវកម្មជាង២០០កន្លែង ផ្អាកលក់គ្រឿងស្រវឹង
អាជ្ញាធរក្រុង មន្រ្តីមន្ទីរទេសចរណ៍ និងកងកម្លាំងសមត្ថកិច្ចពាក់ព័ន្ធ បានចុះពន្យល់ណែនាំផ្សព្វផ្សាយដល់ម្ចាស់ភោជនីយដ្ឋាន អាហារដ្ឋាន និងអាជីវកម្មលក់ម្ហូបអាហារប្រមាណ២០០កន្លែងពីការផ្អាកលក់ដូរគ្រឿងស្រវឹងចំនួន១៤ថ្ងៃ។
លោក សៀង កក្កដា អភិបាលរងក្រុងខេមរភូមិន្ទ ថ្លែងនៅថ្ងៃទី១៧ ខែមេសា ថា ម្ចាស់ទីតាំងអាជីវកម្មទាំង២០០កន្លែង សុទ្ធតែគាំទ្រពីសកម្មភាពណែនាំរបស់អាជ្ញាធរ និងចូលរួមអនុវត្តមិនលក់គ្រឿងស្រវឹងជូនអតិថិជនរបស់ខ្លួនទៅតាមសេចក្តីជូនដំណឹងរបស់រាជរដ្ឋាភិបាល និងរដ្ឋបាលខេត្ត។
លោកអភិបាលរងក្រុង បន្ថែមថា ក្រៅពីភោជនីយដ្ឋាន អាហារដ្ឋានានា ក៏មានដែលដេប៉ូលក់ចែកចាយគ្រឿងស្រវឹងធំៗនៅក្នុងខេត្ត ក៏ត្រូវអនុវត្តជាដាច់ខាតផងដែរ ដើម្បីធានាសុវត្ថិភាព និងទប់ស្កាត់ការរីករាលដាលជំងឺកូវីឌ១៩ជាមួយប្រមុខរាជរដ្ឋាភិបាល។
អំឡុងពេល៣ថ្ងៃនៃពិធីបុណ្យចូលឆ្នាំថ្មីប្រពៃណីជាតិខ្មែរ គេសង្កេតឃើញលោក ឈេង សុវណ្ណដា អភិបាលក្រុងខេមរភូមិន្ទ អាជ្ញាធរមូលដ្ឋាន ព្រមទាំងកងកម្លាំងសមត្ថកិច្ចបានល្បាត និងចុះអប់រំណែនាំមិនឱ្យមានការផឹកស៊ី ជួបជុំប្រមូលផ្តុំគ្នីគ្នាច្រើន ឬល្បែងស៊ីសងតាមទីសាធារណៈ ឬនៅលំនៅដ្ឋានទេ ករណីបើនៅតែគឃ្លើនល្មើសនឹងការណែនាំនឹងអនុវត្តតាមច្បាប់ជាធរមាន។
វិធានការផ្អាកលក់គ្រឿងស្រវឹងគ្រប់ប្រភេទ នៅក្នុងភោជនីយដ្ឋាន អាហារដ្ឋាន និងអាជីវកម្មផ្នែកម្អូបអាហារ ភេសជ្ជៈគ្រប់ប្រភេទ រយៈពេល១៤ថ្ងៃ ចាប់ពីថ្ងទី១៥_២៨ ខែមេសា ឆ្នាំ២០២១ នៅទូទាំងក្រុងខេមរភូមិន្ទ ខេត្តកោះកុង។
គួរជម្រាបថា នៅព្រឹកថ្ងៃទី១៧ ខែមេសា ឆ្នាំ២០២១ ខេត្តកោះកុង មានអ្នកជំងឺកូវីឌ១៩ចំនួន២នាក់ដែលសម្រាកព្យាបាលនៅមន្ទីរពេទ្យខេត្តត្រូវបានអនុញ្ញាតឱ្យត្រឡប់ទៅមូលដ្ឋានវិញ ក្រោយជាសះស្បើយពីជំងឺ៕
អត្តបទ ៖ សិរីវឌ្ឍនៈ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង