ព័ត៌មានជាតិ

ខេត្តបន្ទាយមានជ័យ បិទសាលារៀនចំនួន ៤២ ជាបណ្ដោះអាសន្ន នៅតាមព្រំដែនកម្ពុជា-ថៃ បន្ទាប់ពីភាគីថៃផ្ទុះអាវុធនៅឧត្តរមានជ័យ

បានផុស

៧ ខែ មុន

នៅ

ថ្ងៃចន្ទ ៨ ធ្នូ ២០២៥

ដោយ

សាលាមត្តេយ្យ និងបឋមសិក្សា ចំនួន ៤២ សាលា នៅតាមបន្ទាត់ព្រំដែនកម្ពុជា-ថៃ នៃខេត្តបន្ទាយមានជ័យ ប្រឈមនឹងខេត្តស្រះកែវ របស់ថៃ បានបិទបណ្ដោះអាសន្ន ចាប់ពីព្រឹកថ្ងៃទី ៨ ខែធ្នូ ឆ្នាំ ២០២៥ បន្ទាប់ពីភាគីថៃផ្ទុះអាវុធនៅតាមព្រំដែន ជាមួយខេត្តឧត្តរមានជ័យ និងខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្តបន្ទាយមានជ័យ បានឲ្យដឹងថា នៅថ្ងៃទី ៨ ខែធ្នូ ឆ្នាំ ២០២៥ នេះ សាលារៀនបានបិទទ្វារជាបណ្ដោះអាសន្ន មានចំនួន ៤២ សាលា ដែលស្ថិតនៅក្នុងស្រុកថ្មពួក ស្វាយចេក អូរជ្រៅ។ ក្នុងចំណោមសាលាដែលត្រូវបិទទ្វារជាបណ្ដោះអាសន្នរួមមាន មត្តេយ្យសិក្សា ១ កន្លែង បឋមសិក្សា ៣៧ កន្លែង អនុវិទ្យាល័យ ៣ កន្លែង និងវិទ្យាល័យ ១ កន្លែង។

សូមបញ្ជាក់ថា នេះជាករណីទីពីរហើយដែលគ្រឹះស្ថានសិក្សាសាធារណៈរបស់រដ្ឋបានបិទទ្វារជាបណ្ដោះអាសន្ន ដោយសារតែបញ្ហាផ្ទុះអាវុធនៅតាមបន្ទាត់ព្រំដែនកម្ពុជា-ថៃ ធ្វើឲ្យក្មេងៗ បាត់បង់ការសិក្សា៕

អត្ថបទ ៖ អ ពៅ