ព័ត៌មានជាតិ

លំនៅឋានជាង២ពាន់ខ្នងនិងពលរដ្ឋជាង៧ពាន់គ្រួសារប៉ះពាល់ក្នុងជន្លោះព្រំដែនកម្ពុជា-ថៃនៃខេត្តបន្ទាយមានជ័យ

បានផុស

៦ ខែ មុន

នៅ

ថ្ងៃចន្ទ ៥ មករា ២០២៦

ដោយ

ប៉ោយប៉ែត ៖ លំនៅឋានរបស់ប្រជាពលរដ្ឋ 2,324 ខ្នងនៃប្រជាពលរដ្ឋសរុប 7,152 គ្រួសារ ត្រូវបានរងផលប៉ះពាល់ក្នុងជន្លោះព្រំដែនកម្ពុជាថៃនិងការរាយបន្លាលួសដាក់ទូកុងទីន័រហ៊ុមព័ទ្ធលំនៅឋានពលរដ្ឋកម្ពុជាដែលស្ថិតនៅក្រោមការគ្រប់គ្រងរបស់កម្ពុជាក្នុងភូមិសាស្ត្រភូមិជោគជ័យ ព្រៃចាន់ឃុំអូរបីជាន់ ស្រុកអូរជ្រៅនិងនៅតំបន់បឹងត្រកួន ឃុំគោរមៀត ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់រដ្ឋបាលស្រុកអូរជ្រៅ និង រដ្ឋបាលស្រុកថ្មពួក នៃខេត្តបន្ទាយមានជ័យស្ដីពីផលប៉ះពាល់ក្នុងជម្លោះព្រំដែនកម្ពុជា-ថៃបានឱ្យដឹងថា ចំពោះស្រុកអូរជ្រៅមាន ប្រជាពលរដ្ឋរងផលប៉ះពាល់មានចំនួន 1.256 គ្រួសារស្មើនឹងមនុស្សរាយ 4707 នាក់ ស្រី 2,363 នាក់កុមារ1293នាក់។ ផ្ទៃដីរងផលប៉ះពាល់មានចំនួន 2091.13 ហិចតា ក្នុងនោះ ផ្ទៃដីលំនៅឋាននិងអាជីវកម្ម និងដីរដ្ឋមានចំនួន 2091.13 ហិចតា។

លំនៅឋានរងផលប៉ះពាល់មានចំនួន 829 ខ្នងអាជីវកម្មចំនួន 50 កន្លែង ចំពោះស្រុកថ្មពួក ពលរដ្ឋរងផលប៉ះពាល់មានចំនួន 5896គ្រួសារមនុស្សរាយ21512នាក់ ផ្ទៃដីរងផលប៉ះពាល់សរុបចំនួន 292 ហិចតា លំនៅឋានមានចំនួន 1495 ខ្នង។ សរុបផលប៉ះពាល់ទាំងពីរស្រុករបស់ ខេត្តបន្ទាយមានជ័យគឺមានពលរដ្ឋរងផលប៉ះពាល់ សរុបចំនួន 7,152 គ្រួសារ។ ដោយឡែកផ្ទៃដីរងផលប៉ះពាល់ មានចំនួនសរុប 2,383.13 ហិចតា។ លំនៅឋានសរុបមានចំនួន 2,324 ខ្នង។

ផលប៉ះពាល់ទាំងអស់ខាងលើ ដោយសារតែជន្លោះព្រំដែនកម្ពុជាថៃនិងដោយសារតែ ទាហានថៃបានហ៊ុមព័ទ្ធបន្លាស់និងកុងទីន័នៅក្នុងភូមិសាស្ត្រភូមិជោគជ័យភូមិព្រៃចាន់និងតំបន់បឹងត្រកួន ដែលយោធាថៃមិនអនុញាឲ្យពួកគាត់ ចូលទៅរស់នៅនិងអាស្រ័យផលបាន។

សូមបញ្ជាក់ផងដែរថា ក្នុងជម្លោះព្រំដែនកម្ពុជា-ថៃ មុននៃបទឈប់បាញ់ នៃថ្ងៃទី២៧ ខែធ្នូឆ្នាំ២០២៥ យោធាតុថៃបានឈ្លាននពានចូលដែនអធិបតេយ្យរបស់កម្ពុជា ដោយប្រើការបាញ់ស្រោចហ្នឹងការបាញ់ខ្លោង និងការទម្លាក់គ្រាប់ពីយន្តហោះមកលើមូលដ្ឋានស៊ីវិល និងហេដ្ឋរចនាសម្ព័ន្ធនានាសាលារៀន មន្ទីរពេទ្យ វត្តអារាមនៃភូមិជោគជ័យ ភូមិព្រែកចាន់និងបឹងត្រកួនបណ្ដាលឱ្យលំនៅឋាន របស់ប្រជាពលរដ្ឋរងគ្រោះឆេះនិងខូចខាតស្ទើទាំងស្រុង៕

ដោយ ៖ អ ពៅ