ព័ត៌មានជាតិ

ស្ពានមេទឹកកាត់ផ្តាច់ អ្នកស្រី មុំ ច្រឹក ត្រូវប្តូរមុខរបរពីលក់ចាប់ហ៊ួយមុខផ្ទះ មកត្បាញអំបោសលក់ដើម្បីបានចំណូលចិញ្ចឹមជីវិត

បានផុស

៤ ខែ មុន

នៅ

ថ្ងៃពុធ ១១ កុម្ភៈ ២០២៦

ដោយ

ក្រោយស្ពានមេទឹកនៅតាមកំណាត់ផ្លូវជាតិលេខ ៥៥ ក្នុងស្រុកវាលវែង រងការទម្លាក់គ្រាប់បែកកាត់ផ្តាច់ទាំងស្រុងអំឡុងសង្រ្គាមឈ្លានពានពីយោធាថៃ ពេលនេះ អ្នកស្រី មុំ ច្រឹក ត្រូវផ្លាស់ប្តូរមុខរបរថ្មីដើម្បីរកចំណូលចិញ្ចឹមជីវិត។

លំនៅដ្ឋានរបស់អ្នកស្រី មុំ ច្រឹក នៅជាប់ស្ពានមេទឹកនៅក្នុងឃុំថ្មដា ស្រុកវាលវែង ខេត្តពោធិសាត់ គឺនៅក្បែរបង្គោលគីឡូម៉ែត្រលេខ ១៦៩ តាមផ្លូវជាតិលេខ ៥៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ឥលូវតាំងពីស្ពានកាត់ផ្ដាច់មកក្រោមទម្ងន់គ្រាប់បែកទម្លាក់ពីយន្តហោះរបស់យោធាថៃ ការលក់ដូរមានភាពស្ងប់ស្ងាត់ជាងមុនយ៉ាងខ្លាំង»។ អ្នកស្រី មុំ ច្រឹក អះអាង។

មុនផ្ទុះសង្រ្គាមអ្នកស្រីមានលក់ដូរនំចំណី ភេសជ្ជៈសម្រាប់បម្រើភ្ញៀវទេសចរធ្វើដំណើរឆ្លងកាត់។ ខណៈដែលពីមុនមានមនុស្សហូរហែធ្វើដំណើរឆ្លងកាត់តាមស្ពានឆ្លងទៅច្រកថ្មដា ដែលធ្វើឱ្យការលក់ដូរមានភាពកុះករប៉ុន្តែបច្ចុប្បន្នមិនមានចរាចរណ៍ឆ្លងកាត់ទៀតទេ។

អ្នកស្រី មុំ ច្រឹក ប្រាប់ថា «ឥលូវនំចំណី គ្រឿងភេសជ្ជៈ ស្រា បារី ត្រូវបានកាត់បន្ថយលក់តិចតួចប៉ុណ្ណោះ ព្រោះមិនសូវមានអ្នកទិញដូចមុន»។

ដោយសារការលក់ដូរជួបការលំបាក អ្នកស្រី មុំ ច្រឹក ត្រូវរកមុខរបរបន្ថែមតាមរយៈការដើរបេះដើមស្មៅលើភ្នំដើម្បីក្រងធ្វើអំបោសលក់ ដែលដើមស្មៅទាំងនេះអាចរកបាននៅក្នុងភូមិសាស្រ្តស្រុកវាលវែង។

ដោយត្រូវចំណាយពេល ៣ ទៅ ៥ ថ្ងៃ ការក្រងអំបោសពីដើមស្មៅអ្នកស្រីអាចបោះលក់បាន ១ តម្លៃ ៣ ពាន់រៀល ដោយមានម៉ូយមកទិញដល់កន្លែង ហើយដឹកយកទៅចែកចាយបន្តនៅខេត្តពោធិ៍សាត់ បាត់ដំបង និងរាជធានីភ្នំពេញ៕

Related Topics:ខេត្តពោធិ៍សាត់ស្ពានមេទឹក

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា