ព័ត៌មានជាតិ
មន្ត្រីជំនិតលោក កឹម សុខា ថា ការចាប់ខ្លួនលោកផ្កាយ២យោធាម្នាក់ ជាការអនុវត្តច្បាប់ដោយស្មើភាព
លោក មុត ចន្ថា អតីតនាយកខុទ្ធកាល័យ និងជាមនុស្សជំនិតលោក កឹម សុខា ផងដែរនោះ បានអះអាងនារសៀល ថ្ងៃទី២២ ខែមេសា នេះថា ការចាប់ខ្លួនលោកផ្កាយ២យោធាម្នាក់ ទាក់ទងការរត់ពន្ធមនុស្ស (ជនជាតិចិន) ជិត៣០នាក់ ឆ្លងខេត្តទៅកាន់ខេត្តស្វាយរៀង បំពានសេចក្តីសម្រេច ស្តីពីការបិទធ្វើដំណើរឆ្លងរាជធានី-ខេត្ត គឺជាការអនុវត្តដោយស្មើភាព នៅចំពោះមុខច្បាប់ និងតុលាការ ហើយជាគំរូដល់ការអនុវត្តច្បាប់។
លោក មុត ចន្ថា បញ្ជាក់យ៉ាងដូច្នេះថា “ការអនុវត្តច្បាប់ដោយស្មើភាព ! មន្ត្រីយោធាជាន់ខ្ពស់មួយរូបមានឋានន្តរស័ក្តិឧត្តមសេនីយ៍ទោ (ផ្កាយ២) បានរត់ពន្ធមនុស្ស (ជនជាតិចិន) ជិត៣០នាក់ឆ្លងខេត្តទៅកាន់ខេត្តស្វាយរៀង ដោយបំពានសេចក្តីសម្រេច ស្តីពីការបិទធ្វើដំណើរឆ្លងរាជធានី-ខេត្ត។ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេរមភូមិន្ទ បានបើកផ្លូវឲ្យសមត្ថកិច្ចខេត្ដស្វាយរៀង ចាត់វិធានការតាមផ្លូវច្បាប់យ៉ាងម៉ឺងម៉ាត់ មិនលើកលែងឲ្យនោះឡើយ ចំពោះមន្ដ្រីយោធាផ្កាយពីរ ស៊ុំ ពៅ មានតួនាទីជាអនុប្រធានក្រុមការងារស្រាវជ្រាវយុទ្ធសាស្ដ្រយោធា នៃអគ្គបញ្ជាការដ្ឋាន”។
លោក មុត ចន្ថា លើកឡើងទៀតថា “សូមសាទរចំពោះការអនុវត្តច្បាប់ដោយស្មើភាពនៅចំពោះមុខច្បាប់ និងតុលាការ ដើម្បីជាគំរូដល់ការអនុវត្តច្បាប់”។
សូមបញ្ជាក់ថា ឧត្តមសេនីយ៍ផ្កាយពីរម្នាក់ឈ្មោះ ស៊ុ ពៅ ត្រូវបានកម្លាំងនៃស្នងការដ្ឋាននគរបាលខេត្តស្វាយរៀង ចាប់ខ្លួនកាលពីយប់ថ្ងៃទី២១ ខែមេសា ឆ្នាំ២០២១ ខណៈដែលបុគ្គលរូបនេះ បានលួចរត់ពន្ធជនជាតិចិន២៨នាក់ ពីភ្នំពេញទៅខេត្តស្វាយរៀង ទំនងជាចេញទៅក្រៅប្រទេស ជាមួយគ្នានោះ អគ្គមេបញ្ជាការកងយោធពលខេរមភូមិន្ទ នាយឧត្តមសេនីយ៏ វង្ស ពិសេន បានប្រកាសបើកផ្លូវឲ្យសមត្ថកិច្ចខេត្ដស្វាយរៀង ចាត់វិធានការតាមផ្លូវច្បាប់ ឲ្យបានម៉ឺងម៉ាត់ ចំពោះមន្ដ្រីយោធាផ្កាយពីរម្នាក់នេះ៕
អត្ថបទ៖ កោះកែវ
-
កីឡា៤ ថ្ងៃ agoអបអរសាទរ! អេស្ប៉ាញ ជាជើងឯកពិភពលោក World Cup 2026 ក្រោយឈ្នះ អាហ្សង់ទីន
-
ព័ត៌មានជាតិ៤ ថ្ងៃ agoពលរដ្ឋអាចស្នើប្តូរបណ្ណកម្មសិទ្ធិមានកំហុស ឬ QR Code ស្កេនមិនចេញ បាននៅមន្ទីររៀបចំដែនដី រាជធានីភ្នំពេញ
-
ព័ត៌មានជាតិ១ សប្តាហ៍ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
សន្តិសុខសង្គម៣ ថ្ងៃ agoទើបរៀបការ ២ ខែ! នារីម្នាក់ ត្រូវបុរសស្គាល់តាម Facebook បោកមកធ្វើការនៅភ្នំពេញ សម្លាប់ក្នុងផ្ទះសំណាក់ ពេលនេះសមត្ថកិច្ចចាប់បានឃាតកហើយ
-
កីឡា៥ ថ្ងៃ agoជ័យជម្នះប្រវត្តិសាស្ត្រ! កម្ពុជា ឈ្នះ ឥណ្ឌូណេស៊ី គ្រងជើងឯកពាន Sea V. Cup 2026
-
កីឡា៤ ថ្ងៃ agoស័ក្តិសមបំផុត! វឿន វាសនា ឈ្នះ ពានឯកត្តជន ២ ម្នាក់ឯង ក្រោយជួយកម្ពុជា គ្រងជើងឯក SEA V. Cup 2026
-
កីឡា៥ ថ្ងៃ agoលោក កែវ រ៉េមី ក្រុមជម្រើសជាតិតេក្វាន់ដូ ITF ប្ដេជ្ញាលើកទង់ជាតិខ្មែរជាថ្មីនៅម៉ុងហ្គោលី
-
សន្តិសុខសង្គម២៣ ម៉ោង agoកាប់សម្លាប់ប្រពន្ធនៅខេត្តកំពង់ស្ពឺ រួចជិះម៉ូតូគេចខ្លួនទៅស្រុកកំណើតដល់ពាក់កណ្ដាលផ្លូវជួបគ្រោះថ្នាក់ចរាចរណ៍ស្លាប់ភ្លាមៗ