បុរសម្នាក់ត្រូវរន្ទះបាញ់ស្លាប់កណ្តាលផ្លូវ ខណៈកំពុងជិះម៉ូតូមកពីរកត្រី

បុរសម្នាក់ជិះម៉ូតូត្រឡប់មកពីរកត្រី មិនទាន់ទៅដល់ផ្ទះផង ស្រាប់តែត្រូវរន្ទះបាញ់ស្លាប់នៅពាក់កណ្តាលផ្លូវ កាលពីវេលាម៉ោង ៣៖១០នាទី ថ្ងៃទី ២៣ ខែមេសា ស្ថិតនៅភូមិពពេល ឃុំរហាល ស្រុកព្រះនេត្រព្រះ ខេត្តបន្ទាយមានជ័យ។

នគរបាលស្រុកព្រះនេត្រព្រះបានឲ្យដឹងថាបុរសជនរងគ្រោះមានឈ្មោះ ដួង ដេត អាយុ៦១ ឆ្នាំរស់នៅភូមិកើតហេតុ។មុនពេលកើតហេតុជនរងគ្រោះបានជិៈម៉ូតូទៅបង់ត្រីនៅចំណុចខាងលើបង់ត្រីរួចរាល់ហើយបានជិះត្រឡប់មកផ្ទះវិញតាមវាលស្រែ ខណៈមេឃធ្លាក់ភ្លៀងនិងខ្យល់យ៉ាងខ្លាំងអមទៅដោយផ្គររន្ទះពេលជិះមកដល់ខាងជើងភូមិក៏ត្រូវរន្ទះបាញ់ស្លាប់នៅតាមផ្លូវតែម្តង។

ក្រោយពីកើតហេតុសពជនរងគ្រោះត្រូវបានក្រុមគ្រួសារយកមកចាត់ចែងធ្វើបុណ្យតាមប្រពៃណី៕

អត្ថបទ៖វ៉ាន់ ណាង