Connect with us

ព័ត៌មានជាតិ

ពិនិត្យ​សំណាក​នៅមុខ​បុរី​ប៉េង ហួត ច្បារអំពៅ រកឃើញ​​វិជ្ជមាន​៦​នាក់ ភាគច្រើនជាអាជីវករ​

បានផុស

នៅ

​ទីតាំង​ពិនិត្យ​សំណាក​រក​អ្នកមាន​វិជ្ជមាន​កូ​វិដ​១៩ ​ស្ថិតនៅតាម​បណ្តោយ​ផ្លូវជាតិ​លេខ​១​ មុខ​បុរី​ប៉េង ហួត ក្នុងភូមិ​បឹង​ឈូក សង្កាត់​និរោធ​ ខណ្ឌ​ច្បារអំពៅ ​រាជធានី​ភ្នំពេញ ​បាន​រកឃើញ​អ្នក​ផ្ទុក​ជំងឺ​កូ​វីដ​១៩​ ចំនួន​៦​នាក់​ ដែល​ភាគច្រើន​ជា​អ្នកលក់ដូរ​នៅ​ផ្សារ​ដើម​គរ​ និង​ផ្សារ​ច្បារអំពៅ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ប្រភពពី​លោក ស្រេង គឹម​ស្រ៊ន នាយករង​រដ្ឋបាល​សាលាខណ្ឌ​ច្បារអំពៅ​បាន​ឲ្យ​ដឹងថា ទីតាំង​ពិនិត្យ​សំណាក​អ្នក​សង្ស័យ​ផ្ទុក​ជំងឺ​កូ​វីដ​១៩ ​ដែល​ភាគច្រើន​ជា​អាជីវករ​លក់ដូរ​នៅ​ផ្សារលើ ក្រោម​ច្បារអំពៅ​ ស្ថិតនៅ​ទីតាំង​ខាងលើ​ គឺ​នៅ​ពាក់កណ្តាល​ថ្ងៃទី​២៤​ ខែមេសា ​ចាប់ពី​ម៉ោង​៧​ព្រឹក​រហូត​ដល់​ម៉ោង​១២​ថ្ងៃត្រង់​នេះ ​បាន​រកឃើញ​អ្នកមាន​វិជ្ជ​មាន​កូ​វីដ​១៩​បាន​ចំនួន​៦​នាក់​។​

លោក​នាយករង​រដ្ឋបាល​បាន​បន្តថា ការពិនិត្យ​រក​អ្នកជំងឺ​កូ​វីដ​១៩​នេះ ​គឺធ្វើឡើង​រយៈពេល​៣​ថ្ងៃ​ហើយ ដើម្បី​ស្វែងរក​អ្នកជំងឺ​ជា​អាជីវករ​ផ្សារ​ក្នុង​មូលដ្ឋាន​ខណ្ឌ​ច្បារអំពៅ​រួម​និង​បងប្អូន​ប្រជាពលរដ្ឋ​ដែល​រស់នៅ​ខណ្ឌ​ច្បារអំពៅ​ដោយ​ពុំ​ចាំបាច់​ធ្វើដំណើ​ទៅពិនិត្យ​សំណាក​នៅតាម​មន្ទីរពេទ្យ​រដ្ឋ​ខណ្ឌ​ដែល​មន្ទីរពេទ្យ​មួយចំនួន​ជាទី​តាំង​ដែល​ត្រូវ​បិទ​ខ្ទប់​។​

ក្នុងនោះ​លោក​នាយករង​រដ្ឋបាល​បានប្រកាស​ជូនដំណឹង​ដល់​បងប្អូន​ប្រជាពលរដ្ឋ​ដែល​សង្ស័យថា​ខ្លួន​មានការ​សង្ស័យ​ពី​សុខភាព​សូម​អញ្ជើញ​មក​ធ្វើការ​ពិនិត្យ​សំណាក​នៅ​ទីតាំង​ខាងលើ​ផង​៕​

អត្ថបទ ៖ ន​រា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម