ព័ត៌មានជាតិ

ពលករ និងសហគមន៍ខ្មែរនៅកូរ៉េជាង ២ម៉ឺននាក់ អបអរសាទរបុណ្យចូលឆ្នាំខ្មែរនៅ ១២ ទីតាំងយ៉ាងអធិកអធម

បានផុស

៣ ខែ មុន

នៅ

ថ្ងៃពុធ ១៥ មេសា ២០២៦

ដោយ

ក្នុងឱកាសឆ្នាំថ្មី ពលករ និងសហគមន៍ខ្មែរ នៅសាធារណរដ្ឋកូរ៉េប្រមាណ ២ម៉ឺននាក់បានរៀបចំអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរចំនួន ១២ទីតាំងយ៉ាងអធិកអធមដើម្បីបង្ហាញពីវប្បធម៌ប្រពៃណីដ៏ផូរផង់របស់ជាតិខ្មែរ។

ការអបអរសាទរ ក្នុងពិធីបុណ្យចូលឆ្នាំថ្មីប្រពៃណីជាតិខ្មែរនេះ ធ្វើឡើងដោយមានការសហការរវាងបងប្អូនពលករ និងសហគមន៍ខ្មែរ និងក្រុមការងារ នៃក្រសួងការងារ និងបណ្តុះបណ្តាលវិជ្ជាជីវៈ ស្ថានឯកអគ្គរាជទូតកម្ពុជាប្រចាំនៅសាធារណរដ្ឋកូរ៉េ និងក្រុមការងារយុវជននៅទ្វីបអាស៊ីខាងកើត និងអាគ្នេយ៍ ( ESEA) ដែលមានទាំងពិធីសាសនា ការលេងល្បែងប្រជាប្រិយ ការរាំកម្សាន្ត និងការជួបជុំពិសារអាហារដែលជាពេលវេលាដ៏សំខាន់សម្រាប់បងប្អូនខ្មែរនៅក្រៅប្រទេសក្នុងការរួបរួមសាមគ្គីភាព បន្តរក្សាប្រពៃណីទំនៀមទម្លាប់ និងបង្ហាញអត្តសញ្ញាណជាតិខ្មែរឱ្យកាន់តែរឹងមាំនៅលើឆាកអន្តរជាតិដែលជាការពូនជ្រំសាមគ្គីភាពរបស់បងប្អូនជនរួមជាតិខ្មែរតែមួយដែលកំពុងរស់នៅឯបរទេស៕