ព័ត៌មានជាតិ

លោកហុក គឹម ចេង បញ្ជាក់លំអិត ករណីស្លាប់៤នាក់ ដោយសារជំងឺកូវីដ១៩

បានផុស

៤ years មុន

នៅ

ថ្ងៃព្រហស្បតិ៍ ៦ ឧសភា ២០២១

ដោយ

ភ្នំពេញ ៖ លោក វេជ្ជបណ្ឌិត ហុក គឹម ចេង អគ្គនាយក បច្ចេកទេស សុខាភិបាល មានប្រសាសន៍ នៅ ល្ងាចថ្ងៃទី ៦ ឧសភា នេះ ថា អ្នកជំងឺ ៤ នាក់ ដែល បាន ស្លាប់ បាត់ បង់ជីវិត ដោយសារ ជំងឺ កូវីដ១៩ប្រុស២នាក់ស្រី២នាក់ ជាជនជាតិ ខ្មែរ ទាំងអស់ដែលមានវ័យ ចាប់ពី ៥៧ឆ្នាំរហូតដល់៦៨ឆ្នាំ។

លោកបានបន្តថា អ្នកស្លាប់ ទាំង ៤ នាក់ នោះ ទី ១.ជា ស្ត្រីជនជាតិខ្មែរមានអាយុ៥៧ឆ្មាំរស់នៅខេត្តតាកែវទី២.ជាស្ត្រីជនជាតិខ្មែរអាយុ៥៨ឆ្នាំនៅខេត្តកំពង់ឆ្នាំងទី៣បុរស ជនជាតិ ខ្មែរ អាយុ ៦៥ ឆ្នាំ ,និងទី៤ជាបុរសជន ជាតិខ្មែរ អាយុ ៦៨ ឆ្នាំ ដែល អ្នក ទាំង ២រស់នៅ រាជធានី ភ្នំពេញ។

លោកបានបន្តថា បុរសវ័យ៦៥ឆ្នាំ បុរសវ័យ៦៨ឆ្នាំនិងស្ត្រីវ័យ៥៧ឆ្នាំ មាន រោគ វិនិច្ឆ័យ រលាក សួត ធ្ងន់ធ្ងរ ដូច គ្នាៗ។

លោកបានបន្តទៀតថា ដោយឡែកស្ត្រីនៅខេត្តកំពង់ឆ្នាំងមានអាយុ៥៨ឆ្នាំ មានបញ្ហារលាកសួតធ្ងន់ធ្ងរ ហើយមានជំងឺរួមផ្សំផ្សេងទៀតគឺជំងឺខ្សោយតម្រង់នោមផងដែរ។

គួរបញ្ជាក់ថា គិតត្រឹម ថ្ងៃទី ៦ខែ ឧសភា ឆ្នាំ ២០២១ នេះ កម្ពុជាមាន អ្នកស្លាប់ ដោយសារ ជំងឺ កូ វីដ ១៩ ចំនួន ១១៤នាក់ ក្នុងចំណោមអ្នកឆ្លងកូវីដ១៩ សរុប១៧៦២១នាក់ អ្នកជាសះស្បើយចំនួន៦៨៤៣នាក់៕

ដោយ ៖ សំអឿន

Related Topics:កូវីដ-១៩