ព័ត៌មានជាតិ
ខេត្តបន្ទាយមានជ័យសម្រេចបិទផ្សារម៉ាឡៃជាបណ្តោះអាសន្ន រយៈពេល២សប្តាហ៍
រដ្ឋបាលខេត្តបន្ទាយមានជ័យបានសម្រេចបិទផ្សារម៉ាឡៃ ស្ថិតនៅក្នុងភូមិវាលហាត់ ឃុំម៉ាឡៃស្រុកម៉ាឡៃ ខេត្តបន្ទាយមានជ័យ ដោយសារមានការពាក់ព័ន្ធនឹងការឆ្លងរាលដាលជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈ។
លោក អ៊ុំ រាត្រី អភិបាលខេត្តបន្ទាយមានជ័យបានឲ្យដឹងនៅក្នុងសេចក្តីជូនដំណឹងថា «ត្រូវបានបិទផ្សារម៉ាឡៃស្ថិតនៅក្នុងភូមិវាលហាត់ ឃុំម៉ាឡៃ ស្រុកម៉ាឡៃ ដែលជាទីតាំងមានការពាក់ព័ន្ធនឹងការឆ្លងរាលដាលនៃជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈជាបណ្ដោះអាសន្នរយៈពេល២សប្តាហ៍ គិតចាប់ពីថ្ងៃទី៧ រហូតដល់ថ្ងៃទី១៩ ខែឧសភា ឆ្នាំ២០២១ក្នុងគោលបំណងធានាដល់ប្រសិទ្ធភាពនៃការគ្រប់គ្រងការឆ្លងរាលដាលនៃជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈនៅក្នុងភូមិសាស្ត្រដែលត្រូវបិទនិងទប់ស្កាត់ជំងឺនេះមិនឲ្យឆ្លងរាលដាលទៅកាន់តំបន់ផ្សេងរហូតមានការចេញសេចក្តីសម្រេចជាថ្មី»។
លោកអភិបាលខេត្តបានបន្តថា រដ្ឋបាលខេត្តបានប្រគល់ភារកិច្ចជូនរដ្ឋបាលស្រុកម៉ាឡៃ ដើម្បីបង្កើតក្រុមការងារប្រចាំការក្នុងភូមិសាស្ត្របិទផ្សារសម្រាប់ទទួលបន្ទុកអនុវត្ត និងសម្របសម្រួលលើការងារចាំបាច់មួយចំនួនរួមមាន ការងារផ្នែកសន្តិសុខ និងសណ្ដាប់ធ្នាប់ការងារត្រួតពិនិត្យ និងការគ្រប់គ្រងទីកន្លែងលក់ម្ហូបអាហារ ហាងទំនិញនិងការផ្គត់ផ្គង់ទំនិញការងារទាក់ទងនឹងអនុវត្តវិធានការសុខាភិបាលមានដូចជា ការយកសំណាកការធ្វើចត្តាឡីស័ក ការព្យាបាលជំងឺកូវីដ១៩ និងការចាក់វ៉ាក់សាំងកូវីដ១៩។
ចាប់តាំងពីមានការផ្ទុះរាតត្បាតជំងឺកូវីដ១៩មកថ្មីៗនេះ រដ្ឋបាលខេត្តបន្ទាយមានជ័យបានកំណត់ភូមិសាស្ត្រមួយចំនួនក្នុងភូមិសាមគ្គីមានជ័យ ភូមិបាលិលេយ្យ១ និងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ រួចហើយជាតំបន់ក្រហម ។
ជាមួយគ្នានេះដែរបានបិទខ្ទប់ការធ្វើដំណើរចេញចូលជាបណ្ដោះអាសន្នលើទីតាំងក្នុងភូមិសាស្ត្រភូមិប្រជាធម្មលិច និងភូមិប្រជាធម្មកើតនៃសង្កាត់ផ្សារកណ្ដាលក្រុងប៉ោយប៉ែតនិងបិទកាស៊ីណូទាំងអស់ផងដែរដើម្បីទប់ស្កាត់កុំឲ្យឆ្លងរីករាលជំងឺនេះទៅតំបន់ផ្សេងៗទៀត។
គួរបញ្ជាក់ថា គិតត្រឹមថ្ងៃទី៤ ខែឧសភា ខេត្តបន្ទាយមានជ័យមានអ្នកឆ្លងកូវីដ១៩ចំនួន៦១៨នាក់ជាសះស្បើយចំនួន៦៨នាក់ និងកំពុងសម្រាកពេទ្យ៥៤៨នាក់៕
អត្ថបទ ៖ សំអឿន
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២៣ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ