ព័ត៌មានជាតិ

កម្ពុជាចាក់វ៉ាក់សាំងជូនប្រជា ជនបានជិត២លាននាក់

បានផុស

៥ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

គិតត្រឹមថ្ងៃទី១២ ខែឧសភា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារជំងឺកូវីដ១៩ជូនមន្ត្រីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបជិត២លាននាក់ (១,៩៣៩,៧៧៣)។នេះបើយោងតាមរបាយការណ៍របស់ក្រសួងការពារជាតិ និងក្រសួងសុខាភិបាលចេញផ្សាយនៅថ្ងៃទី១៣ ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដដែលបញ្ជាក់ថាការចាក់លើកទី១មានចំនួនសរុប ១,៩៣៩,៧៧៣នាក់ ខណៈចាក់លើកទី២សរុបចំចំនួ ១,១២៩,៥៦៤នាក់។ ក្នុងនោះការចាក់វ៉ាក់សាំងនៅតំបន់ក្រហមសរុបចំនួន៥៥៥,៩០៨នាក់។

គិតត្រឹមថ្ងៃទី១៣ ខែឧសភា ឆ្នាំ២០២១នេះ កម្ពុជាទទួលបានវ៉ាក់សាំងការពារជំងឺកូវីដ១៩ ដែលជាការបញ្ជាទិញ និងជំនួយសរុបជាង ៤ លានដូស (៤ ៥២៤ ០០០)។

វ៉ាក់សាំងទាំងនោះ រួមមានវ៉ាក់សាំងស៊ីណូហ្វាម (Sinonpharm) ដែលជាជំនួយរបស់រដ្ឋាភិបាលចិនចំនួន ១.៧ លានដូស វ៉ាក់សាំងស៊ីណូវ៉ាក់ (Sinovac) ដែលជាការបញ្ជាទិញពីប្រទេសចិនចំនួន ២.៥ លានដូស និងវ៉ាក់សាំងអាស្ត្រាហ្សេនីកា (AstraZeneca ) ៣២៤,០០០ដូស ជាជំនួយរបស់ខូវ៉ាក់ តាមរយៈអង្គការសុខភាពពិភព លោក(WHO)។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា រាជរដ្ឋាភិបាល នឹងស្វះស្វែងរកវ៉ាក់សាំង កូវីដ១៩ជាបន្តបន្ទាប់ទៀត ក្នុងការចាក់ជូនប្រជាពលរដ្ឋឱ្យបានជាង ១០លាននាក់ ដើម្បីបង្កើតភាពសាំ និងដើម្បីទប់ស្កាត់ការចម្លងរាលដាលដល់ប្រជាពលរដ្ឋទូទាំងប្រទេស។

លោកស្រី យក់ សម្បត្តិ រដ្ឋលេខាធិការក្រសួងសុខាភិបាលធ្លាប់បញ្ជាក់ថា ជាផែនការលទ្ធកម្មទិញវ៉ាក់សាំង បានកើនឡើងដល់ ២៦ លានដូស សម្រាប់ចាក់ជូនប្រជាពលរដ្ឋកម្ពុជាចំនួន ១៣ លាននាក់៕ អត្ថបទ៖ ឡេង ដេត

Related Topics: