ព័ត៌មានជាតិ

ចុះបេះត្រកួនក្នុងប្រឡាយទឹកជ្រៅ បណ្ដាលឲ្យក្មេងស្រីអាយុ១២ឆ្នាំម្នាក់លង់ទឹកស្លាប់

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

ក្មេងស្រីជំទង់ម្នាក់ចុះបេះត្រកួនឈ្លក់ទឹកក្នុងប្រឡាយយកមកទុកស្លហូប បណ្តាលឲ្យលង់ទឹកស្លាប់យ៉ាងអាណោចអាធ័ម ត្រូវបានប្រជាពលរដ្ឋប្រទះឃើញនៅវេលាម៉ោង១រសៀល ថ្ងៃទី១៨ ខែឧសភា ឆ្នាំ២០២១ នៅចំណុចខាងជើងភូមិចម្ងាយប្រហែល១០០ម៉ែត្រ ភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ។

សមត្ថកិច្ចបានប្រាប់ឲ្យដឹងថា ក្មេងស្រីរងគ្រោះមានឈ្មោះ ខាន ស្រីអ៊ីន ភេទស្រី អាយុ១២ឆ្នាំ រស់នៅភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានប្រាប់បញ្ជាក់ឲ្យដឹងបន្តទៀតថា នៅម៉ោងជិត១រសៀលក្មេងស្រីរងគ្រោះបានចេញពីផ្ទះទៅបេះត្រកួនឈ្លក់ទឹកក្នុងប្រឡាយយកមកស្ល ពេលកំពុងតែបេះនោះ ប្រហែលក្មេងស្រីធ្លាក់ទៅកន្លែងទឹកជ្រៅ ដោយសារមិនចេះហែលទឹក ទើបបណ្ដាលឲ្យលង់ទឹកស្លាប់។

ក្រោយពីកើតហេតុហើយប្រជាពលរដ្ឋប្រទះឃើញសពក្នុងប្រឡាយក៏ស្រង់មកដាក់លើគោកដោយសារតែសពមានសភាពនៅទន់ ក្រុមគ្រួសារដឹកបញ្ជូនមកមន្ទីរពេទ្យបង្អែកស្រុកថ្មពួក ដើម្បីឲ្យក្រុមគ្រូពេទ្យជួយសង្រោះ តែក្មេងស្រីនោះត្រូវបានស្លាប់បាត់ទៅហើយ។សពត្រូវបានក្រុមគ្រួសារយកមកផ្ទះចាត់ចែងធ្វើបុណ្យតាមប្រពៃណី៕

អត្ថបទ ៖ វ៉ាន់ ណាង

Related Topics:លង់ទឹក