Connect with us

ព័ត៌មានជាតិ

រយៈពេល៥ខែ កម្ពុជានាំចេញកសិផលសំខាន់ៗទៅក្រៅប្រទេសជាង៤លានតោនកើនឡើងជិត៩០%

បានផុស

នៅ

យោងតាមប្រព័ន្ធទិន្នន័យគ្រឹះភូតគាមអនាម័យជាតិ នៃអគ្គនាយកដ្ឋានកសិកម្ម បានឱ្យដឹងថា នៅក្នុងរយៈពេល៥ខែ ដើមឆ្នាំ២០២១នេះ ការនាំចេញកសិផលទៅក្រៅប្រទេស មានបរិមាណសរុបជាង ៤,១លានតោន ទៅកាន់ទិសដៅ ៥៧ ប្រទេស មានការកើនឡើងចំនួនជិត២លាន តោន ស្មើនឹង ៨៩,៣២% បើធៀបនឹងរយៈពេលដូចគ្នាក្នុងឆ្នាំ២០២០ ដែលទទួលបានត្រឹមតែ ២ ២១១ ៧០៩,៨៧ តោនប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍ កសិផលសំខាន់ៗដែលបាននាំចេញរួមមាន អង្ករនាំចេញមានចំនួន ២៣៣ ០៣១តោន មានការថយចុះចំនួន ១២៣ ០៦៦ តោន (-៣៤,៥៦%) បើធៀបនឹងបរិមាណនាំចេញក្នុងរយៈពេល៥ខែឆ្នាំ២០២០ ដែលមានចំនួន ៣៥៦ ០៩៧ តោន។ ការនាំចេញស្រូវមានចំនួន ១ ៦១៤ ២១១តោនកើនឡើងចំនួន ៧៤៨ ១២៩តោន(៨២%) បើធៀបនឹងរយៈពេលដូចគ្នានៅឆ្នាំ២០២០ ដែលមានចំនួន ៨៨៥ ១៨៦ តោន។

ចំណិតដំឡូងមីក្រៀមមានចំនួន ១ ២១១ ៣៥៣,១២ តោន  កើនឡើងចំនួន ២១,៥៨% ។ ដំឡូងមីស្រស់ មានចំនួន ៣៣៩ ០០០ តោន ថយចុះចំនួន -៥,២០% ។ ម៉្សៅដំឡូងមីមានចំនួន ១៣ ៤៥៤,៦៤ តោន កើនឡើងចំនួន ៣០,៩៧%។

កាកសំណល់ដំឡូងមីមានចំនួន ៣ ៧០៨,០០ តោនថយចុះចំនួន -៣៣,២៩% ។ គ្រាប់ស្វាយចន្ទី មានចំនួន ៨០១ ៧៣២,២៦ តោន កើនឡើងចំនួន ៣២១,៦៥%។ គ្រាប់ពោត មានចំនួន ១៣៦ ៨៧៩,១៣ តោន កើនឡើងចំនួន ២៨៤,១០%។   គ្រាប់សណ្តែកបាយ មានចំនួន ១៦ ៥៨០ តោន កើនឡើងចំនួន ៥១១,៨៦%នាំ។ គ្រាប់សណ្តែកសៀង មានចំនួន ១៦ ៧០០,០៤ តោន កើនឡើងចំនួន ១០០%។  

ផ្លែចេកស្រស់មានចំនួន ២០៥ ០២៤,៤៧ តោន កើនឡើងចំនួន ៦៨,៨៦%។  ផ្លែស្វាយស្រស់មានចំនួន ១៥៦ ៧២៤,៥២ តោន កើនឡើងចំនួន ២៥៥,៣៩%នាំ។  ដំណាប់ស្វាយមានចំនួន ១១ ០៤៨,៩៤ តោន កើនឡើងចំនួន ១៩៨,៤២%។  ទឹកស៊ីរ៉ូស្វាយមានចំនួន ២ ៨៦៩,៧៣ តោន កើនឡើងចំនួន ៣០,៩៥%។

ដូងប្រេងមានចំនួន ២១ ៨១៦,៦៩ តោន កើនឡើងចំនួន ៤១,៧៦% ។  ម្រេចមានចំនួន ៧ ៤៦១,២១តោន កើនឡើងចំនួន ១៩៥,២០% ។ ថ្នាំជក់មានចំនួន ៨៧៩,៨៥ តោន ថយចុះចំនួន -៦៨,១៣%។  ម្ទេសស្រស់មានចំនួន ៥៦ ៥០៧,១២ តោន កើនឡើងចំនួន ៩៤,៨៦%។

ជាការសន្និដ្ឋាន ការនាំចេញកសិផលសរុបក្នុងរយៈពេល៥ខែដើមឆ្នាំ២០២១ មានកំណើនចំនួន ៨៩,៣២% ក្នុងនោះកសិផល ក្រៅពីអង្ករមានការកើនឡើងចំនួន ១១៣,១០% រីឯការនាំចេញអង្ករមានការថយចុះចំនួន -៣៤,៥៦% ដោយសារតម្លៃដឹកជញ្ជូនមានការកើនឡើងខ្ពស់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

ឧកញ៉ា ឡេង ប្រុស ឧបត្ថម្ភ​ថវិកា ១០​លាន​រៀល​ភ្លាម​ដល់​កីឡាករ ឡុង ជិន សង់ផ្ទះ​ក្រោយ​ខ្យល់​ខ្លាំង​បាក់​រំលំ​ខ្ទិច​អស់

ព័ត៌មានជាតិ៨ ម៉ោង មុន

គណបក្ស​ប្រជាជន​កម្ពុជា​ទីក្រុង​មែ​ល​ប៊​ន អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស

ព័ត៌មានជាតិ៩ ម៉ោង មុន

ខួប​លើក​ទី​៥៥ នៃ​ទំនាក់ទំនង​ការទូត​រវាង​កម្ពុជា​-​វៀតណាម

ព័ត៌មានជាតិ៩ ម៉ោង មុន

លោក ញឹក ប៊ុនឆៃ៖ អ្នក​សង្កេតការណ៍ជាតិ អន្តរជាតិ មិនបាន​​រៀបចំឱ្យនិយាយ​ល្អ​ពី​កម្ពុជាទេ

សន្តិសុខសង្គម១០ ម៉ោង មុន

សមត្ថកិច្ច​ដកហូតកាំភ្លើង​ពិត​ និងកែច្នៃ​ជាង ៤០ ដើម​ក្រោយករណីផ្ទុះអាវុធ​បណ្ដាល​ឱ្យអធិការ​រង​នគរ​បាលក្រុងព្រះសីហនុ​រងរបួស​

Sokha Hotels

ព័ត៌មានពេញនិយម