ព័ត៌មានជាតិ

ក្មេងស្ទាវ២ក្រុម ណាត់គ្នាសងសឹក ឃាត់ខ្លួន៦នាក់ រងរបួសធ្ងន់ម្នាក់

បានផុស

៦ years មុន

នៅ

ថ្ងៃចន្ទ ១៦ វិច្ឆិកា ២០២០

ដោយ

បន្ទាយមានជ័យ ៖ ក្មេងស្ទាវ២ក្រុមមានគំនុំកន្លងមកទប់ចិត្តមិនបានកែនគ្នាលើកទៅសងសឹក៦នាក់ប្រហែកដេកគុកចំណែក២នាក់ទៀតរងរបួសធ្ងន់ដោយសារតែបើកឆាកប្រយុទ្ធគ្នានៅវេលាម៉ោង៥ល្ងាច ថ្ងៃទី១៥ ខែ វិច្ឆិកា ឆ្នាំ ២០២០ នៅចំណុចតារាងបាល់ទាត់ ស្ថិតក្នុងភូមិភ្នំបាក់ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ត្រីយ៉ាន់ សុវណ្ណ មេបញ្ជាការកងរាជអាវុធហត្ថក្រុងសិរីសោភ័ណបានប្រាប់អ្នកយកព័ត៌មានឲ្យដឹងថា យោងតាមពាក្យបណ្ដឹងរបស់ជនរងគ្រោះ១ឈ្មោះ ទូច សាមឿន ភេទស្រី អាយុ៣៨ឆ្នាំ ២ឈ្មោះ ធៀង ថា នុណ ភេទប្រុស អាយុ១៩ឆ្នាំ ៣ឈ្មោះ គឹម យ៉ានុត ភេទប្រុស អាយុ១៦ឆ្នាំ អ្នកទាំង៣ រស់នៅភូមិអូរអំបិល សង្កាត់ អូរអំបិល ក្រុងសិរីសោភ័ណ ខេត្តបន្ទាយមានជ័យ បានប្តឹងជនសង្ស័យ៦នាក់បង្កហិង្សាបានយកដំថ្មធំគប់មកលើពួកខ្លួនបណ្តាយឲ្យរបួសធ្ងន់។

ក្រោយពីទទួលបានព័ត៌មានហើយ លោកបានដឹកនាំកម្លាំងអាវុធហត្ថក្រុង១ក្រុមចុះស្រាវជ្រាវឃាត់ខ្លួនបានជនសង្ស័យ៦នាក់១ឈ្មោះ ឈន ឆានុន ភេទប្រុស ២ឈ្មោះ សាមុនី សុធេប ភេទប្រុស ៣ឈ្មោះ មាស វាសនា ភេទប្រុស ៤ឈ្មោះ ឈួយ ខាន់ឈីត ភេទប្រុស ៥ឈ្មោះ ផាត សុភ័ក្ដ្រភេទប្រុស ៦ឈ្មោះ ងួន ចាន់រះ ភេទប្រុស ហើយនាំមកមកអាវុធកាត់ក្រុងដើម្បីធ្វើការសាកសួរបន្ត។

លោក យ៉ាន់ សុវណ្ណបានបញ្ជាក់ឲ្យដឹងបន្តទៀតថា ក្រោយពីសាកសួរចម្លើយជនសង្ស័យទាំង៦នាក់បានឆ្លើយសារភាពថា ពួកគេទាំង៦នាក់ពិតជាបានធ្វើសកម្មភាពយកដុំថ្មគប់ទៅលើជនរងគ្រោះបណ្តាលឲ្យរបួសធ្ងន់២នាក់ពិតប្រាកដដោយសារមានគំនុំកន្លងមកមិនអាចទប់ចិត្តបាន។

ជនសង្ស័យទាំង៦នាក់ ត្រូវបានកម្លាំងជំនាញព្រហ្មទណ្ឌអាវុធហត្ថ ក្រុង កសាងសំណុំរឿងបញ្ជូនមកបញ្ជាការដ្ឋានអាវុធហត្ថខេត្ត ចាត់ការបន្តហើយកម្លាំងការិយាល័យព្រហ្មទណ្ឌអាវុធហត្ថខេត្ត បញ្ជូនទៅសាលាដំបូងខេត្តចាត់ការតាមនីតិវិធីច្បាប់ហើយ៕
ដោយ ៖ វ៉ាន់ ណាង