ព័ត៌មានជាតិ

ក្រសួងប្រៃសណីយ៍ប្រកាសដាក់ឱ្យដំណើរការសាកល្បងកម្មវិធីបម្លែងសំឡេងទៅជាអត្ថបទ

បានផុស

៥ years មុន

នៅ

ថ្ងៃសៅរ៍ ១២ មិថុនា ២០២១

ដោយ

ក្រសួងប្រៃសណីយ៍និងទូរគមនាគមន៍បានប្រកាសដាក់ឱ្យដំណើរការសាកល្បងកម្មវិធីបម្លែងសំឡេងទៅជាអត្ថបទដើម្បីជាជំនួយក្នុងការការសរសេរអត្ថបទឱ្យកាន់តែឆាប់រហ័សនិងងាយស្រួល។

យោងតាមសេចក្តីជូនដំណឹងរបស់ក្រសួងចុះថ្ងៃទី១១ ខែមិថុនា បានឱ្យដឹងថា តាមរយៈការស្រាវជ្រាវនិងអភិវឌ្ឍន៍លើបច្ចេកវិទ្យាភាសាបណ្ឌិតសភាបច្ចេកវិទ្យាឌីជីថល កម្ពុជាបានបង្កើតកម្មវិធីបម្លែងសំឡេងទៅជាអត្ថបទដោយប្រើប្រាស់បច្ចេកវិទ្យាបញ្ញាសិប្បនិម្មិតដែលកម្មវិធីនេះអាចប្រើប្រាស់ក្នុងទូរស័ព្ទដៃតាមប្រព័ន្ធប្រតិបត្តិការ android និង iosក្នុងការបម្លែងសំឡេងនិយាយដោយផ្ទាល់ជាភាសាខ្មែរ ឬពីឯកសារសំឡេងក្នុងទម្រង់ជាwav, mp3 ,m4a និងoggទៅជាអត្ថបទភាសាខ្មែរដោយស្វ័យប្រវត្តិ ដើម្បីជាជំនួយដល់ការសរសេរអត្ថបទឲ្យកាន់តែឆាប់រហ័ស និងងាយស្រួល។ នៅដំណាក់កាលនេះ ការបម្លែងត្រឹមត្រូវមានប្រមាណ៩០ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសូមណែនាំក៏ដូចជាលើកទឹកចិត្តឱ្យថ្នាក់ដឹកនាំ មន្ត្រីរាជការបុគ្គលិកសិក្សា និស្សិត និងប្រជាពលរដ្ឋទាំងអស់ដំឡើងកម្មវិធីបម្លែងសំឡេងទៅជាអត្ថបទដើម្បីជាជំនួយដល់កិច្ចការសរសេរប្រចាំថ្ងៃដោយស្កែន QR code ខាងក្រោម។

ដើម្បីធ្វើឱ្យកម្មវិធីនេះកាន់តែប្រសើរ ហើយក្រសួងរីករាយនឹងទទួលនូវមតិយោបល់ពីសាធារណជនដោយចុចលើពាក្យមតិប្រឡប់នៅក្នុងកម្មវិធី៕

អត្ថបទ ៖ សំអឿន