ព័ត៌មានជាតិ
អគ្គរាជទូតកម្ពុជានៅកូរ៉េ ធ្វើម្ហូបពេញនិយម ៣ មុខក្នុងកម្មវិធីល្បីរបស់កូរ៉េ
កូរ៉េខាងត្បូង៖ ស្ថានទូតកម្ពុជាប្រចាំសាធារណរដ្ឋកូរ៉េ ដែលមាន លោកឡុង ឌីម៉ង់ ជាអគ្គរាជទូត និងភរិយា
សហការជាមួយ ASEAN Culture House នៅទីក្រុងប៊ូសាន កាលពីថ្ងៃទី១២ ខែមិថុនា ឆ្នាំ២០២១នេះ បានរៀបចំកម្មវិធី Cooking class show ដោយប្តីប្រពន្ធទូតកម្ពុជាពីររូបនេះ បានផ្តល់កិត្តិយសផ្ទាល់ចូលរួមបង្ហាញពីវិធីសាស្រ្តធ្វើម្ហូបខ្មែរចំនួន៣មុខ បង្ហាញ និងផ្សព្វផ្សាយទូលំទូលាយវប្បធម៌ម្ហូបខ្មែរទៅកាន់សាធារណជនកូរ៉េ។
តាមការចែករំលែកក្នុងទំព័រហ្វេសប៊ុករបស់លោក ឡុង ឌីម៉ង ក្នុងទឹកមុខញញឹមរីករាយ លោកទូត និងភរិយា បានលើកយកមុខម្ហូបសាមញ្ញ និងពេញនិយមខ្មែរ៣មុខ ដើម្បីមកបង្ហាញ និងធ្វើផ្ទាល់ជូនដល់សាធារណជនកូរ៉េ បានឃើញ រួមមាន ឆាសាច់គោឡុកឡាក់ ឆាត្រកួនសាច់ជ្រូកចិញ្ច្រាំជាមួយសៀង និងបាយឆាសាច់គោ ដែលម្ហូបទាំងបីនេះគឺស្រដៀងនឹងម្ហូបរបស់កូរ៉េ ហើយដែលជាទីពេញនិយមរបស់សាធារណៈជនកូរ៉េ។
ក្នុងឱកាសនោះ អ្នកចូលរួមកូរ៉េគ្រប់ៗគ្នាសុទ្ធតែបានចាប់អារម្មណ៍ និងបានមកពិនិត្យមើលលោកស្រីភរិយាទូតកម្ពុជា ធ្វើម្ហូបទាំងនោះដោយយកចិត្តទុកដាក់ និងប្រកបដោយស្នាមញញឹមស្រស់ស្រាយទាំងអស់គ្នា។
ក្រោយពីធ្វើម្ហូបបង្ហាញរួចមក អ្នកចូលរួមទាំងអស់ក៏បានសាកល្បងធ្វើម្ហូបទាំងនោះតាម ហើយលោកទូត និងភរិយា ក៏បានដើរមើលអ្នកចូលរួមទាំងអស់សាកល្បងធ្វើម្ហូបខ្មែរ និងបានជួយណែនាំពួកគាត់ ដោយទឹកមុខសប្បាយរីករាយ និងរំភើបក្នុងការពាំនាំនូវម្ហូបខ្មែរ អ្វីដែលជារបស់ខ្មែរមកបង្ហាញដល់ប្រជាជនកូរ៉េ។
តាមរយៈកម្មវិធី Cooking class នេះ មានការចូលរួមពីគ្រប់មជ្ឈដ្ឋានកូរ៉េប្រមាណជាង៣០នាក់ ហើយនឹងត្រូវយកទៅចាក់បង្ហាញតាមស្ថានីយទូរទស្សន៍កូរ៉េជាសាធារណៈទៀតផង ដែលប្រាកដជាសាធារណជនកូរ៉េឃើញហើយ អាចនឹងស្រក់ទឹកមាត់ ចង់ភ្លក្សរសជាតិម្ហូបខ្មែរទាំង៣មុខនេះ ក៏ដូចជាមុខម្ហូបខ្មែរដទៃទៀតជាច្រើនមុខទៀត៕
អត្ថបទ៖ ស្រីរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត