ព័ត៌មានជាតិ
បេសកកម្ម៣ថ្ងៃ២យប់ ដើម្បីលើកកម្ពស់កិត្យានុភាពជាតិ និងជំរុញទំនាក់ទំនងការទូតកម្ពុជាកូរ៉េ
លោក ឡុង ឌីម៉ង់ ឯកអគ្គរាជទូត នៃព្រះរាជាណាចក្រកម្ពុជា ប្រចាំនៅសាធារណរដ្ឋកូរ៉េ បានឱ្យដឹងថា លោកបានបំពេញបេសកកម្មរយៈពេល៣ថ្ងៃ២យប់ នៅលើទឹកដីនៃទីក្រុងប៊ូសាន ក្នុងគោលបំណងដើម្បីលើកកម្ពស់កិត្យានុភាពជាតិ ក៏ដូចជាធ្វើឱ្យទំនាក់ទំនងការទូតរវាងប្រទេសកម្ពុជា និងកូរ៉េ កាន់តែប្រសើរឡើងថែមទៀត។
បើតាមលោក ឡុង ឌីម៉ង់ នៅក្នុងបេសកកម្មនោះ លោកបានពិគ្រោះប្រឹក្សាយោបល់ជាមួយភាគីពាក់ព័ន្ធ ដើម្បីលើកទឹកចិត្តកុំឲ្យពលកររស់នៅធ្វើការដោយខុសច្បាប់ផង និងជួបសំណេះសំណាលជាមួយនិស្សិតខ្មែរ ដែលកំពុងស្នាក់នៅរៀនសូត្រក្នុងតំបន់ប៊ូសានផង ដើម្បីស្វែងយល់ពីស្ថានភាពរស់នៅពួកគេ ព្រមទាំងប្រឹក្សាយោបល់ ក្នុងការរៀបចំគណៈកម្មការសមាគមនិស្សិត អាណត្តិទី៧ផង។
ជាមួយគ្នានោះ លោកក៏ឆ្លៀតលំហែកម្សាន្តជាលក្ខណៈគ្រួសារជាមួយក្រុមការងារស្ថានទូតផងដែរ។ លោកថា បេសកកម្មចុងសប្តាហ៍ហត់បន្តិចមែន តែសប្បាយ។
លោកឯកអគ្គរាជទូតកម្ពុជាប្រចាំនៅសាធារណរដ្ឋកូរ៉េបញ្ជាក់ប្រាប់ “កម្ពុជាថ្មី” ថា បច្ចុប្បន្ននៅប្រទេសកូរ៉េខាងត្បូង មាននិស្សិតខ្មែរប្រមាណ៤០០នាក់កំពុងស្នាក់នៅសិក្សានៅទីនោះ ហើយពួកគេកំពុងសិក្សាលើមុខវិជ្ជាមួយចំនួនដូចជា បច្ចេកវិទ្យា ព័ត៌មានវិទ្យា វិស្វករមេកានិក វិស្វករសំណង់ស៊ីវិល សុខាភិបាល កសិកម្ម អភិវឌ្ឍន៍ជនបទ សង្គមវិទ្យា ច្បាប់ និងពាណិជ្ជកម្ម ជាដើម៕
អត្ថបទ៖ កោះកែវ
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ