ព័ត៌មានជាតិ

អគ្គិសនីកម្ពុជាកំពុងសាងសង់អនុស្ថានីយវាលរេញអានុភាព ៧៥ មេហ្គាវ៉ាត់ ផ្គត់ផ្គង់តំបន់សេដ្ឋកិច្ចពិសេសស្រុកព្រៃនប់

បានផុស

៧ ខែ មុន

នៅ

ថ្ងៃព្រហស្បតិ៍ ២៥ ធ្នូ ២០២៥

ដោយ

អគ្គិសនីកម្ពុជាកំពុងសាងសង់អនុស្ថានីយវាលរេញដែលមានអនុភាព ៧៥ មេហ្គាវ៉ាត់ ដើម្បីបំពេញតម្រូវការប្រើប្រាស់ និងបម្រើការផ្គត់ផ្គង់ដល់តំបន់ឧស្សាហកម្ម។ នេះបើតាមលោក ឡុង ឌីម៉ង់ មន្រ្តីអ្នកនាំពាក្យរដ្ឋបាលខេត្តព្រះសីហនុនៅក្នុងវេទិកាបង្ហាញពីវឌ្ឍនភាពការអភិវឌ្ឍក្នុងខេត្តក្នុងឆមាសទី ១ ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡុង ឌីម៉ង់ បានឲ្យដឹងថា អនុស្ថានីយវាលរេញដែលមានអានុភាព ៧៥ មេហ្គាវ៉ាត់ កំពុងដំណើរការសាងសង់សម្រាប់ផ្គត់ផ្គង់តំបន់សេដ្ឋកិច្ចពិសេសស្រុកព្រៃនប់។ ជាមួយគ្នានេះ អាជ្ញាធរក៏ត្រៀមសាងសង់អនុស្ថានីយអូរត្រជាក់ចិត្តដែលមានអានុភាព ១៥០ មេហ្គាវ៉ាត់ ដើម្បីបំពេញតម្រូវការប្រើប្រាស់បន្ថែមទៀត។

ខេត្តព្រះសីហនុមានរោងចក្រផលិតថាមពលអគ្គិសនីចំនួន ៣ កំពុងដំណើរការមានអនុភាពផលិតបានចំនួន ១ ៣៤០ មេហ្គាវ៉ាត់ បញ្ចូលចូលបណ្តាញជាតិ។ ថាមពលផ្គត់ផ្គង់ក្នុងខេត្តមាន ១២ ប្រភព ដែលមានអនុភាពផលិតចំនួន ៨៨៤ មេហ្កាវ៉ាត់ ស្របពេលដែលតម្រូវការប្រើប្រាស់ជាក់ស្តែងអស់តែ ៣៥៧ មេហ្គាវ៉ាត់។

លោក ឡុង ឌីម៉ង់ បានបញ្ជាក់ថា បច្ចុប្បន្នអគ្គិសនីត្រូវបានផ្គត់ផ្គង់គ្របដណ្ដប់ ១០០% ទួទាំងខេត្តលើភូមិសរុបចំនួន ១១១ ភូមិ៕