Connect with us

ព័ត៌មានជាតិ

កម្ពុជា​-ស៊ុយ​អែត ​ប្តេជ្ញា​រួមគ្នា​លើកកម្ពស់​សិទ្ធិ​ការងារ​ និង​ផលប្រយោជន៍​កម្មករនិយោជិត​ឱ្យ​កាន់​តែ​ប្រសើរ​

បានផុស

នៅ

​កម្ពុជា​និង​ស៊ុយ​អ៊ែត បាន​ប្តេជ្ញា​រួមគ្នា​ក្នុងការ​លើកកម្ពស់​សិទ្ធិ​ការងារ​ និង​ផល​ផលប្រយោជន៍​កម្មករ​និយោជិតឱ្យ​កាន់តែ​ប្រសើរ​ឡើង​ថែមទៀត​ តាមរយៈ​គំនិត​ផ្តួចផ្តើម​កិច្ចព្រមព្រៀង​សកល ។​

ការប្តេជ្ញា​នេះ​បាន​ធ្វើឡើង​ថ្ងៃទី​២២ ខែ​មិថុនា​ ឆ្នាំ​២០២១​ នៅ​ទីស្តីការក្រសួង ក្នុង​ជំនួប​ការគួរសម​និង​ជម្រាបលា​រវាង​លោកបណ្ឌិត អ៊ិត សំហេង រដ្ឋមន្ត្រីក្រសួង​ការងារ​និង​បណ្តុះបណ្តាល​វិជ្ជាជីវៈ​ ជា​មួយ លោក Björn Häggmarkឯកអគ្គរាជទូត​ស៊ុយ​អ៊ែត​ប្រចាំ​កម្ពុជា​ ដែល​ត្រូវផុត​អាណត្តិ​ការទូត​នាពេល​ខាងមុខនេះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រីបាន​មានប្រសាសន៍ថា ដើម្បី​សម្រេច​ឱ្យបាន​នូវ​គោលដៅ​ទាំងឡាយ​ដែល​បានចែង​ក្នុង​គំនិត​ផ្តួចផ្តើម​កិច្ច​ព្រមព្រៀង​សកល​នេះ កម្ពុជា​បានធ្វើ​វិសោធនកម្ម​ច្បាប់​ស្តីពី​ការងារដើម្បី​ឆ្លើយ​តប​ទៅនឹង​តម្រូវការ​នៃ​ការធានាបាន​នូវ​លក្ខខណ្ឌ​ការងារ​ល្អប្រសើរ និង​ភាព​សុខដុម​ក្នុង​ទំនាក់ទំនង​វិជ្ជាជីវៈ​។​

ពង្រឹង​ការអនុវត្ត​ច្បាប់​ស្តីពី​សហជីពដើម្បី​ធានាបាន​នូវ​សិទ្ធិសេរីភាព​អង្គការ​វិជ្ជាជីវៈ ដែល​តំណាងឱ្យ​សម្លេង និង​ឆន្ទៈ​ពិតប្រាកដ​របស់​កម្មក​រ​និយោជិត និង​និយោជកក្នុងការ​ការពារ​នូវ​សិទ្ធិ​និង​ផល​ប្រយោជន៍​ស្របច្បាប់​របស់​ពួកគេនិង​ជា​ដៃគូ​សន្ទនា​ដ៏​មាន​ប្រសិទ្ធភាព​ក្នុង​កិច្ចសន្ទនា​សង្គម​។​

ពង្រឹង​ការអនុវត្ត​ច្បាប់​ស្តីពី​ប្រាក់​ឈ្នួល​អប្បបរមាជា​ក្របខ័ណ្ឌគតិយុត្តិ​រឹងមាំ​ក្នុងការ​ការពារ​ប្រកប​ដោយ​និរន្តរភាព​នូវ​ប្រាក់​ឈ្នួល​របស់កម្មករ​និយោជិត និង​ធានា​នូវ​ការប្រើប្រាស់​យន្តការ​ចរចា​រ​ត្រីភាគី​តាមបែប​ប្រជាធិបតេយ្យ​ក្នុងការ​កំណត់ប្រាក់​ឈ្នួល​អប្បបរមា​របស់​កម្ម​ករ​និយោជិតដោយ​ឈរលើ​លក្ខណៈវិនិច្ឆ័យ​បែប​វិទ្យាសាស្ត្រ ដើម្បី​ភាព​រីកចម្រើន​ទាំងអស់គ្នា​។​

ពង្រឹង​យន្តការ​ដោះស្រាយ​វិវាទ​ការងារទាំង​នៅ​ដំណាក់កាល​ផ្សះផ្សារ​នៃ​ក្រសួង​ការងារ​និង​ក្រៅ​ប្រព័ន្ធតុលាការដោយ​ក្រុមប្រឹក្សា​អាជ្ញាកណ្តាល សំដៅ​ធានាបាន​នូវ​យុ​ត្តិធម៌កា​រងារកាត់បន្ថយ​បាន​នូវ​បញ្ហា​ប្រឈម​រវាង​និយោជក និង​កម្មករនិយោជិតក៏ដូចជា​បង្កើន​ភាពជឿ​ជាក់ លើ​ប្រព័ន្ធ​ដោះ​ស្រាយ​វិវាទ​រវាង​ភាគី​ពាក់ព័ន្ធដែល​កាន់តែ​ធ្វើឱ្យ​វប្ប​ធម៌​នៃ​កិច្ចសន្ទនា​សង្គម​មាន​ភាពរឹងមាំ​។​

លោក​រដ្ឋមន្ត្រី​បាន​បញ្ជាក់ថា ក្រោយពី​បានផ្តល់​ការគាំទ្រ​ចំពោះ​គំនិត​ផ្តួចផ្តើម​សាកល ជា​យន្តការ​ថ្នាក់ជាតិរាជរដ្ឋាភិបាល​បាន​បង្កើត​គណៈកម្មការ​អន្តរក្រសួង​សម្រាប់​គាំទ្រ​គំនិត​ផ្តួចផ្តើម​កិច្ច​ព្រម​ព្រៀង​សាកល ដែលមាន​ក្រសួង​ការងារ និង​បណ្តុះបណ្តាល​វិជ្ជាជីវៈ ជា​ប្រធាន​,ក្រសួងការបរទេស និង​សហប្រតិបត្តិការ​អន្តរជាតិ ជា​អនុប្រធាន​, ក្រសួង​សង្គមកិច្ចអតីតយុទ្ធជន និង​យុវនីតិសម្បទា និង​ក្រសួងផែនការ​ជា​សមាជិក​។​

លោករដ្ឋមន្ត្រីបាន​ស្នើសុំ​ប្រទេស​ស៊ុយ អ៊ែត ជួយ​គាំទ្រ​ដល់​វិស័យ​ការងារ​របស់​កម្ពុ​ជាប​ន្ត​ទៀត​ជាពិសេស​ការអភិវឌ្ឍ​ន៍​ធនធានមនុស្ស និង​ការកសាង​សមត្ថភាពដើម្បី​ឲ្យ​កម្ពុជា​មានលទ្ធភាព​អភិវឌ្ឍ​ប្រទេស​អោយ​កាន់តែ​រីកចម្រើន​៕​

អត្ថបទ ៖ សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៧ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៧ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៨ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម