ព័ត៌មានជាតិ
ព្រះសង្ឃចំនួន១៤អង្គនិងប្រជាពលរដ្ឋជីវភាពខ្វះខាតចំនួន០២គ្រួសារ ទទួលអំណោយលោកបណ្ឌិតហ៊ុន ម៉ាណែត និងលោកជំទាវពេជ ច័ន្ទមុន្នី
កំពង់ធំ ៖ ឧត្តមសេនីយ៍ទោ សោម ស៊ុន ប្រធានក្រុមការងាររបស់រាជរដ្ឋាភិបាល ចុះជួយមូលដ្ឋានឃុំបន្ទាយស្ទោង បាននាំយក អំណោយឯកឧត្តមបណ្ឌិតហ៊ុន ម៉ាណែត និងលោកជំទាវពេជ ច័ន្ទមុន្នី ប្រគេនព្រះសង្ឃចំនួន១៤អង្គ និងប្រជាពលរដ្ឋទីទាល់ក្រចំនួន០២ គ្រួសារ នៅវត្តចំបក់បញ្ញា ឃុំបន្ទាយស្ទោង ស្រុកស្ទោង ខេត្តកំពង់ធំ នៅថ្ងៃទី២២ ខែមិថុនា ឆ្នាំ២០២១។
មេបញ្ជាការតំបន់ប្រតិបត្តិការសឹករងកំពង់ធំ បានដឹកនាំសហការី រួមជាមួយអាជ្ញាធរដែនដី នាំយកនូវទេយ្យទាន និងស្បៀងអាហារ ថវិកា ទៅប្រគេនព្រះសង្ឃ ដែលកំពុងខ្វះខាតចង្ហាន់ប្រចាំថ្ងៃ និងប្រជាពលរដ្ឋ ដែលមានជីវភាពលំបាកខ្វះខាត ដោយសាររងផលប៉ះពាល់ពីការឆ្លងរីករាលដាលនៃជំងឺកូវីដ-១៩ និងបានពាំនាំនូវការផ្តាំផ្ញើសាកសួរសុខទុក្ខ ពីសំណាក់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន តែងតែមានការព្រួយបារម្ភអំពីសុខទុក្ខ និងជីវភាពរស់នៅរបស់ព្រះសង្ឃ និងប្រជាពលរដ្ឋនៅគ្រប់ទីកន្លែងក្នុងពេលដែលប្រទេសជាតិយើងកំពុងរងផលប៉ះពាល់ដោយសារជំងឺកូវីដ-១៩ នេះ។
ឧត្តមសេនីយ៍ទោ សោម ស៊ុន បានសំណូមពរដល់ព្រះសង្ឃ អាជ្ញាធរដែនដី និងប្រជាពលរដ្ឋទាំងអស់ត្រូវតែមានការប្រុងប្រយ័ត្នជានិច្ច ជៀសវាងការឆ្លងរីករាលដាលជំងឺកូវីដ-១៩ ចូលក្នុងក្រុមគ្រួសារ និងទីវត្តអារាម ដោយត្រូវអនុវត្តឲ្យបានត្រឹមត្រូវតាមវិធានការ ៣កុំ និង ៣ការពារ របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
សម្រាប់ ទេយ្យទាន មានអង្ករចំនួន ២៥០ គីឡូក្រាម , មី១៥កេស , ត្រីខកំប៉ុង ១០យួរ , ទឹកបរិសុទ្ធ០៥កេស , ម៉ាស់ពីរប្រអប់ , ជេល០២ដប និងបច្ច័យមួយចំនួនផងដែរ ដោយឡែកប្រជាពលរដ្ឋដែលមានជីវភាពលំបាកខ្វះខាតចំនួនពីរគ្រួសារ ដោយក្នុងមួយគ្រួសារទទួលបានអង្ករ ២៥គីឡូក្រាម , មីចំនួនមួយកេស , ទឹកត្រីចំនួនមួយយួរ , ត្រីខកំប៉ុងចំនួនមួយយួរ និងថវិកាក្នុងមួយគ្រួសារ ២០ម៉ឺនរៀល។
ព្រះសង្ឃ អាជ្ញាធរដែនដី និងប្រជាពលរដ្ឋដែលមានជីវភាពលំបាកខ្វះខាត មានចិត្តរំភើបរីករាយយ៉ាងក្រៃលែង ដោយបានទទួលជំនួយស្បៀងអាហារ និងថវិកាបានទាន់ពេលវេលា និងសូមគោរពជូនពរឯកឧត្តមបណ្ឌិតហ៊ុន ម៉ាណែត និងលោកជំទាវ ពេជ ច័ន្ទមុន្នី ព្រមទាំងក្រុមការងាររបស់រាជរដ្ឋាភិបាលចុះជួយមូលដ្ឋាន ឃុំបន្ទាយស្ទោង ស្រុកស្ទោង ខេត្តកំពង់ធំ សូមបានប្រកបដោយពុទ្ធពរទាំងប្រាំប្រការកុំបីឃ្លៀងឃ្លាតឡើយ៕
ដោយ ៖ ប៊ុន រដ្ឋា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន