ព័ត៌មានជាតិ
គ្រូពេទ្យកងទ័ព ទទួលបានការគាំទ្រពីសប្បុរស លើដំណើរការចាក់វ៉ាក់សាំងបង្ការកូវីដ នៅកោះកុង
សប្បុរសជន និងសហភាពសហព័ន្ធយុវជនកម្ពុជា បង្ហាញការជ្រោមជ្រែងតាមរយៈផ្តល់ជាស្បៀងអាហារ និងអាល់កុលលាងដៃជូនដល់ក្រុមគ្រូពេទ្យក្រសួងការពារជាតិ ដែលកំពុងបំពេញបេសកកម្មចាក់វ៉ាក់សាំងដល់ព្រះសង្ឃ ពលរដ្ឋ និងកម្មករបុគ្គលិកនៅក្នុងខេត្តកោះកុង។
តបនឹងផែនការដាក់ចេញដោយសម្តេចតេជោ ហ៊ុន សែន សម្រាប់មូលដ្ឋានខេត្តកោះកុង មានក្រុមគ្រូពេទ្យកងទ័ពជាង៥០០នាក់ កំពុងដុតដៃដុតជើងធ្វើយ៉ាងណាចាក់វ៉ាក់សាំងជូនអ្នកពាក់ព័ន្ធ ក្នុងខេត្តកោះកុងឲ្យបានគ្រប់ៗគ្នា។ ដំណើរការចាក់វ៉ាក់សាំងសម្រុកយ៉ាងឆាប់រហ័សនេះ ធ្វើឡើងក្នុងគោលបំណងដើម្បីកាត់ផ្តាច់អត្រាចម្លងជំងឺកូវីដជាអតិបរមាប្រកបដោយប្រសិទ្ធិភាពខ្ពស់បំផុតទៅតាមគោលការណ៍។
លោក ក្រូច បូរីសីហា ប្រធានក្រុមហ៊ុន ស្តារប៊ើត ឡូជីស្ទីក (Star bird Logistics Co.Ltd) និងជាប្រធានសហភាពសហព័ន្ធយុវជនកម្ពុជាស្រុកមណ្ឌលសីមា ផងនោះ នៅព្រឹកថ្ងៃទី២៣ ខែមិថុនា ឆ្នាំ២០២១នេះ បានផ្តល់ជាស្បៀងអាហារមួយចំនួនធំជូនដល់ក្រុមគ្រូពេទ្យកងទ័ពដែលកំពុងបំពេញភារកិច្ចបុព្វហេតុ ដើម្បីជាតិមាតុភូមិលើការប្រយុទ្ធប្រឆាំងជំងឺកូវីដ១៩។
លោក ក្រូច បូរីសីហា ឱ្យដឹងថា រូបលោក ក៏មិនខុសពីសប្បុរសជនដទៃទៀតដែរ ព្រោះកងទ័ពអង់អាចបានអាស្រ័យលើអ្នកជួរក្រោយ។ ដូច្នេះសកម្មភាពមនុស្សធម៌នេះ គឺស្តែងចេញពីទឹកចិត្តស្មោះត្រង់បន្តិចបន្តួចជាមួយបងៗកងទ័ពជួរមុខ ដើម្បីជាការជំរុញលើកទឹកចិត្តដល់ពួកគាត់បន្តប្រឹងប្រែងចាក់វ៉ាក់សាំងដល់ប្រជាពលរដ្ឋប្រកបដោយភាពជោគជ័យ។
លោកសង្ឃឹមថា ក្រោយយុទ្ធនាការចាក់វ៉ាក់សាំងទូទាំងខេត្តកោះកុងបិទបញ្ចប់ អ្នកពាក់ព័ន្ធនឹងមានសុខភាពល្អ ជៀសឆ្ងាយពីជំងឺកូវីដតាមរយៈទទួលបានវ៉ាក់សាំង និងអនុវត្តវិធានការសុខាភិបាលឱ្យបានខ្ជាប់ខ្ជួនបំផុតតបនឹងសេចក្តីណែនាំរបស់រាជរដ្ឋាភិបាលកម្ពុជា លោកស្រី មិថុនា ភូថង អភិបាលខេត្តកោះកុង និងមន្ទីរសុខាភិបាល។
អំឡុងពេលចុះពិនិត្យតាមដានដំណើរការចាក់វ៉ាក់សាំងនៅវត្តចាំយាម នាយឧត្តមសេនីយ៍ ប៊ុន លីត រដ្ឋលេខាធិការក្រសួងការពារជាតិ មានប្រសាសន៍ថា កម្មករ បុគ្គលិក និងនិយោជិតប្រមាណ១ម៉ឺន៣ពាន់ហើយ បានចាក់វ៉ាក់សាំងបង្ការជំងឺកូវីដ១៩ដូសទី១ កាលពីថ្ងៃទី២២ មិថុនា ម្សិលមិញ ជាក់ស្តែងថ្ងៃទី២៣ មិថុនានេះ គឺបន្តចាក់ប្រគេនជូនព្រះសង្ឃ និងប្រជាពលរដ្ឋអាយុចាប់ពី១៨ឆ្នាំឡើងទៅក្នុងស្រុកមណ្ឌលសីមាបន្ថែមទៀត។
ឯកឧត្តម ប៊ុន លីត គូសបញ្ជាក់ដែរថា កម្មករ បុគ្គលិក និងនិយោជិត រោងចក្រដែលបានទទួលវ៉ាក់សាំង រួមមាន៖ រោងចក្រកាត់ដេរសម្លៀកបំពាក់KKN1 KKN2 KKN3 និងរោងចក្រយ៉ាសាគិ។ ហើយដំណើរការចាក់វ៉ាក់សាំងនៅតំបន់រោងចក្រត្រូវបានបិទបញ្ចប់ជាស្ថាពរហើយដែរ។
បន្ទាប់ពីបិទបញ្ចប់ការចាក់វ៉ាក់សាំងបង្ការជំងឺកូវីដនៅស្រុកមណ្ឌលសីមា នៅថ្ងៃទី២៤ មិថុនា គឺក្រុមគ្រូពេទ្យក្រសួងការពារជាតិប្រមាណ៦០០នាក់ នឹងកំពុងបំពេញភារកិច្ចលើដំណើរការចាក់វ៉ាក់សាំងបង្ការជំងឺកូវីឌ១៩ជូនប្រជាពលរដ្ឋនៅស្រុកចំនួន៥ក្នុងខេត្តកោះកុងបន្តទៀត រួមមាន៖ស្រុកកោះកុង ស្រុកថ្មបាំង ស្រុកបូទុមសាគរ និងស្រុកគិរីសាគរ។ គិតមកដល់ម៉ោងនេះ គ្រប់ស្រុកទាំង៥ បានរៀបចំយន្តការគ្រប់គ្រងសណ្តាប់ធ្នាប់ និងទីតាំងសម្រាប់បម្រើការដល់ការចាក់វ៉ាក់សាំងជូនប្រជាពលរដ្ឋរបស់ខ្លួនរួចរាល់អស់ហើយ៕
អត្តបទ៖ សិរីវឌ្ឍនៈ
សមាគមទម្លាក់ការព្យាករណ៍ ទិន្នផលផលិតកម្មអំបិលក្រោម ១០ ម៉ឺនតោន ដោយសារអាកាសធាតុ
តួឯករឿង “កូនពស់កេងកង” ទទួលមរណភាពភាពយប់មិញ ក្រោយរងជំងឺសើស្បែកធ្ងន់ធ្ងរអស់ ៥ ឆ្នាំ
មន្ត្រីជាន់ខ្ពស់ការងារ អំពាវនាវកម្មកររោងចក្រស្បែកជើងរងគ្រោះអគ្គិភ័យ រក្សាភាពស្ងប់ស្ងាត់ រង់ចាំការដោះស្រាយពីរោងចក្រ
ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម
ត្រឹមមួយថ្ងៃ នគរបាលក្រសួងមហាផ្ទៃបង្ក្រាបបទល្មើសគ្រឿងញៀន ២១ករណី ឃាត់ខ្លួនមនុស្ស ៥៣នាក់
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ