ជនពិការនិងកុមារនៅកម្ពុជាតែងតែទទួលបាននូវការយកចិត្តទុកដាក់ថែទាំផ្គត់ផ្គង់ពីរាជរដ្ឋាភិបាលគ្រប់តំបន់

លោក នឹម ថូត រដ្ឋលេខាធិការប្រចាំការនៃក្រសួងសង្គមកិច្ច អតីតយុទ្ធជន និងយុវនីតិសម្បទាបានថ្លែងថា ជនមានពិការភាពនិងកុមារនៅកម្ពុជាតែងតែទទួលបាននូវការយកចិត្តទុកដាក់ថែទាំផ្គត់ផ្គង់ពីរាជរដ្ឋាភិបាលគ្រប់ទីកន្លែងគ្រប់តំបន់ទាំងអស់ដោយមិនឲ្យពួកគាត់ណាម្នាក់នៅឯកាឬនៅដាច់បាយឡើយ។

លោក នឹម ថូត ថ្លែងបែបនេះខណៈជំនួបជាមួយលោក វិទិត មុនតាប៊ន អ្នករាយការណ៍ពិសេសអង្គការសហប្រជាជាតិ ទទួលបន្ទុក ស្ថានភាពសិទ្ធិមនុស្សនៅកម្ពុជា ដេីម្បីពិភាក្សាការងារមួយចំនួនពាក់ព័ន្ធនឹងវិស័យសង្គមកិច្ច អតីតយុទ្ធជន និងយុវនីតិសម្បទា តាមប្រព័ន្ធអនឡាញនាថ្ងៃម្សិលមុិញនេះ។

ក្នុងកិច្ចប្រជុំបានផ្តោតសំខាន់លើវិធានការច្បាប់ និងរដ្ឋបាលឆ្លើយតបនឹងកូវីដ-១៩ ដែលបង្ហាញពីកិច្ចខិតខំប្រឹងប្រែងរបស់រដ្ឋាភិបាលក្នុងការដាក់ចេញវិធានការចាំបាច់នានាក្នុងគោលដៅការពារអាយុជីវិតនិងសុខភាពរបស់ពលរដ្ឋ ធានាបាននូវស្ថេរភាពនយោបាយនិងសេដ្ឋកិច្ច ក៏ដូច ជាទ្រទ្រង់ជីវភាពរស់នៅប្រចាំថ្ងៃរបស់ពលរដ្ឋដែលរងផលប៉ះ ពាល់ពីកូវីដ-១៩ ផងដែរ ដោយឈរលើមូលដ្ឋានសិទ្ធិមនុស្សទាំងក្របខណ្ឌជាតិ និងអន្តរជាតិ រួមទាំងបរិបទសង្គមរបស់កម្ពុជា។ ភាគីទាំង២ក៏បានបន្តពិភាក្សាលើការងារកុមារ ការស្តាយុវនីតិសម្បទា និងការលើកកម្ពស់សិទ្ធិជនពិការ ។ ជនមានពិការភាពនិងកុមារនៅកម្ពុជាតែងតែទទួលបាននូវការយកចិត្តទុកដាក់ថែផ្គត់ផ្គង់ពីរាជរដ្ឋាភិបាលគ្រប់តំបន់គ្រប់ទីកន្លែងទាំងអស់ដោយមនទុកឱ្យពួកគាត់នៅឯកាឬដាច់បាយឡើយ។

ជាមួយគ្នានោះដែរលោករដ្ឋលេខាធិការក៍បានធ្វើការផ្តាំផ្ញើដល់កុមារកំព្រានិងជនពិការទាំងអស់ត្រូវចេះថែរក្សាសុខភាព និងចេះថែរក្សា អនាម័យក្នុងការរស់នៅ ដូចជា រស់នៅស្អាត ហូបស្អាត ត្រូវចៀសឱ្យផុតពីគ្រឿងញៀន និងត្រូវប្រឹងប្រែងខិតខំរៀនសូត្រ ។

ចំណែកលោកគ្រូ អ្នកគ្រូវិញត្រូវបន្ថែមការយកចិត្តទុកដាក់ក្នុងការថែទាំ និង ធ្វើការអប់រំកុមារដែលបានរស់នៅក្នុងមណ្ឌលឱ្យដូចជាកូនបង្កើតរបស់ខ្លួនផងដែរ ជាពិសេស អ្នកគ្រូ និងសិស្សទាំងអស់គ្នាត្រូវគោរពតាមវិធានរបស់ក្រសួងសុខាភិបាល និងវិធានការរបស់រដ្ឋាភិបាល គឺ ៣ការពារ និង ៣កុំ ដើម្បីចៀសផុតពីការឆ្លងនូវជំងឺកូវី-១៩ ខណៈដែលពិភពលោក ។ ដោយឡែកនៅប្រទេសកម្ពុជាក៏បាននឹងកំពុងប្រឈមនូវការរាតត្បាតឆ្លងដល់សហគមជាង៤មុឺននាក់និងស្លាប់ជាង៥០០នាក់ទៅហើយ គិតត្រឹមថ្ងៃទី២៦ មិថុនា ឆ្នាំ២០២១៕

អត្ថបទ៖ វិមាន