ព័ត៌មានជាតិ
ផ្សារក្នុងក្រុងភ្នំពេញ បង្កើនការប្រុងប្រយ័ត្នមួយទ្វេជាពីរ ក្រោយផ្ទុះកូវីដនៅផ្សារបឹងកេងកង ឆ្លងរាប់រយនាក់
ភ្នំពេញ៖ ក្រោយផ្ទុះកូវីដនៅផ្សារបឹងកេងកងឆ្លងដល់អាជីវករ២៤៦នាក់ នៅព្រឹកថ្ងៃទី២៩ មិថុនានោះ គណៈកម្មការផ្សាររដ្ឋទាំងអស់ បានដាក់ចេញជាវិធានការម៉ឺងម៉ាត់ទ្វេដង ដើម្បីទប់ស្កាត់កុំឲ្យកើតមានការរីករាលដាលជំងឺកូវីដ-១៩នេះ ដូចករណីនៅផ្សារបឹងកេងកង ។
ប្រធានគណៈកម្មការផ្សារទួលទំពូង លោកចំរើន សុខលីម បានមានប្រសាសន៍អោយដឹងនៅព្រឹកថ្ងៃទី២៩មិថុនានេះថា ក្រោយពីមានការផ្ទុះឡើងនៅផ្សារបឹងកេងកង សម្រាប់ផ្សារទួលទំពូងបានពង្រឹងការប្រុងប្រយ័ត្នទ្វេដង។
គណៈកម្មការផ្សារទាំងអស់យកចិត្តទុកដាក់បំផុត នៅពេលបើកផ្សាររដ្ឋឡើងវិញនេះគឺការអនុវត្តកាតព្វកិច្ចពាក់ម៉ាស, កាតព្វកិច្ចរក្សាគម្លាតសុវត្ថិភាព, ការធ្វើអនាម័យដើម្បីសម្លាប់មេរោគ, ការវាស់កម្ដៅ, ការស្កេន QR Code និងត្រូវអនុវត្តតាមការណែនាំរបស់ក្រសួងសុខាភិបាល ជាពិសេសត្រូវប្រកាន់ខ្ជាប់ជានិច្ចនូវវិធានការ «៣ការពារ និង៣កុំ» យ៉ាងខ្ជាប់ខ្ជួន។
លោក ហ៊ត វ៉ាន់ធី ប្រធានគណៈកម្មការផ្សារអូរឫស្សី ក៏អោយដឹងនៅព្រឹកថ្ងៃ២៩មិថុនានេះដែរថា សម្រាប់ផ្សារអូរឬស្សី ក៏កំពុងអនុវត្តនូវវិធានការយ៉ាងម៉ឺងម៉ាត់ ដើម្បីទប់ស្កាត់ជម្ងឺកូវីដ-១៩ លើពលរដ្ឋចេញ ចូលផ្សារ ត្រូវការពាក់ម៉ាស, រក្សាគម្លាតសុវត្ថិភាព, ធ្វើអនាម័យសម្លាប់មេរោគ, វាស់កម្ដៅ,ស្កេន QR Code។
លោកថា ទោះប្រឹងប្រែងខ្លាំងយ៉ាងណាក៏ដោយ បើបងប្អូនប្រជាពលរដ្ឋមិនចូលរួមទេ គឺមិនបានជោគជ័យទេ។ ចំណែកផ្សារផ្សេងៗទៀត បើតាមការពិនិត្យមើលស្ថានភាពជាក់ស្តែង គឺគ្រប់ផ្សារបានយកចិត្តទុកដាក់ណាស់ចំពោះវិធានការពារ «៣ការពារ និង៣កុំ» នេះ។
គួរបញ្ជាក់ថា ផ្សាររដ្ឋទាំងអស់នៅរាជធានីភ្នំពេញ ចាប់ផ្តើមអនុញ្ញាតិអាជីវករបើកលក់ដូរជាប្រក្រតីឡើងវិញ ចាប់ពីថ្ងៃទី១៥ ខែមិថុនា ឆ្នាំ២០២១តទៅ។ គ្រប់អាជីវកម្ម-ការលក់ដូរ ដែលត្រូវបានអនុញ្ញាតឲ្យបើកដំណើរការ ត្រូវអនុវត្តវិធានការសុវត្ថិភាព ផ្នែកសុខាភិបាលឲ្យបានម៉ឺងម៉ាត់ជាអាទិ៍ កាតព្វកិច្ចពាក់ម៉ាស, កាតព្វកិច្ចរក្សាគម្លាតសុវត្ថិភាព, ការធ្វើអនាម័យដើម្បីសម្លាប់មេរោគ, ការវាស់កម្ដៅ, ការស្កេន QR Code និងត្រូវអនុវត្តតាមការណែនាំរបស់ក្រសួងសុខាភិបាល ជាពិសេសត្រូវប្រកាន់ខ្ជាប់ជានិច្ចនូវវិធានការ «៣ការពារ និង៣កុំ» របស់សម្ដេចតេជោ ហ៊ុន សែន។
ប៉ុន្តែទោះបីជាយ៉ាងណាក្តីក្នុងចំនួនផ្សាររដ្ឋទាំង២៥ មានផ្សារបឹងកេងកងមួយហើយ ដែលផ្ទុះនៅជម្ងឺកូវីដ-១៩ ដោយគិតមកត្រឹមព្រឹកថ្ងៃទី២៩មិថុនានេះ មានអ្នកវិជ្ជមាននៅក្នុងផ្សារនេះចំនួន២៤៦នាក់ ក្នុងចំណោមមនុស្សយកសំណាក១១០០នាក់៕
អត្ថបទ៖ ស្រីរ័ត្ន
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៣ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម