ព័ត៌មានជាតិ
អាជ្ញាធរសម្រេចបិទបណ្ដោះអាសន្ន ផ្សារមោងឬស្សី ក្រោយរកឃើញអាជីវករវិជ្ជមានកូវីដ-១៩ ចំនួន ៤ នាក់
អាជ្ញាធរខេត្តបាត់ដំបង សម្រេចបិទខ្ទប់បណ្ដោះអាសន្ន នៅផ្សារមោងឫស្សី ស្ថិតក្នុងស្រុកមោឫស្សី ខេត្តបាត់ដំបង ក្រោយក្រុមគ្រូពេទ្យបានរកឃើញអាជីវករលក់ដូរ ក្នុងផ្សារមួយនេះបានឆ្លងជំងឺកូវីដ១៩ មានដល់៤ករណី។
ស្របពេលបិទខ្ទប់នេះ អាជ្ញាធរខេត្តក៏បានអំពាវនាវដល់អ្នកដែលពាក់ព័ន្ធផ្ទាល់ និងប្រយោលឲ្យចូលខ្លួនមកជួបគ្រូពេទ្យឬតាមរយៈឲ្យដំណឹងដល់អាជ្ញាធរដែនដី ដើម្បីចូលខ្លួនមកធ្វើចត្តាឡីស័កទប់ស្កាត់ការឆ្លងរីករាលដាលតគ្នា ក្នុងសហគមន៍ដោយមិនដឹងខ្លួន ខណៈដែលក្រុមគ្រូពេទ្យរកឃើញ៤ករណី ក្នុងផ្សារមោងឫស្សី ហើយនៅមិនទាន់ដឹងប្រភពចម្លងច្បាស់លាស់នៅឡើយ។
អាជ្ញាធរស្រុកបានឲ្យដឹងថា អាជីវករលក់ដូរនៅផ្សារមោងឫស្សីទាំង៤នាក់ ដែលក្រុមគ្រូពេទ្យបានរកឃើញមានវិជ្ជមានកូវីដ១៩ ក្នុងនោះស្ត្រីជាអាជីវករលក់ពងទានិងប្ដីប្រពន្ធលក់សម្លៀកបំពាក់រួមទាំងកូនស្រីម្នាក់ផង ហើយពួកគេក៏ត្រូវបានដាក់ឲ្យសម្រាកព្យាបាលនៅក្នុងអនុវិទ្យាល័យមោងឫស្សីរួចរាល់ហើយដែរ ដោយអាការៈរបស់ពួកគេធម្មតាមិនមានអ្វីធ្ងន់ធ្ងរនោះទេ។
ស្របពេលចុះផ្សព្វផ្សាយពីការបិទខ្ទប់ផ្សារមោងឫស្សីនៅព្រឹកថ្ងៃទី២៩ ខែមិថុនា ឆ្នាំ២០២១នេះ លោក បឿន សុវណ្ណ អភិបាលរងស្រុកមោងឫស្សី បានលើកឡើងថា ការបិទខ្ទប់នេះប្រព្រឹត្តិទៅរយៈពេល១៤ថ្ងៃ ចាប់ពីថ្ងៃទី២៩ខែមិថុនានេះតទៅ ដោយមិនឲ្យអាជីវករលក់ដូរទាំងនៅក្នុងផ្សារនិងនៅក្រៅបរិវេណផ្សារ ដើម្បីទប់ស្កាត់កុំឲ្យឆ្លងរាលដាលនៃជំងឺកូវីដ១៩ ខណៈអាជ្ញាធរកំពុងស្វែងរកបន្ថែមអ្នកពាក់ព័ន្ធជាមួយអ្នកវិជ្ជមានកូវីដ១៩ទាំង៤ករណីខាងលើនេះ។ លោកបានបន្តថា អ្នកឆ្លងជំងឺកូវីដ១៩ទាំងអស់នោះ មិនទាន់ដឹងប្រភពចម្លងពីខាងណាច្បាស់លាស់នោះទេ គ្រាន់តែដឹងថា កាលពីថ្ងៃទី២៥ ខែមិថុនា មានពលរដ្ឋវិជ្ជមានកូវីដ១៩ម្នាក់ មុនអាជ្ញាធរនិងមន្ត្រីសុខាភិបាលរកឃើញឆ្លងបានដើរចូលផ្សារមោង ដើម្បីទិញឥវ៉ាន់ហើយមិនដឹងថា រូបគេបានប៉ះពាល់ជាមួយមនុស្សប៉ុន្មានអ្នកនៅឡើយនោះដែរ។
គិតចាប់ពីមានការផ្ទុះឆ្លងជំងឺកូវីដ១៩ នៅក្នុងប្រទេសកម្ពុជា សម្រាប់ខេត្តបាត់ដំបង គឺមានអ្នកឆ្លងជំងឺកូវីដ១៩ ចំនួន៨៤១នាក់ ត្រូវបានព្យាបាលជាសះស្បើយចំនួន៥១៧នាក់ ស្លាប់ចំនួន៦នាក់ និងកំពុងសម្រាកព្យាបាលចំនួន៣១៨នាក់។ ក្នុងចំណោមអ្នកជំងឺកូវីដ១៩ ទាំង៨៤១នាក់ គឺ កាលពីថ្ងៃទី២៨ ខែមិថុនា ឆ្នាំ២០២១ បានរកឃើញចំនួន២៨នាក់ថ្មីបន្ថែមទៀត និងព្យាបាលជាសះស្បើយចំនួន១០នាក់៕
អត្ថបទ៖ សៅ សារិទ្ធ
ប៉ាឡេស្ទីន អំពាវនាវឲ្យ FIFA ដាក់ទណ្ឌកម្មលើ បាល់ទាត់អ៊ីស្រាអែល
ច្បាប់លើកលែងជនជាតិយូដាពីកាត្វកិច្ចយោធាកំពុងបង្កភាពប្រេះឆាក្នុងជួររដ្ឋាភិបាល អ៊ីស្រាអែល
ក្រសួងយុត្តិធម៌៖ សមត្ថកិច្ចកំពុងធ្វើការតាមជំហានៗ លើរឿងពលរដ្ឋចាញ់បោកក្រុមហ៊ុន CIC Plc
យុវជន Reyna ឈ្នះពានកីឡាករឆ្នើម ក្រោយជួយអាមេរិកឈ្នះជើងឯក CONCACAF
ឆ្មក់បង្ក្រាបល្បែងស៊ីសងខុសច្បាប់ សមត្ថកិច្ចឃាត់ខ្លួនមនុស្ស៨នាក់
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១ សប្តាហ៍ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម៤ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ជីវិតកម្សាន្ដ១ សប្តាហ៍ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ