ព័ត៌មានជាតិ

បិទផ្សារកំពង់ធំ និងផ្សារស្ទឹងសែន ដើម្បីបាញ់ថ្នាំសម្លាប់មេរោគ ក្រោយមានអ្នកវិជ្ជមានកូវីដ១៩

បានផុស

៤ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

រដ្ឋបាលក្រុងស្ទឹងសែន បានចាត់វិធានការបិទផ្សារចំនួន២ បាញ់ថ្នាំសម្លាប់មេរោគកូវីដ១៩ នៅក្នុងទីប្រជុំជន នៃផ្សារកំពង់ធំ បន្ទាប់ពីស្ថានភាពជំងឺកូវីដ១៩ បានរីករាលដាលយ៉ាងគំហុក និងពុំមានការថយចុះសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ាក ប៊ុនហុង អភិបាលក្រុងស្ទឹងសែន បានសម្រេចបិទផ្សារកំពង់ធំ និងផ្សារស្ទឹងសែន ក្នុងរយៈពេលកន្លះថ្ងៃ ដោយមានការជម្រាបជូនដំណឹង ដល់បងប្អូនអាជីវករក្នុងផ្សារឲ្យធ្វើការបិទតូប រៀបចំសម្ភារៈ ទុកដាក់ឲ្យមានរបៀប និងសុវត្ថិភាព ដើម្បីងាយស្រួល ដល់ក្រុមការងារ សុខាភិបាល និងអាជ្ញាធរពិនិត្យទីតាំង ក្នុងផ្សារ និងបាញ់ថ្នាំសម្លាប់មេរោគកូវីដ១៩ នៅថ្ងៃទី១ ខែកក្កដា ឆ្នាំ២០២១។

លោកអភិបាលក្រុងបានមានប្រសាសន៍ថា យោងតាមស្ថានភាព នៃការរីករាលដាលនៃមេរោគជំងឺកូវីដ១៩ នៅក្នុងខេត្តកំពង់ធំ មានការកើនឡើង ពីមួយថ្ងៃទៅមួយថ្ងៃ ធ្វើឲ្យថ្នាក់ដឹកនាំ មានការព្រួយបារម្ភ ពីសុខភាព និងអាយុជីវិត របស់បងប្អូនប្រជាពលរដ្ឋ។

លោក ម៉ាក ប៊ុនហុង អភិបាលក្រុងស្ទឹងសែន បានអំពាវនាវឲ្យបងប្អូនប្រជាពលរដ្ឋ អាជីវករ ផ្សារ កំពង់ធំ ដែលពាក់ព័ន្ធ និងលោកស្រី ជា វាសនា អ្នករាប់លុយផ្សារកំពង់ធំ ដែលផ្ទុកមេរោគកូវីដ១៩ មកធ្វើសំណាករកមេរោគ ដើម្បីចូលរួមការពារទប់ស្កាត់ ការឆ្លងរីករាលដាលជំងឺនេះ ដោយអនុវត្ត តាមវិធានការ ៣ការពារ ៣កុំ របស់សម្ដេចតេជោ ហ៊ុន សែន៕

អត្ថបទ៖ ប៊ុន រដ្ឋា

សូមចុចអាន៖ មន្ទីរសុខាភិបាលខេត្តសៀមរាប បង្ហាញថា អ្នកជំងឺកូវីដ-១៩ អាចលាប់ឡើងវិញ បើមិនអនុវត្តវិធានការខ្ជាប់ខ្ជួន