ព័ត៌មានជាតិ

ពលរដ្ឋប្រទះឃើញគ្រាប់មិនទាន់ផ្ទុះជាច្រើនគ្រាប់ នៅក្នុងដីចម្ការ

បានផុស

៥ years មុន

នៅ

ថ្ងៃសៅរ៍ ១៧ កក្កដា ២០២១

ដោយ

មន្ដ្រីនគរបាល រដ្ឋបាលឃុំអូរស្វាយ នៃអធិការដ្ឋាននគរបាល ខេត្តឧត្តរមានជ័យ បានឲ្យដឹងថា នៅថ្ងៃទី១៧ ខែកក្កដា ឆ្នាំ២០២១ វេលាម៉ោង០៩និង០០នាទីមានប្រជាពលរដ្ឋឈ្មោះ អ៊ឹម ម៉ារ៉េត ភេទប្រុស អាយុ៥១ឆ្នាំ កសិករ រស់នៅទំនប់អភិវឌ្ឍន៍ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ បានប្រទះឃើញគ្រាប់យុទ្ធភណ្ឌមិនទាន់ផ្ទុះក្នុងដីចម្ការរបស់គាត់ ចំនួន១៣គ្រាប់ មានដូចខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

-គ្រាប់B៦០ ចំនួន ០១គ្រាប់

-គ្រាប់DK៨០ ចំនួន ០៥គ្រាប់

-គ្រាប់B៤០ ចំនួន ០៤គ្រាប់

-ក្បាលផ្ទុះB៤០ ចំនួន ០៣គ្រាប់

នៅត្រង់ចំណុចខាងកើតភូមិទំនប់អភិវឌ្ឍន៍ចម្ងាយ៣០០ម៉ែត្រ ហើយបានមករាយការណ៍ជូនប៉ុស្តិ៍នគរបាល រដ្ឋបាលឃុំអូរស្វាយ។ ក្រោយពីទទួលបានព័ត៌មានកម្លាំងប៉ុស្តិ៍បានចុះទៅពិនិត្យដល់កន្លែងទីតាំងគ្រាប់ និងសន្និដ្ឋានថា ជាគ្រាប់សេសសល់ពីសម័យសង្គ្រាម។

សំណល់គ្រឿងផ្ទុះសល់ពីសម័យសង្គ្រាមនៅមានច្រើនកប់ក្នុងដី។ ប្រជាពលរដ្ឋនៅតាមតំបន់ ដាច់ស្រយាល ងាយរងគ្រោះថា្នក់ពិសេសក្មេងតូចៗ។ ការជីកគាស់កាយរុករានដីព្រៃធ្វើចម្ការ ងាយ និងគ្រោះថ្នាក់ដោយសារយុទ្ធភ័ណ្ឌមិនទាន់ផ្ទុះ។ យើងរួមគ្នាទប់ស្កាត់ ការគ្រោះ ថ្នាក់ បណ្តាលមកពីសំណល់គ្រឿងផ្ទុះសល់ពីសម័យសង្គ្រាម ក្នុងសហគមន៍យើងទាំងអស់គ្នា។

ពេលឃើញគ្រាប់មិនទាន់ផ្ទុះ សូមកុំប៉ះពាល់វា ហើយរាយការណ៍ជូនភូមិ-ឃុំប៉ុស្តិ៍នគរបាល នៅក្នុងមូលដ្ឋានរបស់អ្នក។ បច្ចុប្បន្នគ្រាប់ទាំងអស់នេះ សមត្ថកិច្ចយើងបានរាយការណ៍ជូន អង្កការដោះមីនកម្ពុជា យកទៅកម្ទេចចោលនៅកន្លែង ដែលមានសុវត្ថិភាពរួចរាល់អស់ហើយ៕

អត្ថបទ៖ ចាន់ ធី

Related Topics:យុទ្ធភណ្ឌមិនទាន់ផ្ទុះ