ព័ត៌មានជាតិ
ច្បាស់ហើយ! លោកស្រី ឱ វណ្ណឌីន បកស្រាយ ហេតុអ្វីកម្ពុជាទិញវ៉ាក់សាំងកូវីដ-១៩ពីចិន មិនទិញរបស់អាមេរិក?
បន្ទាប់ពីមានការលើកឡើងថា កម្ពុជាទិញវ៉ាក់សាំងកូវីដ-១៩តែពីសារណរដ្ឋមានិតចិន មិនទិញវ៉ាក់សាំងកូវីដ-១៩ របស់អាមេរិកនោះ នៅថ្ងៃទី២០ ខែកក្កដា ឆ្នាំ២០២១នេះ មន្ត្រីជាន់ខ្ពស់ក្រសួងសុខាភិបាលបានបកស្រាយពីមូលហេតុដើម្បីឆ្លើយតបចំពោះការលើកឡើង និងចម្ងល់ទាំងនោះ។
លោស្រី ឱ វណ្ណឌីន រដ្ឋលេខាធិការក្រសួងសុខាភិបាល និងប្រធានគណៈកម្មការចំពោះកិច្ចចាក់វ៉ាក់សាំងការពារជំងឺកូវីដ១៩ ក្របខណ្ឌទូទាំងប្រទេស មានប្រសាសន៍ថា មិនមែនរាជរដ្ឋាភិបាលកម្ពុជា មិនចង់រកវ៉ាក់សាំងពីប្រទេសដទៃនោះទេ តែរកទិញមិនបាន។ លោកស្រី បានបញ្ជាក់ថា ប្រទេសដែលផលិតវ៉ាក់សាំងខ្លះអាត្មានិយម ផលិតវ៉ាក់សាំងបាន គឺទុកចាក់តែពលរដ្ឋរបស់ពួកគេ។
លោកស្រី ឱ វណ្ណឌីន មានប្រសាសន៍ថា៖ “អ្នកខ្លះសួរថា ហេតុអ្វីបានជាទៅទិញតែពីចិន ម៉េចក៏អាមេរិកអី មិនទិញ? មិនមែនមិនចង់ទិញទេ តែទិញវាមិនបាន។”
លោកស្រី មានប្រសាសន៍បញ្ជាក់ថា៖ “វ៉ាក់សាំងនេះ វាមានប្រសិទ្ធភាព និងគុណភាពដូចគ្នា បើយើងមិនទិញពីចិន តើយើងទៅទិញពីណា? បើប្រទេសធំៗមួយចំនួន គាត់ផលិតមក គាត់ចាក់ជូនប្រជាពលរដ្ឋគាត់សិន គាត់អត់មានលក់ទៅឱ្យប្រទេសណា គាត់ចាក់ឱ្យប្រជាពលរដ្ឋគាត់សិនហ្នឹង!”។
រដ្ឋលេខាធិការក្រសួងសុខាភិបាលរូបនេះ បានអះអាងថា វ៉ាក់សាំងរបស់ចិនទាំងពីរប្រភេទ ដែលកំពុងប្រើប្រាស់នៅក្នុងប្រទេសកម្ពុជា គឺមានប្រសិទ្ធភាពដូចវ៉ាក់សាំងដទៃទៀតផងដែរ។ មុននឹងការសម្រេចដាក់ឱ្យប្រើប្រាស់បន្ទាន់ចំពោះវ៉ាក់សាំងស៊ីណូហ្វាម និងស៊ីណូវ៉ាក់ ក៏ដូចជាវ៉ាក់សាំងដទៃទៀត គឺអង្គការសុខភាពពិភពលោក បានសិក្សាស្រាវជ្រាវច្បាស់លាស់ទៅលើប្រសិទ្ធភាព និងសុវត្ថិភាពនៃវ៉ាក់សាំង។
លោកស្រីវេជ្ជបណ្ឌិត ឱ វណ្ណឌីន មានប្រសាសន៍ថា៖ “ខ្ញុំសូមជម្រាបថា មុននឹងអង្គការសុខភាពពិភពលោកគេដាក់នូវវ៉ាក់សាំងឱ្យប្រើប្រាស់ គឺអង្គការសុខភាពពិភពលោក ដែលយើងហៅថា WHO បានសិក្សាហ្មត់ចត់ណាស់ទៅលើប្រសិទ្ធភាព និងសុវត្ថិភាពវ៉ាក់សាំង។ អ៊ីចឹងវ៉ាក់សាំងអីក៏ដោយ ទោះបីវ៉ាក់សាំងស៊ីណូហ្វាម ស៊ីណូវ៉ាក់ ភីហ្វាយស័រ ចនសុនចនសុន អាស្ត្រាហ្សេនីកា ឬក៏ម៉ូដេណា គឺសុទ្ធសឹងជាវ៉ាក់សាំង ដែលមានប្រសិទ្ធភាព មានសុវត្ថិភាព ប្រើប្រាស់នៅលើមនុស្ស”។
គួររំលឹកថា សម្តេចតេជោ ហ៊ុន សែន នាយករដ្ឋមន្ត្រីកម្ពុជា ក៏បានធ្លាប់បានបញ្ជាក់ហើយដែរថា បើគ្មានការជួយផ្គត់ផ្គង់វ៉ាក់សាំងពីប្រទេសចិនទេនោះ កម្ពុជា មិនអាចសម្រេចនូវផែនការចាក់វ៉ាក់សាំងជូនប្រជាពលរដ្ឋនោះឡើយ សូម្បីតែ២០ភាគរយ ក៏មិនបានផង។
មកដល់ពេលនេះ ប្រទេសកម្ពុជា មានវ៉ាក់សាំងកូវីដ-១៩ ១៦លានដូសហើយ រួមមាន វ៉ាក់សាំង ស៊ីណូហ្វាម និងស៊ីណូវ៉ាក់ ដែលជាផលិតផលរបស់ចិន និងវ៉ាក់សាំង អាស្ត្រាហ្សេនីកា ផលិតផលរបស់សហរដ្ឋអាមេរិក។ គិតត្រឹមយប់ថ្ងៃទី១៩ ខែកក្កដា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ-១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ៦,០៦១,៣០៥នាក់ ឬស្មើនឹង ៦០.៦១% នៃលទ្ធផលចាក់វ៉ាក់សាំងគោលដៅ១០លាននាក់។
នៅថ្ងៃនេះផងដែរ លោកស្រី ឱ វណ្ណឌីន បាននាំយកថវិកាឧបត្ថម្ភចំនួន ១០លានរៀល និងសម្ភារផ្សេងទៀត របស់សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា ប្រគល់ជូនដល់អ្នកចាក់វ៉ាក់សាំងការពារជំងឺកូវីដ-១៩ទី៦លាន ដែលបានទៅលើ លោកស្រី ផេង សឿន អាយុ៦៧ឆ្នាំ ជាកសិករ រស់នៅភូមិតាអុង ឃុំតាអុង ស្រុកចំការលើ ខេត្ដកំពង់ចាម៕
អត្ថបទ៖ ច័ន្ទ វីរៈ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ