ព័ត៌មានអន្ដរជាតិ
មិនធម្មតា! វ៉ាក់សាំង Sinovac ផលិតអង់ទីគ័រសឹង ១០០ភាគរយ លើក្មេងអាយុ៣ ដល់១៧ឆ្នាំ
វ៉ាក់សាំងកូវីដ Sinovac របស់ប្រទេសចិន ត្រូវបានអនុម័តឲ្យប្រើប្រាស់ជាបន្ទាន់ ក្នុងចំណោមមនុស្សដែលមានអាយុចន្លោះពី ៣ ទៅ ១៧ ឆ្នាំ បន្ទាប់ពីទិន្នន័យសាកល្បងគ្លីនិកដំណាក់កាលទី ២ បង្ហាញថា វ៉ាក់សាំងនេះ មានប្រសិទ្ធភាពយ៉ាងហោចណាស់ ៩៨,៩ ភាគរយ ក្នុងការផលិតអង់ទីគ័រ ដែលនេះជាប្រសិទ្ធភាពខ្ពស់ជាងមនុស្សអាយុលើស ១៨ ឆ្នាំទៅទៀត។
ក្រុមហ៊ុនបានប្រកាសកាលពីថ្ងៃចន្ទថា ការពិសោធន៍ គឺធ្វើឡើងលើអ្នកស្ម័គ្រចិត្តចំនួន ១៨០ នាក់នៅក្នុងក្រុមអាយុនេះ។ បីខែបន្ទាប់ពីការចាក់វ៉ាក់សាំង ការផលិតអង់ទីគ័រក្នុងចំណោមមនុស្សដែលមានអាយុពី ៣ ទៅ ១៧ ឆ្នាំ គឺមានចំនួន ៩៨,៩ ដល់ ១០០ ភាគរយ អាស្រ័យលើកម្រិតដូស។
ក្រុមហ៊ុន Sinovac បាននិយាយថា លទ្ធផលគឺប្រសើរជាងមនុស្សដែលមានអាយុលើសពី ១៨ ឆ្នាំ។ ក្រុមហ៊ុន កត់សម្គាល់ថា ទិន្នន័យបានបង្ហាញថា វ៉ាក់សាំងនេះមានស្ថិរភាពនិងមានប្រសិទ្ធភាពក្នុងចំណោមមនុស្សវ័យក្មេង។
កាលពីខែមិថុនា អង្គការសុខភាពពិភពលោក បានអនុម័តវ៉ាក់សាំង Sinovac សម្រាប់ការប្រើប្រាស់ជាបន្ទាន់ ចំពោះមនុស្សដែលមានអាយុលើសពី ១៨ ឆ្នាំ បន្ទាប់ពីកត់សម្គាល់ឃើញប្រសិទ្ធភាពថា វ៉ាក់សាំង Sinovac អាចការពាររោគសញ្ញា ៥១ភាគរយក្នុងចំណោមអ្នកដែលបានចាក់វ៉ាក់សាំង និងអាចការពារការឈឺធ្ងន់ដោយសារជំងឺកូវីដនិង ការចូលព្យាបាលក្នុងមន្ទីរពេទ្យបាន ១០០ភាគរយ។
វ៉ាក់សាំង Sinovac ត្រូវបានអនុម័តឲ្យប្រើប្រាស់ជាបន្ទាន់នៅក្នុងខែឧសភា សម្រាប់មនុស្សដែលមានអាយុចន្លោះពី ៣ ទៅ ១៧ ឆ្នាំ។ ខេត្តនិងទីក្រុងជាច្រើននៅក្នុងប្រទេសចិន បានទទួលការចាក់ថ្នាំបង្ការដល់ក្មេងជំទង់ដែលមានអាយុពី ១៥ ទៅ ១៧ ឆ្នាំ ចាប់តាំងពីខែកក្កដា ហើយគ្រោងនឹងពង្រីកការចាក់ដល់ប្រជាជនបន្ថែមទៀត៕
ប្រែសម្រួល៖ Vann Vann
ប្រភព៖ Global Time
ចុចអាន៖ ប្រជាជនចង់ចាក់វ៉ាក់សាំង Sinovac ច្រើនពេក ពេលនេះសិង្ហបុរី គ្រោងនាំចូលបន្ថែម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)